你唔想放棄回流定唔想放棄英國
咁真係要請教邊到買？
樓下街市買大陸菜大陸豬已經好貴，人頭計同茶記一人一個餐差唔多，講緊4年前香港，仲未呢幾年通漲。
你係香港街市買所謂 " 新鮮" 菜肉魚唔會平。
九龍城街市出名名星去
係英國去 butcher買亦唔平
唔知邊到買平嘢可以上格價網
所以咪問邊到買餸你覺得平囉，買斤菜香港有得格價？
錢大媽呢d 4年前未興，但依家街坊會講d 肉臭㗎，平都唔敢食。
錢大媽3, 4年前已經出現係香港,要平餸唔係邊到興。
計興同方便去百佳惠康
錢大媽早期肯定唔臭，識中國公司用乜方式打入香港市場就知。得閒除左睇街坊消息，重可以聽下財經
好多人拖架車仔搭巴士去買平餸，唔係落樓下街市。
荃灣楊屋道，深水埗，花園街街市好多人搭車去。
我係香港冇乜買餸都知
祥興都好多年
街市有平價凍肉舖，巴西雞翼廿零三十蚊一大袋。平丸又十零蚊一鎊，好多平嘢
2個讚
唔係住嗰頭、放工又唔近嘅，好難去呢d 地方。
其實攞英國平價v.s. 香港平價，先有意思，成日講英國定香港買餸平d 都一頭霧水
4個讚
係香港會去aeon星期三特價 椰菜5蚊，其他都好多野平，另外去菜檔十幾蚊2份，唔係爛係正常菜，或者我窮，成日買到平野
1個讚
我就係好似你咁買，祥興d野平靚正，買包廚師腸都可以平四分一，街市凍肉舖又係平，但絕對靚過佳寶，如果識窿路有某幾個街市係特別平
呢個又係痴線回憶，星期三去到車仔都冇得推，要係收銀等人唔要先有車仔，等俾錢起碼4個字，但d野堅平，係買得開心嘅
咁要鬥平， 7:00pm去街市大把平野啦！冰晒果d巴西雞翼， 豬扒好平， 但d肉係散散地， 有d肉檔冰鮮當新鮮賣， 食環都拉過吾少。 吾經蔬菜統營處既貨櫃車， 半夜送去街市， 之後放晒係檔口門前， 都好多小動物經過
2個讚
香港買平肉好易，就係唔再堅持新鮮，醫生都講過新鮮同急凍肉營養價值接近，只係口感唔同
去開幾間相熟凍肉鋪，一減價，大量買，送到去屋企，可以食好耐（為左慳錢，屋企買左個冰箱放凍肉）
冇買過大陸肉，一係西班牙荷蘭豬，一係美國加拿大牛，一係法國雞，好抵食
想食新鮮肉，真係行過好平先會買，或者係外國一大舊2-4kg冰鮮牛肉豬肉咁送屋企（有凍肉鋪會送貨），食唔哂急凍，一樣食好耐
1個讚
咁好老實。
係呢度買肉又真係平過香港新鮮既好多， 去costco買一大pack再分開多餐食係低， 但 平既野呢度係少過香港， 又正常， 呢度係英國緊少深水埗長沙灣個類 舊區（印巴區可能仲有d平既野賣） 。 但整體上呢度既質素係好過香港。
但如果你係香港食開急凍西巴牙豬展 豬肉碎呀 美國牛呀，又好似差唔多價錢咁。
2個讚
講真，咁慳為左咩？就係為左去英國！呢三年，戒哂名牌手袋、靚衫靚鞋，戒哂去唔同餐廳享受美食，日日努力煮餸，咁辛苦就係為左去英國
去英國唔係求好生活，係唔想冇左對仔女，但我慳極能力都有限，畢竟返工賺錢都係得十年既日子，預期去到英國生活質素會下降好多
Mortgage冇信心做，因為人工隨時得返1/8，要有能力供先可以做
呢幾日都同當地鄰居吹水，佢都叫我唔好咁擔心，行行下就有路
5個讚
人工得8分1？你香港搵好多？如果差距咁大我勸你唔好過來，過到來會嚴重心理唔平衡成日唔開心，你收入咁高完全有能力俾仔女過來讀independent school嘅boarding，咁就可以繼續搵錢又送到仔女出去
2個讚
加油，真係取捨嘅問題，有d 嘢用錢都買唔到。
最緊要計掂數成家都生活到。
雖然我都唔鼓吹人盲目地走，但我想分享一樣嘢，就係移民無得100%預計，有時你plan 好哂諗住咁，去到嗰步原來係唔work，又要再嚟過，最緊要自己個心態點面對。好多人都分享過英國有咩差，走嘅時候個心就好紅覺得自己克服到，原來真正面對時感覺好差，記住自己點解要走，然後盡力去解決，解決唔到，就改變自己，隨時喺到幾十年，怨到有皺紋都唔抵。
7個讚
我冇去祥興買餸，不過都知道二十三蚊有隻冰鮮雞。
細路出世後1x年都冇去街市肉檔。又貴又大陸肉
雞就只買嘉美雞同丹麥雞，怕有激素。
我冇人咁叻，係呢邊都好少買到平嘢。
見人 fk成日 post 平嘅牛羊。我去 asda 都揾唔到，成日最平見到 d £4.5 兩塊好細嘅羊扒，我一個人都食左
見過£12 嘅到期三文魚，只係減£3, 但得返一條漏哂氣，買唔落手
而家開始去下 butcher 同 farm 買。係貴d但新鮮好多，同埋都係啲 family farm。
有時諗係香港都注重食物健康同來源，冇理由來到就亂咁買亂咁食
人地po d 0.1p牛扒我從未見過，但佢地講到成日有等人以為英國超市係咁平，我每次都淨係買到正價肉，超市d肉已經唔錯，起碼係新鮮野，雞會買free range corn feed，都係貴少少但好食，但真係未至於平過香港好多，對我來講最多係一樣但英國係食到新鮮肉
1個讚
計落都平過嘉美同少爺雞好多。
平嘅雞，應該同祥興二三十蚊個類雞一樣都係勁打針
新鮮，靚，來源可靠嘅肉都唔平。
不過呢邊已經成日煮，好多材料每星期 repeated 。更加想買好少少
咁老實妳買餸真係吾叻， Asda有d一卷既羊腩肉， 如果妳用黎煎都好食， 咁好多人用黎炆羊腩。 £5-6磅， 夠4個人食
1個讚
我買來炆雙冬羊腩煲
asda 係平 d, 但一卷唔夠。要兩卷，細同碎塊多
我去 sainsbury 買，貴 d大塊 d, 一卷都夠。而且好多一塊過，冇咁多碎塊。
買一卷計落平過買兩卷
1個讚