其實好幾間銀行之前都出事, 所以一係唔用
或者用完之後鎖卡, 渣打好似都有得鎖卡
1個讚
我試過中過一次招，恒生話視乎網站對某一個金額以下有冇需要驗證碼。
我嗰次係個騙徒喺英國Apple online 買左一萬蚊港幣既野，我都無收過驗證碼，只係立即收到SMS話碌左卡 我就即時打上恒生卡hotline，及時截到，查證後唔使交。
可以保障自己只有set低信貸額同關閉海外交易，去旅行前先打上去開返。
1個讚
係 報警
恒生職員叫我做
去到報警 警察亦唔顯得出奇
可能習慣咗 要報咗警 銀行先waive到我
又咁講 個個打去話自己張咭被盜用仲得了嘅 online purchase又無記認嘅
佢要你報警 去justify係唔係講大話掛
1個讚
原來可以咁做？
這是網絡銀行信用卡，理論上多一個安全碼，你要確認或者認證，應該係好啲嘅。
佢是否每一單交易都必須要你確認才交易？
我完全感受到你煩惱，
我唔明點解可以拎左授權，擺明係騙案嚟㗎喎，係佢電腦系統有漏洞，渣打應該負責。
A E，手續費貴過其他信用卡，你攞出嚟用，商戶都問你有沒有其他信用卡，係香港已經唔多商店可用，到你搵到，攞出嚟用，又俾人歧視。
1個讚
其實唔關窮唔窮事，用信用卡一個好處係增加借貸額
實體店買嘢唔需要，但網上付款就要
我早排都試過被盜用信用咭
我有即時聯絡匯豐銀行
銀行叫我最快方法聯絡簽帳公司
由嗰間公司先截數會最快
到我聯絡被簽帳間公司CS
佢哋都建議我安全起見先報警
同時間幫我處理呢筆簽帳
不過當時銀行有講過
若果對方公司解決唔到
再同銀行佢哋講番
佢哋會再幫我申請處理
當晚我去到警局
個警員話佢一個人
單單一星期佢自己一人已處理6宗信用卡被盜用了
1個讚
即係一樣有漏洞，
同匯豐信用卡一樣，
我用dbs, 直接係dbs apps 換BA英國機票、唔冼等asiamiles 放位出來
1個讚
聯絡簽帳公司未必有用。
我嗰時都有聯絡，諗住做多好過做少。
結論係你提供到卡上的資料，騙徒都提供到，公司唔可以單憑你話你係卡主就取消交易。
佢哋通常海外消費，就算我提供埋id加香港報案編號打長途去佢哋hotline，簽帳公司都未必肯幫手。
我來左英國，試過3次比人盜用卡（之前响香港從未試過）
1.渣打： 2單交易，第一單，冇授權過左，第二單比銀行截到，之後打番渣打，話會交比部份處理，最後都唔駛我比錢。
-
Citibank: 有3單交易，因為要授權，所以最後唔成功。
-
Revolut: 1單交易，我哋一見到就即刻lock 卡， 最後都可以claim 番。
最後，我哋將Citi, 渣打卡取消晒， 只留HSBC卡， 而HSBC 卡會用個App 去lock 左張卡，要用先解卡，用完再lock.
而Revolut, 比人盜既 virtual 卡就delete 左， 跟住開張幾新virtual 卡，1張搭車和超市用，1張上網買野，而上網買野果張，會用之前先unfreeze, 用完就freeze 番。
我覺得呢度network 好唔安全，資料好易比人盜取。
原來有這個方法，又長知識。
係個app入面自己關閉？
其實我張HSBC比人盜用過，CS處理得又幾好…
我記得係網上整
如果降低信貸額就打上hotline提出
今早收到渣打個電話，真係嬲到彈起
佢係打電話黎通知我已經入帳，而家會啟動查單程序, 60日內會有結果通知返我，
渣打會用墊支方式同我比左呢400蚊英鎊先。
（講到佢地完全無問題咁wo, 咁我就火起喇）
我話：
- 我無收過sms
- 無拎過張卡出黎
- 人並不在英國，身在香港, 亦無響網上馬沙買野
而家係非法授權, 你地點可以比人入帳? 我明明11:XXPM收到EMAIL, 一早起身睇EMAIL 已經打電話黎同你地求助, 你地應該要馬上欄截左條數佢啦. 根本係你地系統有問題比人hack左個OTP 先比黑客拎到個權，咩叫幫我墊支，而家我比你地禁差既系統要我花額外時間跟進，你地一陣話查唔到條數咁我點？即係要我找數？呢條數我點都唔會找！
個cs好似好有禮貌但又好串咁答我：
你找唔找係你個人意願，但你如果唔申請查單咁我係幫你唔到, 咁你要找數架, 小姐
我答佢：
查就梗係查啦，你地系統差成咁令我有suffer ，但唔係幫我墊支，係你地自己同master card公司同英國馬沙攪返掂條數佢囉。咩叫墊支，墊支即係最後要我比錢？荒謬
Cs答我：
咁小姐你查唔查數？如果查，請你回答我，以下3項係無得追究
1）sms OTP密碼你自己比過人
2）拎出張實體卡比人碌
3）電子支付，包括pay wave
小姐，我係黎幫你開file跟進，我唔係調查單位，所以再進一診問題答唔到你
我最後答佢：
我以上3點都明白亦無做過，而家係盜用，你明唔明
請你地查帳同修復安保問題！
400蚊英鎊我唔會找，btw 同我cut卡唔好再寄野比我。
2個讚
嘩睇文字都感覺到好勞氣 
對方仲好似講到唔係佢地銀行問題
下? 去超市買野都會用paywave啦, 用過佢地都唔負責?!
JM 唔洗咁嬲, 個CS可能都係跟程序做, 應該大機會之後都唔洗找