我諗只係直私既比率比較高令好多家長誤會，當中mixed粵加普或者分級都好多，有興趣google 下多啲資料。
2019- 16.4%小學及2.5%中學全面普教中
好多學校都分級或者分班咁開普教中
最緊要家長唔好當普教中係精英班
2個讚
好同意
邊度可以買？
係Fb search教具會有好多鋪頭 
廢事開名賣廣告不過我pm左你～
1個讚
一搞掂中文，連帶幫助常識、數學，唉現在幫個仔追都幾頭痛
中文係一個input(閱讀、聆聽)至output(說話、寫作)既過程，語基就係一啲語文技巧，確實係可以操翻黎
不過無input又點有output呢？不妨趁假期睇多啲書，男仔中意睇偵探、歷史類都可以呀！最緊要佢哋有興趣 
我想快點捱到佢自己閲讀的階段
咁你而家要用多啲時間同佢講故事了
閲讀理解的話，一年級睇漏字通常都係唔小心，太心急或者唔識所以無心，跳住睇。你可以叫佢讀出聲，指住啲字，一隻隻咁讀，可以的話讀埋標點，不過過程係苦悶嘅，你可以諗啲方法令佢讀得開心啲，例如伴讀同埋唔好覺得佢讀得慢讀錯曬，心態要穩，又例如俾啲初小小朋友朗誦比賽啲片/etb佢睇，就有啲目標去奮鬥下。讀多幾次就熟，會流暢好多，小朋友朗讀好重要，難得停課有時間就多啲朗讀。至於口語同書面語轉換就有機會係屋企用幾種語言又或者單純係小朋友轉唔過來，可以從日常生活中入手，同佢解釋下點解寫同講係唔一樣，再喺平日生活中玩對譯下滲啲滲啲。一般黎講，大部分小朋友都會自然過度呢個問題嘅，問題應該不大。個人經驗，希望對你有幫助。
1個讚
犀利
我好贊成朗讀 
但我見有啲津小真係叻先比入普教中…
我幾反感咁mix 法…
我又ok喎，有啲學校某d年級先用咁當學外語都接受到。我唔想小朋友用慣大陸用詞連廣東話都唔識，全普教中嘅小朋友呢個問題非常嚴重，好多出街都講普通話慣咗好恐怖，我個人唔接受佢咁樣，但好多家長覺得冇問題咁冇所謂。
口語化例如：
和 讀成 ＞同埋
拿走 讀成 ＞攞走
沒有了 讀成 ＞冇左
呢個我都有啲觀察
小朋友上online 可能有新鮮感
會專心左好多
好恨online
可能當左係玩電腦
個人意見全粵教最好，普通話另設一科就夠
有啲初小普教，其實可能已令唔習慣普通話的小朋友打唔好中文底…高中先又去返粵教，為升中，唉，搞來搞去有乜為？
謝謝你嘅意見 
無錯，阿仔係成日唔小心又心急兼冇耐性，仲覺得自己講野叻識好多野（幼兒班老師話佢有語言天份，甚至有挑戰權威嘅傾向）。我已經要佢指住啲字朗讀，但佢手指移動快過讀；用伴讀，每人讀一段（阿仔提議）還可以，缺點係會魂遊太虛。現階段我地都定左啲閲讀目標比佢，完成後會有獎勵。至於口語化，比較難攪，唔可以話佢錯，但又想糾正，真係要用多啲時間去同佢改進。
我諗之前嗰十年政府係咁推普教，好多家長就一窩蜂入普教中學校。但近年加上政治因素我身邊大部分香港本地家長都想粵教中，但好多直私仍然維持普教，好無奈！