冷門，張國榮之死
公司好近文華，十年前1/4前後見到花牌時，班後生同事都知咩事，因為好記得沙士嗰年佢1/4自殺。
十年後嘅後生同事會問做乜文華咁多花，雖然知呢個人好出名，但沙士時佢哋太細個，冇記憶
你講起張國榮，我之前喺香港，有個十幾歲年青人問我哥哥即係邊個
細個睇翁美玲做黃蓉，劉華做楊過
我細個會知好多粵語殘片明星，因為tvb會重播，
十年前班廿幾歲都仲識張國榮，因為佢哋算係末代睇電視大嘅人，點都會睇過幾次家有喜事，
十年後班後生唔識，唔止tvb, 應該電視都唔睇
我嗰女 （00後）同埋佢哋同學，睇完梅艷芳，知道張國榮係邊個，之後鍾意左佢嘅歌和人，覺得佢好靚仔。
6個讚
我睇婦女新姿。
1個讚
呢隻歌真係好洗腦呀大佬 
哈~好彩呢度咁多人聽過
2個讚
我係大學先有 call 機呢樣野，仲要問人借黎明天地線覆 call.
出嚟做嘢先有手提電話，用Motorola 摺龜，Nokia 嘅蕉， Ericsson 超級防撞電話仔，全部都用過。
摺龜要拆電出嚟差，舊電有厚有薄，但所謂薄，都厚過 iPAD.
2個讚
我都好鐘意睇
記得有集講佢地D建築物點防地震 話座樓會跟住搖… 覺得好神奇, 好深印象
1個讚
仲有個電話號碼 免費嘅 唔係173 打去可以揀流行曲聽
細個跟家人去酒樓, 大人開賭局, 我就會去打電話聽歌
2個讚
我都打過呀
但係有時未聽完成隻歌, 線路繁忙會cut 你架嘛?
細個係打電話聽故事. 有個表, 好似啲內線咁, 打唔同內線可以聽唔同故事. 整整吓要收錢就冇再聽.
仲有以前打 1151 去天文台聽天氣報告. 細個無聊冇嘢做會一個鐘內打幾次
你咁講起, 又有少少印象 
同上, 本身唔記得, 但你講完, 又係有少少印象 
仲有, 好記得歲數神算果個電視廣告 有個男人拎住把扇
2個讚
hahahah 我記得細個睇呢個廣告已經覺得好on9, 做乜俾錢人估我歲數, 我又唔係唔知自己幾歲.
5個讚
細個睇長腿叔叔，成語動畫廊，魔神英雄傳
偶像係BSB
去漫畫店租書睇
3個讚
我都記得
果陣資訊無咁發達
番緊part time 果陣有個客同我講張國榮死左, 我仲以為愚人節講笑咋?
之後番夜既同事話聽收音機新聞有講, 我先知係真
我有打過去天文台！
仲有阿媽叫我打1888，其實佢都預咗唔中，循例check下
細個去茶樓飲茶會求呀媽畀錢買兒童快報～～～
以前鍾意飲粒粒橙，但覺得好奢侈。
阿菠蘿雪條食完中獎免費食多一條，連中幾次好開心。
Gameboy鍾意mario同亂馬1/2。
屋企會有卡拉ok，LD大碟，最多係寶麗金嘅天碟
閃電傳真機有芝士學堂，每講完一句都要「jipjip」
3個讚
啲回憶返晒黎