我見早上99%人戴；晚上80%人戴。
我自已就有戴，短期內都會戴。
搭車：得4－5個冇帶（巴士接近坐晒所有座位）
返公司途中：95%戴
放工：下午多啲人除
公司入面，8成左右返到公司除。
喺巴士同街，除嘅多數年紀大。
我係得返工時除，搭車、往返公司、見客、去洗手間會戴。公司洗手間衛生情況真係一般，啲人真係唔識用廁所。成個地下都係廁紙、馬桶入面有唔沖嘅廁紙、用腳揭馬桶蓋（最憎呢類人，洗手盆喺對面，心諗你咁怕整污糟手就揭完洗手。唔通你用腳冚馬桶蓋？）
今日…我只係巴士同商場有戴口罩
- 原來條街好臭…放狗既尿味…
- 有啲擔心周圍都有既cctv影到我個樣
- 人多既時候有啲唔自然
- 食晏後有啲眼訓…打喊路
無所遁形
好快用得晒啦
冇法接受他們的思維
1個讚
實用得晒
開始少人留意你
都唔知有人會有咁嘅思維，我從來都冇諗過咁樣做， 正常，正確就打完嗰一次乞次自己換一個新嘅口罩
個個都同一個心態覺得好好笑 
Cctv影到你個樣都冇所謂，又唔係犯法
我細仔小三, 本來返學無戴, 點知返到課室全班都戴, 仲有很多同學問佢點解唔戴, 所以佢第一堂開始戴返口罩
我立即同佢解釋返成日戴口罩, 扺抗力只會越來越弱,
而我今日都專登唔比後備口罩佢返學, 希望佢平安啦 
我調返轉，全班本身得我個女唔戴口罩返去，佢話其他同學本身都有戴口罩返去，但一入到班房就個個陸續除晒，話佢地阿媽迫佢地戴，佢地都唔想戴
2個讚
我非常同意。
其實帶唔帶口罩係個人自由，但我自己有時都覺得香港人好誇張，又用紙巾㩒lift之類，呢個真係好似真係得香港人先會咁做。有冇真係咁驚啊。呢個世界一定有菌，到時有咩新流感又全世界帶口罩？無抵抗力？
仲要其實帶左口罩打哂針之前三年都仲係咁多人中covid。
6個讚
我見到既係後生同外國人先除，不過係中西區。
1個讚
我仔尋日上體育堂時除口罩上， 有個同學話佢除口罩唔衛生，好在老師幫口話戴唔戴口罩係每個人嘅自由
2個讚
啲人真係好誇張
又鎖匙又筆咁去撳𨋢掣
上個月同小朋友行山，因為係平日，勁小人，所以行到一半我同阿仔都除咗口罩，但係依然見到有啲人係戴住口罩，有清新空氣都唔吸返幾吓
2個讚
禽日搭地鐵，見到一個女人口罩+膠面罩。
禽日我小朋友話要戴番口罩，我問點解，小朋友話見到個啲唔戴口罩都係吐痰嘅阿伯喎。（佢唔想自己係吐痰嘅阿伯)
我要搵啲唔戴口罩嘅靚女，小朋友先話心理先平衡少少。
2個讚
我見地鐵有，不過應該係睇時段地區，送小朋友返學太早，OL都未返工
現時大部份唔戴罩嘅都係阿叔為主, 其次都係後生仔. 女人10個9個半都戴罩, 特別係後生女.
冇辦法, 戴咗罩真係靚啲.
不過我冇戴, 希望啲人唔會以為我呢個阿嬋有哪來的自信唔戴罩 
但我唔戴係因為想比小朋友明白咩先係"正常生活". 當然疫情一開始大爆發時係應該戴, 但後來戴罩只係為型識主義, 為做而做, 被個政權剝奪晒一個成年人應有嘅邏輯思考, 呢樣係我對戴罩反感嘅原因.
5個讚