同埋要唔要搵工都好，問嘅出發點係八掛嘅多
人地買2架車，住new build detached 真係唔駛擔心佢囉
其實關心都好多樣，關心有冇工返，同關心人地嫁唔嫁得出一樣，冇得強求
問都多餘囉
1個讚
亦有人係選擇勤力返工嘅，我都唔會問人為乜咁勤力返工
各有選擇
咪就係囉，同埋都咁大個人啦
其實個重點唔係返唔返工，係想講
‘香港人好鐘意講返工’
講下呢句嘢其實好小事，等於食左飯未。係香港撞到舊人都會問下依家返邊區。
不過好明顯係呢到，工作，學車同屋變左敏感話題。
我以前係香港好多時唔食飯，都會覺得香港人成日關心人食左飯未好奇怪，除左飯重有好多選擇架。
不過冇乜所謂，照答。
2個讚
幣，我都好似有問過朋友去到揾到工未，因為我覺得只要揾到工有收入就解決到好多問題，起碼收支平衡到就無咁驚。不過我冇狂問，問1,2句咁。
3個讚
聽果個完全感覺唔同
講真，移民已經好多嘢攪
下下問人搵工未，返工未
其實佢地expect 有乜答案？
呢個同問人結婚未，生仔未嘅煩悶程度一樣
但我估問食飯未都要睇時間
10：30問人食飯未都應該比人反白眼
1個讚
大家都響uk 同香港問又唔一樣
我冇乜所謂，揾工返工我都同人講，屋企人問更加出自關心。其他香港人問可能想知易唔易揾工
我係上左呢到先知有咁多禁忌。不過一早已有來得耐過我嘅人話我知對住香港人，講嘢要好小心
3個讚
幾點問對由細到大都唔鍾意食飯嘅人冇分別。細個聽到個 “飯” 字已反感。
可能等於有啲香港人聽到 “工作” 就反感掛
我通常唔問，人哋會自動講，初頭一定唔會返工住啦，唔好比壓力人
1個讚
我係冇乜興趣8人啲嘢所以唔會問，但同人傾計人地問起唔介意講
不過有時都諗可能人地真係生活唔如意/大壓力，所以唔想講。又或者鍾意對人歡笑掛
每個人心理質素唔同，唔好亂講嘢
1個讚
呢個係跟據唔同人嘅feedback
就係得出香港嘅人鐘意問呢啲嘢
我到埗第一個禮拜已經有人問我返工未，我就知嗰下討厭，所以從來唔問人返工未
1個讚
係lor
好奇怪
係咪因為大部分既人都過得無香港咁如意？
1個讚
唔一定嘅，有d 人係好怕人八自己嘢。
我自己同人相處，無論喺香港定移民、熟定唔熟，我都好少問人嘢，佢自己講開我咪聽。
1個讚
係有人會問，但都仲有好多人會關心我住得慣唔慣呀、小朋友返學開唔開心呀 呢啲嘢嘅。
5個讚
呢啲都會包埋係 conversation 內，又真係冇人淨問一樣有冇返工就 bye bye.
4個讚
我諗係問得令人哋個心唔舒服，好似喺香港，唔關移民事，有啲公務員朋友份工做足三十幾四十年，見人哋失業第一日問人打算點，係追住問，大佬，比人抖下啦好心，你自己工作穩定啫
2個讚
不過我呢邊冇乜識香港嘅新朋友就真，通常都係同返舊朋友聯絡
呢邊啲香港人我唔太知對話內容，我會講下天氣就算 
一到埗問我返工未嘅係親戚 
1個讚