三屍劫殺案
大埔康樂園，個爸爸返到屋企一片寧亂，然後去二樓廁所見到自己個仔被人吊頸勒死，去另一個廁所見到個女同樣被勒死。兩個小朋友都係用爸爸條 tie 吊起。佢好驚見到最壞嘅情況，一個一個櫃同房搵，知道凶多吉少但仍有一絲希望。最後去到地下室儲物櫃，就發現勒死左嘅老婆 
忍住悲痛報警。嗰朝早佢地仲有打電話，點知幾個鐘之後就永遠陰陽相隔仲要係自己一個人面對。
荔景邨情殺案
單位永久封印…
呢個我好有興趣
好多跟呢單case既警察都事後升官發財 
但連雲海都唔敢再跟落去
6個讚
兇手係咩人？
呢單前排睇youtube聽到人總結成個過程
我自己覺得好似老屈！就算個賊要偷嘢都唔駛用咁殘忍嘅方式吊小朋友，又咁大工程咁塞個女死者入櫃，咁花時間同殘忍好講唔通
裝修工人，所以好輕易咁出入而無驚動人。
個工人大話連篇，不斷推翻自己口供，但已經死無對證，只係裁定到係佢殺。
好恐怖
係幾時發生㗎？
我唔敢上網搵，驚見到d相或者圖，會好入腦
1982 年，相應該冇，始終都係有錢人有錢區而且三具屍體都被移動過，對於記者應該冇影相價值。
我都冇
公屋好多兇宅隔咗段時間，再裝修就會再派出去。呢單肯定好猛，如果唔係吾會封左個單位。
呢單未聽過。咁似劇情片
呢單好似派過俾南亞人，但都頂唔住最後封左
有單元朗白沙村案，雖然已破案，但都係好恐怖。
好似話好多怪聲
灣仔六國大封相命案
金山槓碎屍案（呢單係香港戰後第一單碎屍案）
荔景邨情殺案，呢單好慘，媽媽親眼目睹自己兩個女俾人殺死，本來大女做政府文員，細女預備考A-Level，就係因為呢單案兩位美好年華咁就無左，而媽媽就守生寡
有啲冇聽過啊，等我Google下我
因為呢單實在太慘，媽媽本身喪夫，又無左兩個女
本身大女做政府文員，如果唔係呢單案喺政府一直做到退休，連埋長俸相信都可以過相當優裕生活，細女事發事預備考A-Level，需知道當年讀到A-Level嘅人已經唔多，兩姊姊大好前程就咁俾大女個前男友就咁毀滅
兩姊妹其實幾靚女，可惜 
Juno套殭屍係以呢個做藍本，惠英紅老公殺嗰兩個女
呢單探員X都有講過，嗰時連吐露港公路都未有
另外網台節目大丸有落都有介紹唔同香港奇案，先知幾十年前啲案真係好癲
以前就奇案癲，而家就政府癲