我諗都其實會唔會係人到中年荷爾蒙有所改變
身體平衡比後生時差左？
容易小事緊張左？
係咪好多人到中年會出現呢個身體狀況？
我係~
年紀大, 可能更年期掛…
我變得樣樣都好驚… 有事發生就諗野好負面.
諗到好遠好遠, 最壞既結果
諗到失眠, 心忐忑不安
1個讚
其實有好多情緒病起因, 除咗本身性格, 好多時係荷爾蒙影響, 所以青春期同更年期係好易誘發情緒病…如果唔太嚴重(即係無自殘/自毀傾向) 就多做運動, 曬下太陽… 有時可以放縱下自己, 食D鐘意嘅嘢, 如果情況嚴重影響到生活, 就一定一定一定要去搵專業人仕幫手… 係香港, 情緒病非常普遍, 普遍到好似感冒發燒咁… 祝願BD各位JM都身心健康
12個讚
周邊環境都會有影響
去郊外走走，曬下太陽，放慢節奏，會好點的
除咗運動，如果係屋企，試吓日日腹式呼吸最少10分鐘或以上，比自己休息放鬆，感覺會輕鬆啲。
咪易仆街
性格問題,樂天自然無咁多焦慮症狀
最慘係世界局勢又真係緊張左
社會係多左危機
有時都分唔到到底自己d擔心係唔係超出正常水平
我覺得而家呢個世界出現焦慮都好正常，見身邊d長輩越老越焦慮，可能佢哋會感到自己慢慢時日無多，佢哋好多野勁心急勁擔心，好似覺得唔夠時間咁
我都明顯比後生嗰時焦慮好多
我都係， 有時都會訓吾著。
中晒我心聲
1個讚
焦慮症康復者路過
焦慮症係會突然出現，可能出現左你都冇察覺，後來愈來愈嚴重，嚴重到影響生活，先有可能發現……
如果真係患上焦慮症，人地叫放鬆d好易，但根本好難做到
如果唔想長期食血清或鎮定劑，就要以月或年計，成個生活作息圈子黎一次大調整，先開始見到曙光
最好唔好惡化到焦慮症，手尾太長
祝安好！
6個讚
我雖然係 HSP，但曾經都以為自己好樂天
原來只係冇嘢殺到埋身
呢幾年啲壞情緒出晒嚟
尤其係正苦迫針嗰段日子，細路都迫
我同個女當然可以堅持
但睇住老公擔起頭家搵食冇辦法
身邊啲人叫打針講完又講我真係直接就爆
我45，今年年頭去看門診，講講下在診症室喊，醫生問我，平時係咪咁眼淺，知唔知咩係抑鬱？
我唔知自己係咪焦慮，而家有見心理學家，同精神科醫生。
都有同事同我講話我係更年期，賀爾蒙改變所以咁。
但我無心煩，朝熱，多汗等，又無發火鬧人。我只係好唔開心，好想喊，瘦咗9Kg。
其實我哋真係唔識分，支持大家有需要就去看相熟醫生，我看果個政府門診醫生係新症，book到就去就近街症睇。
我覺得我好好彩，遇到好醫生，救咗我一命。
3個讚
邊方面原因唔開心？
很多事，舊事。
細個嘅時候，中學嘅時候，婚姻。
無端端炒起一碟，覺得唔想同人講嘢，唔想有人見到自己，自己都覺得好可怕，怕自己會做傻事，冷靜下來後去看精神科
好在你識得去睇醫生，無做傻事
其實看精神科醫生之前，普通科門診個醫生已開咗血清素補充劑比我食，轉介我去見臨床心理學家，但可能d藥對我無效，或者唔夠勁。
睇精神科醫生都攪咗好多次先調到合適的藥物作治療。
到而家重食緊藥。
1個讚
加油呀！