見到啲人成日話返大陸玩，屋企人有大陸物業，有時話要返去打理返去住，有啲明星都住大陸，究竟有咩好玩？一上一落唔麻煩咩，我又唔覺得特別平啲野
連登都有post講返深圳，真係好奇。
我覺得好多都係上面有親戚有地方嘅人先咁鍾意成日返上去（咩人唔洗講大家都知。
最近學校有三日假，接小朋友放學個時聽到個腥移民阿媽話個小朋友今日返大陸玩探下親人喎。
我無大陸親朋戚友，真係無原因要返大陸玩，有時間都會去其他國家玩。
我記得好多年前返去過大陸係我老公個朋友係大陸結婚請我地去飲。
4個讚
我娘家個邊無，但老公個邊有。有時都覺得好煩惱。
首先, 撇開其他, 我都係一個黃種人, 因為我曾長駐國內成十年, 其實國內大江南北, 有D地方係好靚, 真心覺得靚, 當然要係未被蝗蟲破壞啦… 係廣東沿岸物價就一定唔平架啦… 但仲有好多地方D野係平嘅… 我幸好唔駛探親… 無一定返去嘅必要…
4個讚
我四五年前都去過大陸，個陣覺得無特別但唔抗拒。
本身果d人都係幾十年前落嚟香港, 佢地個"根"係大陸, 梗鍾意返去啦
1個讚
以前讀中國文學記得有一句:
海濱有逐臭之夫
1個讚
撇除某啲因素，其實大陸有啲地方，好似東北，內蒙真心值得去，風景靚，文化有特色。但如果講大灣區，真係因為大，平心而論，大陸一個動物園大香港幾倍，以前都會上去深圳書城，英文書，繁體書都多，仲要平。仲有因為租平，有好多文青cafe, 展覽可以睇。
我自己唔會特登上去食野，一來大陸係出名啲正宗外省菜，但我自己食唔慣嗰啲味，二來都驚食化學元素表。
如果無封關，一上一落其實唔係真係咁遠，同大東北去港島咁上下。
我諗起有個朋友幾年前返左大陸整甜品，佢話嗰度租平，地方大，有啲夢想中嘅裝修可以實現，又可以試多啲野，佢開鋪附近好多年青人追夢，所以好多特色小店。
6個讚
成日都話返大陸食嘢平，同埋消遣娛樂好平
但完全都唔係嗰個感覺，質素始終都比唔上。
1個讚
我同你一樣感覺~
我久不久就要去上海, 廣東既都有~ 但上海比較多~ 一去就幾星期
上海, 周邊, 都好靚, 要豪有豪, 有relax 有relax
但文化差異真係大, 無需要既話, 我唔會返去.
2個讚
疫情前我都有帶小朋友上過，都係去大商場多，比較乾淨，無可否認，佢d親子野係多d同比香港平，例如燒錢樂園之類
我係上海住過幾個月, 同意, 周邊D地方好靚, 上海建築物單睇外表都好有特式, 穩唔穩陣就另計啦… 上海真係一個可以好豪嘅地方, 繁榮得嚟又有D自己嘅特式… 我認真, 我慶幸我到過… 從此以後, 只能成追憶…
3個讚
我宜家唯有正面啲去睇，我都係必要既時候先去。
近近地行下
同去澳門一樣之嘛
2個讚
我響上海STAY 時, 放假好鐘意去舊區果邊, 睇佢地D 舊樓. 
好有文初FEEL, 但你岩~ 睇落好係有D 唔太穩陣
坐響買杯星巴巴, 坐黃埔江邊,咁就一日, 但… 都係最好唔洗去都唔去
1個讚
以前成日返去做野，我都好鍾意去上海寧波一帶
廈門都舒服，啲生意人講野好斯文同有書卷味
同廣東唔同
2個讚
大部份香港全都係有中國基因既黃種人,我都曾短暫幾年長駐國內生活幾年,體驗有好有壞既野,唔會一概而論所有野都話唔好,就算喺香港或日本,都一樣有唔好既野,衹係自己有冇親眼睇到,分分鐘你以為身邊好既親人仲恐怖你都唔知,最近新聞大家肯定感受到.
國內地大物博,真係要玩有排都玩唔完,有平亦都有貴,有啲分分鐘仲貴過香港,有冇必要去大陸玩睇你自己.
自從以前同d同學去過大陸行街經過燒味舖吊住隻燒狗就超驚
公道說話，唔係真係咁差，食嘢唔好諗元素周期表，俾得起錢一定有好嘢食，如果 enjoy 俾人服務，簡單如堂食，高級如 打 golf , 係有做大爺咁樣嘅感覺。
不過，自己考慮下風險，有咩事未必有公平對待，有錢仲要識人，識得「暴龍哥」嘅級數，成個 trip 會感到咩嘢叫做打橫行都得。
8個讚
錢都捨得洗既，返去只係俾面派對，只係想快快趣見完返香港。