搵個冇感情嘅係洗錢，搵個有感情嘅都係洗錢
就咁睇牌面，譚家有本錢揀個有感情嘅女人喎
當然大家都係用自己角度嘅「合理」去諗件事
我都唔知邊個啱d
我覺得譚家幾叻嘅
咁多米線鋪得佢地做到連鎖
管理得幾好，間間都乾淨企理
我都係齋吹，唔敢話啱，遲啲有新料可能就改。
可能係鄺家賣蔡俾譚家換錢，譚家就得到靚女同埋鄺家嘅黑白兩道網絡。呢啲加埋就合理地值得譚家嘅金錢和社交付出。
3個讚
我都傾向相信新老爺同奶奶唔係表面咁簡單，無理由咁蠢嘅，背後可能仲有不可告人嘅利益關係。至於現任老公，唔似係醒目樣，可能真係一時被美色誘惑人狼入室。
3個讚
都有可能既 不過又 有錢人都有好多方法解決同樣事情
簽紙另立約 不能分家產 都係一個方法
如果老爺係清清白白既人 又知個女仔背景咁複雜 應該就唔俾入門
有左BB都係咁話 最多俾錢安胎 當係妾士咁
如果話係洗黑錢又真係無人可肯定
不過做生意既人 識到個識晒黑白兩道既人 又真係好多事都方便好多
有好多合作機會 未必只局限洗錢
可能蔡小姐手腕好掂，氹到6299俾佢入門，有呢d人架
1個讚
食完好多花生，加上睇埋睇埋咁多韓國狗血劇，我個腦開始有個構圖。。。咁我又寫吓故仔先！
話說，有個來自農村嘅大媽，佢不甘涯窮，寧願拋棄糟糠之夫，帶埋啲女南下做腥港人。佢生嘅幼女話就話係心地善良，實則頭腦簡單，自細都係任人擺佈嘅木偶娃娃。
無乜本事嘅佢喺學校混埋啲壞份子圈子裡成長，讀書唔成咪出嚟做花瓶，被個公子富二代當玩具玩，點知珠胎暗結，二代唔想孭鑊，又或者因為佢都係家族嘅扯線公仔，所以就安排個跟班(即係幼女嘅同學仔) 幫佢接手做老契。
二代跟班其實屋企成家人都係上流寄生族，專幫二代一家做下流嘢。跟班同幼女對親家之後，睇中大媽外母嘅上進心，於是拉埋佢入局，幫二代屋企個集團做洗碗。大媽有北方網絡，洗碗生意做得大，洗到身光頸靚。
跟班寄生族一家持住二代家族有超大集團後台，所以做嘢做到過晒火都走得甩。但有次跟班仔玩得太大失手，怕佢牽連其他集團事務，所以將幼女調配返去二代身邊，話晒幼女條線連住北水，而幼女繼續傻乎乎幫夫家屋企人洗碗，仲升呢做咗少奶奶，洗碗賺嘅錢又大手投資買磚頭，買嚟投資間屋咪俾寄生族做竇。
隔咗好幾年，幼女諗住係時候去換磚頭，但寄生族以為被人起飛腳拆竇，嬲嬲哋做大佢想將件玩具滅聲，打響算盆以為可以氹掂二代過到骨，點知今次計錯數俾家族啲豬隊友揚咗出嚟，集團為保家聲唯有同契仔商量，計咗兩日數都係覺得要表面同寄生族斬纜，寧願再用其他力量擋咁啲劫數，話晒都坐埋同一條船吖。大媽無咗個好洗好用嘅木偶娃娃，攬住二代喊咁口，其實佢都只係大集團啲生財工具，老細要開騷，緊係要埋位幫手做配角。今次寄生族點減刑，就睇吓契仔嘅契爺背後點秘密發功啦。其他周邊啲二打六，講咩都係吹水，襯熱搜博出位幫自己賣廣告增值，唔影響大後台的話都應該唔會被消失嘅，當花絮睇啫。不過呢啲花邊post已經開始沈底，集團同埋大股東嘅真面目唔可以俾人越刮越深，所以呢單嘢隔多兩日公海就會靜晒，其他八卦新聞就會登場。完。
大家等睇 season 2 啦！
3個讚
有冇興趣去電視台做
唔投資禁多響佢身上又點洗錢 
賣左盤好耐架喇
你呢個真係齋up咩，時間軸唔岩呀 
我作故仔之嘛~~ 出面嗰啲資訊邊忽真邊忽假我唔fc 㗎啦
3個讚
wei 你呢套勁過啲台慶劇
3個讚
你呢套比我感覺好萬梓良
台慶級數要juicy d，至少都要加大肚俾人kick親碌落樓梯同老爺俾人激死心臟病發瓜左然後結局bbq
4個讚
17年咋
又有新料，收錢著草個船家中介係鄭中基前助手，係娛樂圈入面幾多朋友
越爆越多野，牽連好廣 
2個讚
咁就要出動關海山同劉兆銘了
我好無聊呀 將呢個故事問chatgpt有咩不合理疑點，竟然有啲嘢講到出嚟
這個故事有幾個不合理的點。以下是一些例子：
-
將騙來的錢交給前夫的父母是不合理的。前夫的父母可能知道前夫騙取的錢，給他們錢可能會導致加入犯罪。
-
C先生在與A小姐結婚之前沒有調查她的過去是不合理的。如果他調查了A小姐的背景，可能會避免她過去的問題。
-
A小姐沒有返還前夫強迫她支付的錢是不合理的。她本應該斷絕與前夫的聯繫，以保護自己的安全。
-
前夫計劃謀殺A小姐是不合理的。他可能從她那裡拿到錢，制定謀殺計劃非常極端和不合理。
這些不合理之處提示了故事不現實的特點，即使考慮到這個故事是虛構的。
5個讚