我個時都係後生，岩岩畢業，但真係頂唔緊，地方好污糟，接受唔到，之後多數玩返日本，乾淨又安心
哎我又好少見到貓貓之間會一齊活動喎，次次都係獨行俠。
我有2 家朋友都有貓自出自入去佢地屋企玩，佢地直情買定貓糧、玩具等佢地
有一個到而家都唔知貓貓主人係邊個
我而家住倫敦治安比較好嘅區，可能我冇乜留意新聞，仲未感覺到有乜大治安問題，我試過兩次背囊唔記得拉鍊，都有人提我拉返。 我平時都鎖好門窗，就算開窗都係扣住唔會開好大，唔太清楚爆格嗰啲係鎖好門窗都強行爆定點樣？
住咗差唔多一年，最大體會係真係夠彈藥先好嚟，駛費比想像中大，搵錢俾想像中少，如果擔心治安教育要花錢搵好區住。至於依度交通，我搭巴士地鐵，初時都好唔慣成日delay 甩班，但耐咗有心理準備又覺得冇乜嘢，反正唔趕時間。天氣，我原先預咗會好差，但又比想像中少雨同多陽光，除咗冬天嗰兩個月日照太短個人會down 之外，都冇乜嘢。夏天啲陽光同溫度我覺得好正添。
其實度度都有唔好嘅地方，呻亦冇問題，不過我睇睇吓，好似講到英國好似罪惡城又一無是處咁，我唔知係咪真係咁誇張。不過真心，如果覺得英國真係差到咁，其實冇必要嚟，始終我哋有得選擇，話為小朋友都好，如果依度咁差，父母住得唔開心，小朋友都唔會過得好。
21個讚
英國治安差，講緊係爆格、打劫、偷車
香港冇爆格、打劫、偷車？再加埋日日有刀手，而家仲話有拐子佬，遲啲器官捐贈又互通，邊度安全啲自己有眼見。
如果覺得接受唔到英國治安，返去自己覺得安全嘅地方冇問題。每個地方都有得有失，自己取捨，唔好好似新香港人一樣 樣樣好嘢Lam曬，然後又不停話呢樣個樣唔好，都係自己家鄉好，其實仲有6千萬原居民一樣咁生活緊。
10個讚
我自己由homesick, guilty到而家享受英國生活，歷史文化同人都好喜歡，唔諗負面嘢咁多，所以生活都幾正面同有希望
如果太唔鍾意英國真係唔好勉強，人生對自己負責，唔使理人哋講乜。正如當初都有人話我冇仔女咁穩定使乜走，如果我聽佢哋講我就冇而家咁開心嘅體驗 
5個讚
就係講到好似Les Misarables嘅法國同 Charles Dickens 嘅英國咁我先驚，明明唔係嗰回事，我有十個家庭朋友移英，唔同地方，冇一個驚到咁講到咁
但既然驚到咁，就真心勸你哋返香港，唔係話唔呻得亦唔係串，係你哋個觀感已經去到應該返香港先比較好嘅地步
5個讚
Home sick 我都有，唔習慣我都有，歧視我遇過，但係冇嘢比得上呢度嘅安全感。唔需要擔心小朋友返學比人洗腦，反而見到進步成為一個有思想、正直嘅人；唔駛擔心食物安全，超市買嘅食物價廉物美，平貴悉除尊便；係街有事要人幫一定有人出手，就算搭tube都係互相讓坐，老人小朋友－定優先，已經好耐冇見香港係咁。
反而而家香港一街行乞專材，－街拉喼logistic專材。
2個讚
佢哋以為多外國人就等如香港既國際學校、根本學制就完全唔同、同埋外國人唔代表得英國人囉…
拎黎比都真係嘥氣
1個讚
佢地會一齊玩架，會約埋架，以前係舊屋成日有2，3隻一齊玩，但唔同屋企
淨係我有一個自由嘅靈魂，做一個有尊嚴唔使奶共嘅人，已經足夠啦
被人打劫呢度警察唔care，都好過喺香港被警察屈返轉頭
比較係重要，除非你執住一個位死拗唔係比較，淨係啄住英國治安咁就唔需要討論，返香港吧
5個讚
香港嘅差其實都唔需要再講，否則唔使移民，而家我已經係英國，當然係著眼呢度嘅問題，香港嘅問題已經影響唔到我，我亦冇能力去評論，要特顯英國嘅好，係唔需要講到香港有幾差來證明自己生活得正確
3個讚
係d人諗得移民太過美好，或只聽KOL講英國有幾好。
其實每個地方都有優點/缺點。
你住左幾耐咁又要適應過喎
我自己係覺得有責任澄清返誇大英國治安差嘅言論，無論你哋同意與否
我唔接受有啲人不成比例地去講到英國有幾罪惡就當係事實，要人哋一定同意，然後我哋糾正佢哋之後，佢哋仲要扮委屈扮被屈Nancy
因為BNO港人有責任捍衞呢個scheme嘅本意：係救受政治迫害嘅香港人，而唔係比你嘆世界，做闊太
對英國有同事實不符嘅關注，我會大聲講出嚟
但本著對黃絲嘅關心，我亦會勸大家頂唔住返香港，呢個係真心
7個讚
成日要叫人罷低香港個套， 唔好成日用香港去比， 會搞到自己好辛苦， 但係呢D位， 佢地又會拎香港黎講，
再講落去搞到我地好似打手咁， 要唱衰英國
唔可以預所有人都係BNO移民先可以討論. 而且當地民生如何同用什麼途徑移民冇關係.
都係個句，移得民你就預左俾人爆，你唔移民咪冇事囉，一係返香港，個scheme係俾你走難架，講咩生活啫，生存到都要感謝大英帝國
但sorry我從唔當自己係走難，我係移民，我未有資格做難民，冇責任要接受呢d咁差嘅事，覺得有問題我會出聲，個政府廢一樣會好似本地人咁鬧
4個讚
咁就當我多事啦，我都有顧慮走唔到人嘅感受嘅，我覺得咁樣彈到英國咁又要移民都幾令佢哋難受
我表達立場清楚了，大家可以繼續
3個讚
明白多咗，即係你哋覺得好差但又未差到要放棄移民
我就覺得你哋呻到咁要考慮回流
咁我而家清楚個分別
咁都明白嘅