以前係人，以家係奴隸，你有見過奴隸開香檳？
5個讚
主子：依家本宮恩准你唔戴罩，謝恩啦！
奴才：謝娘娘開恩～ 
1個讚
戴
都同小朋友講，屋企既口罩令未除
但做運動就唔戴
1個讚
戴，唔好話我性別歧視，但對香港中年男性無信心，口罩令未撤前已經個個唔戴好係咁咳、拉低先咳、打乞嗤等，好大觀感問題。
觀察一段時間，睇吓條街嘅人禮儀有無轉變再算。
3個讚
唔想戴，其實無左口罩令，唔戴口罩會唔會仍然俾繼續戴口罩既人歧視呢？覺得播毒自私之類？問過身邊既人，個個都好似會繼續戴咁，尤其返學，如果個個都戴，得自己唔戴，會唔會好異相呢
我2個中學生已經話唔會帶。。。。
1個讚
係啦，我聽到個消息時已經好開心唔駛戴，諗住身邊啲朋友都係咁開心，因為之前個個都話又焗又辛苦乜乜物物，成日問住究竟幾時可以除口罩咁。
點知依刻問下大家時，身邊個個都話繼續戴…真係估唔到
1個讚
正常唔會既，呢樣野係香港難得既自由黎
唯一比人歧視係真係咳到嘔都唔帶口罩，呢d真係無公德心，值得比人啤
即刻諗起啲阿伯肺癆式咳嗽然後痰上頸吐痰 
戴同唔戴都係自由，但我怕左班冇衛生意識嘅路人
話說發覺好似戴左口罩開始，條街少左好多香口膠。以前踩中過一次，仲要唔好彩係仲好黏，嗰日即刻冇 mood 行街，返到屋企搣左成個下奏 
唔戴。
今日個仔放學我都即刻同佢講聽日開始唔再強制戴，我叫佢自己揀戴唔戴，佢都揀唔戴。
4個讚
繼續戴，屋企有老要保護
搭緊巴士發現成車人得一兩個無戴，反而仲好
2個讚
係囉，有時真係身體最誠實。。。btw我今日已經無戴，初初有d緊張，尤其入𨋢，個個都戴，得自己唔戴，不過慢慢就感覺良好
1個讚
我會繼續戴, 最緊要係戴吾戴有自由!!
2個讚
自己同小朋友今日都冇戴，如果病左就會戴。
唔戴唔戴唔戴唔戴唔戴唔戴
好失望，今日落街見到9成人仲戴緊口罩，學校100%學生戴，只有外藉老師無戴，其他老師+校長都有戴；興趣班又係所有小朋友和導師都戴。
我小朋友尋日本來好興奮，話唔使戴口罩啦，但因為學校尋日未出通告，返學時照戴。放學時，佢好唔開心咁同我講，我想戴口罩，因為所有同學都戴。
點解香港人會變成咁… 奴性咁重… 依家比自由嘅室氣你，都唔敢呼吸…
口罩都防唔到病菌
我諗好多小朋友都要時間適應，我今日無戴，但兩個小朋友都照戴。頭先我問大仔，係學校點？佢話係小息同做運動個陣有除，我就話岩啦，覺得想抖氣就除啦，你而家可以咁做。不過細應該要多啲時，幼稚園嘅家長通常叫佢哋戴。不過我個兩個其實好早就知道，落公園係可以除口罩。
同遲啲天氣熱，就更多人除口罩。頭先放工都多左人唔戴。
今日全日無帶，係有唔懶，食野，飲完水，不停想搵口罩，但都無帶
回到從前，正呀
2個讚