離開做咗11年嘅保險公司

自由講場
21

Financial planning其實係好緊要嘅工作，但係香港行業最大問題係基本上都係Agent來做，而香港人係唔會肯比個consulting fee來做financial planning。但係實際上免費先最貴，因為Agent最大問題係conflict of interest，永遠只會叫你買，或者買多D，但未必in the best interest of client。

保險之類來計，如果本身財政唔自律嘅人，買來相當於逼自己儲錢。
但係保險本身係消費，相當於比錢換取安全感，減低風險。所以財政自律嘅人，對於自己能夠承受嘅風險，唔買保險長遠可以慳到錢，尤其如果自己財務規劃做得好。
同埋好多保險包裝到好似保障健康，健康無人可以保到，買唔買保險，唔係健康考量，只係財政考量。同埋買保險唔係無風險，只係減輕最壞情況負擔。買左保險用唔著/唔適合，其實就係一個財政風險，而呢個風險其實唔細。例如轉工之後，公司保險cover得好足夠，咁你之前買嘅就變得多餘（Agent會話：呢D唔怕多）。仲有好多人買左好long term嘅人壽之類，結果估唔到自己要移民，斷供會蝕唔少，keep住多個手尾唔係最optimal。Agent會同你講，其實都有用之類，但係從financial planning角度未必係對client最好。因為人壽係長期投資，好唔flexible，唔係所有client適合，而Agent sell果陣往往忽略呢個flexibility風險。

3個讚
22

你呢段嘢其實本身觀念已經錯哂

  1. 保險咭係消費，唔係用錢換安全感，保險係為未來不確定性做準備，風險轉移
  2. 財政自律都唔一定應付到突如其來嘅風險
  3. 唔買保險唔代表慳到錢，但買保險可以減低相應嘅支出
  4. 保險從來無人講保健康，醫療/危疾保係減低醫療開支，相信無一個agent會同客講買保險就身體健康
  5. 保險唔會用唔著，只係幾時要用
  6. 公司保險唔會cover夠，亦都唔係間間公司有，我遇過一間大機構，員工份醫療保險只可意會話有，但連基本都唔夠，最終員工一樣要自己負擔大筆數
  7. 因移民而斷供人壽係最搵自己笨，人壽賠償係用嚟抵消遺產稅，有幾多人會知？
23

首要口才好了得

24

我又唔係咁諗

個陣我好朋友同我講佢想轉行做保險，我好支持佢㗎，之後仲幫襯佢買咗幾份保險

同埋我覺得就算唔幫襯佢，都唔代表唔可以繼續做朋友

當然唔好嘅經紀都會有，好似我爸我媽個陣俾我表姐呃，開咗單就冇再理佢哋，後來冇做都唔出聲……但有時唔係好明點解一聽到人做保險就雞飛狗走咁

25

專業就唔會斷六親，你做得好:+1::+1::+1:

26

超認同, 所以我唔會信agent

27

而家可能差D
不過十年內必成事實

28

買保險嘅最怕係無人跟，有咩事搵唔到人問，我有部份客都試過咁情況，打嚟問嘢話想問本身個agent, 但搵唔到人，其次無好多agent離職唔通知客，到個客打嚟問嘢先講無做啦，你搵邊個邊個啦，所以我同新人講，唔做唔緊要，但要通知客人，始終客人買單唔係因為公司，而係因為agent. 我通知客人離職時，好多都回覆都係祝福，我都同佢地通田，就算我離開，都會協助跟進，佢地都無問題

4個讚
29

我覺我自己未夠專，但我一定以客人利益行先，就算無佣我都會照幫客人攪，兩年前，公司係咁推PF, 我聽完只係覺得搵客笨，當時有間公司嘅員工係街邊聽完，感覺好好，打嚟問我知唔知咩嚟，咁約出嚟同佢講，我老實同佢講，點解咁多agent堆，原因好簡單，一張單賺到比平時多3倍佣金，係咪個個客都適合做？ 唔係，只有少部客適合，再者PF只係第一步，想穩賺要做多一步，但無agent會做下一步，最終個客聽完講咗佢，好彩問咗你先

30

我之前睇forum post, 見到個agent 答人好多問題好似幾好咁…之後同佢買左份醫療，過左半年定一年佢就轉公司，雖然唔知佢之前做左幾多年而且佢有通知轉公司，但其實我感覺係差，依家唔上唔落，想cut但本身份保險又好似幾好…

31

其實唔駛cut,保障唔會因為agent走人而有影響，有客人問過我，如果你唔做，咁我份單點呀，我話，單係袖公司去負責，而我只係提供服務，中間人，唔好話我唔做，可能轉頭我死咗啦，但你放心，公司會指派一位有經驗嘅agent負責跟進。
所以你唔駛考慮cut唔cut, 份單保障無影響，有咩事搵CS都可以，何況睇下你份係咩類型單啦，所以我就算轉公司都照協助跟進舊公司嘅單

2個讚
32

該主題在最後一個回覆創建後180天后自動關閉。不再允許新的回覆。