呢間響長沙灣/荔枝角?
我有睇過. 唔夾~ 可能我都唔鐘意個運作MODE…
果一次既經驗係… 個醫師把我把眼… 然後按住佢自己既把脈結果同我講我既問題…然後要我配合佢想要比我既治療然後…幫我做左針炙之後再開左藥粉比我. (我見, 同我一齊睇既幾個人, 都係睇完就入左去針炙房…)
當然佢有問我做唔做針炙, 我亦同意左, 但事後諗返… 腦袋響到轉…點解無啦啦我去做左針炙呢?
食左幾包藥粉都唔覺得有咩大改變.
可能我當時只係調理而唔係醫病, 所以要慢慢先睇左結果而我無咩耐性…
雷生春堂係旺角比較遠，我約左北角聽日睇
睇黎浸大中醫真係唔錯
你飲咗幾多劑先覺得少咗胃氣脹？
1個讚
Tko醫院靈實中醫我都去過幾次
以前仲有得指明揀中醫睇的
我直頭睇院長！但食左好多劑，仲要係煲藥的，唔覺有咩唔同，自從疫情之後呢間嘢都好多人，我都冇再去睇。
中醫來講上網睇資料，比起中大，好似浸大醫院真係出名好多。 聽日即管試吓北角嗰間得唔得，唔知有冇得返去配藥呢？因為我睇嗰個教授診金都貴，如果啲藥啱 唔知可唔可以拎張藥單返去就咁配藥
請問你打去北角嗰間，係咪同佢講話想約腸胃科中醫？ 定係無得揀醫生？
我之前睇位元x到睇中醫，日日煲藥，睇左5000$都有。少少好都無，唉。希望今次浸大呢個bingo到幫到我。 
北角嗰間係專科，診金都比較貴，我睇個個要300，有啲會500/800。
所以一打去姑娘就會問你睇咩科，我話胃氣腸胃，要儘快睇，佢就suggest 左個醫師。
不過我聽日先睇，未知有冇效呀～
其實我果陣係想調理下身體先睇
同埋我本身唔係日日都脹住, 係間中先有
所以都係睇左兩三個月開始先留意到胃氣問題好左
我睇果個係講普通話女中醫
佢都有去北角駐診
唔知會唔會同一個呢
咁我嚴重過你好多 我每日啲胃都谷住
我約個個係男ec 
其實我都唔知我咁樣，要唔要長期食中藥。
因為好似你咁 有啲人食一兩劑已經藥到病除～
有啲人又好似要食好耐咁樣….
我係腸胃炎引起嘅胃氣脹，我都唔知如果食咗一兩星期冇好轉仲睇唔睇….
我睇過幾次,睇內科感冒
又未試過叫我針炙…
不過覺得唔啱就無謂勉強
1個讚
我用佢睇緊胃好好
你胃什麼事？
有藥單, 去藥材鋪就可以自己執~
不過, 我唔知真唔真, 我一個男性朋友, 係乙肝有菌一直有食藥, 無啦啦有一次入左醫院仲差d 要排隊加急換肝, 最後死過番生亦無換肝…但醫生warn佢叫佢無咩必要唔好睇中醫, 因為中醫用既大部份中藥/涼茶都有一種成份係對肝有負擔, 肝病既人好易出事.
我自己都係乙肝帶菌, 聽完好驚…我上網睇到類似既野… 所以我馬上停晒無再飲涼茶/無睇中醫.
我4月初會去醫院第1次follow up 我乙肝既case, 我到時再問清楚…
唔知你有無乙肝…如果你有咁可能要注意一下
1個讚
我諗住用藥粉呀～所以唔知有冇得配藥。你之前一路都係自己煲藥？？
係呀，我就係覺得唔可以長期飲，所以希望食一兩星期好返就唔使再食
一時時啦~
不過我鐘意煲藥多D
聽聞用藥粉，冇咁容易會對肝衰竭。
因為農本方啲藥粉好似全部都有測試重金屬等等，
普通藥材好難逐樣逐樣去測。
1個讚
我覺得藥粉冇咁苦，煲藥又煲成粒鐘，又苦。
我覺得有料嘅醫師 藥粉一樣都得 