我屋企之前有廠在大陸，有樓，有中港車牌。話大陸洗費唔平但都平過香港。而且俾到某個價錢(唔係超貴), 環境、裝修、質素可以比香港好。雖然我無返好耐喇
2個讚
同埋10幾年前未有廉航，去日本台灣星馬泰都係貴價旅遊，返大陸又平，咪多人去囉，以前d渡假式酒店ok架，有日式buffet又有得massage
2個讚
咁深圳南山嗰頭係不錯，個書城都大同靚，市容都整齊，我去過兩次
仲有個文創區，去過一次飲咖啡，又有市集
最正我老公同人講廣東話人哋唔明，頂，我話廣州先講廣東話呀，佢話唔知
1個讚
廣州係中國唯一一個令我有親切感嘅地方
2019返廣州做野，周圍都係廣東話，銀行，餐廳侍應，街市賣菜都廣東話。真係好開心
3個讚
same here
我返去做嘢，啲廣府話好唔同但佢哋好正宗，好開心。好想去沙面啲建築群睇下，有機會要去
1個讚
返大陸食嗰啲肉都唔知係咪貓狗肉，佢哋會加好多調味料蓋住陣味，我都見過賣狗肉鋪頭，老公都懷疑被餐廳呃食咗，食得出係假肉
蓮香樓，陶陶居，半溪，烈士陵園細個成日去，不過廣州呢 10年變左好多。
建築同路，開始似深圳，周街 coffee shop, 唯一不變係廣東話。
唔知以後有機會返去又變成點，好懷念
1個讚
我就係屋企人有屋有車係大陸，成日話要返去又問我返唔返。已經推無可推。宜家唯有去睇下咩環境。
硬件幾好都冇用，我唔想去啲講錯句說話都驚返唔到屋企嘅地方。
疫情前有個國內供應商係咁sell我去大陸玩，又話依家好安全好乾淨，但我一話有興趣去西藏佢就拉開話題
3個讚
FYI呢集就係講 HK identity
1個讚
有啲地方係靚既,都值得一去
另外以前當年有一排日日即日來回深圳做野,簡直想c,我之後完全無想返玩既意欲
一過完海關之後空氣嗰陣味(我叫佢做大陸味)完全唔想再聞到
加上而家,唔會囉
係喎唔知點解有陣味，到香港就唔同
喺唐人街又係有時聞到
我唔會離棄真正追求民主自由嘅內地人，當年喺天安門好多學生係護送香港人先離開，後者先可以逃避被坦克車輾碎嘅，我好記得有一個香港人想留低，班北京學生話：走啦，你哋香港人已經為我哋做得好多了，然後幾個拖走佢
以上係我喺某年六四維園聽到嘅，我每次諗起都眼濕濕
我唔會亦唔識一竹篙打一船人，我知道九成某國人都衰，但我一定會記住有一成，或者有半成內地人仲有人性嘅光輝及良知
旅遊亦唔會完全排斥，希望可以仲有機會返去玩同遊歷
又離題
1個讚
東北唔少城市好似大連同哈爾濱因為俾外國管治過，所以有唔少異國風情建築同遺留落黎嘅基建，係幾有特色。另外上海外灘保留唔少戰前特色建築，當中有唔少作品出自著名建築事務所巴馬丹拿手筆，例如舊匯豐銀行大樓，如果睇番幾十年前心環舊相，再對照外灘，係有啲似曾相識
至於大灣區，唔計廣州，好多地方以前都係比較荒蕪，係近呢三十幾年大興土木先有所發展
1個讚
我最掛住馬蹄糕
而家喺加拿大好多質素高嘅酒樓點心
唯獨真係冇馬蹄糕
1個讚
竟然？唔係話加拿大啲中餐好好味？
如果工作上有需要就冇辦法
當年衝入立法會後，有幾個大漢夾啲後生走，我就係諗起呢幕
係男家屋企人有物業要打理，叫佢哋賣又唔肯賣，但你知有時有時屋有啲咩問題佢哋就要返去睇，又有時有啲生意既partner又話要見面（小生意），有啲就放租要收樓，總之就事好多。
佢哋鐘意返去，次次都過夜，搞掂真係要做既野就話去食嘢又盛，我已經推左好多次，但佢哋都會keep住問我，搞到我覺得好煩。個啲物業遲啲會俾我老公搞，我老公又唔可以完全唔理。
其實我完全唔恨佢啲物業，但我都唔可以要求我老公都唔要或者唔幫手。
同埋有時佢不停講大陸點好，我都會覺得煩，我覺得有麝自然香，我都唔會不停講邊個國家好好，我去旅行鐘意日本，都唔會不停同人講日本好靚啊，好好玩啊，好似成日要說服我咁。
我完全明白你，好似當年幫12港人打官司嘅大陸律師，之後被吊銷律師牌咁。又譬上一年，有幾多維權人士，佢哋明知以卵擊石都要發聲，最後被消失，死之前唔知精神同肉身受過幾多折磨，死後寂寂無名，無幾多人知佢哋為心目中嘅民主人權自由付出過。
3個讚