可以申請按揭架嘛，冇人話買屋一定要full paid
我有小朋友所以學校我睇得好重，校網好屋價貴係必然，英國咁大總有一區校網好得來岩budget，如果要讀英國差學校我寧願唔移民，at least小朋友唔好學壞係首要
Good 中學其實好多成績係好差，甚至差到bottom 30%，有d outstanding都係得50%內，個d唔使再睇落去，我都實地去睇過d中學學生，成績好嘅望落真係乖d
1個讚
但佢哋non selective ,就算outstanding 都咩人都有
所以要揀區，睇下個區咩人住，自置定出租多，多唔多social rent，咩階層，睇完大概估到人口質素，再推斷學生質素，但成績一定係最反映到現實嘅指標
1個讚
再睇多次你嘅情況, 小朋友好細, 其實未咁擔心留在香港被洗腦問題, 過到英國, BB 其實幾難搞, 冇工人, 冇長老, 有病看醫生又未熟架步, 其中一個家長一定要全職照顧家庭, 真係會困難啲.
但呢幾年真係高危會開戰嘅年份.
5個讚
過左 2022年已經覺得唔會開戰。點打？射到乜過對面海？
內戰有機會
2個讚
打仗係有機會嘅，而且一打絕對走唔切，除非你做到兩日內買機票及飛埋，但唔好預網上銀行work
細路咁細個唔好擔心到大學，咁只會做錯誤決定
治安不錯嘅區域大把，但一單兩單大案喺咁大個國家係正常
3個讚
都2023 年， 唔覺會開戰
建議樓主係香港留多2/3 年搵錢， 之後過黎都可以， 暫時唔見bno visa會落閘， 因為睇返而家英國既經濟環境， 真係十分需要大量有錢移民家庭去support, 唔會咁易落。 等小朋友再大D, 懂性d可以有自理能力既更好， 因為由working mum 變full time mum, 仲要無人幫手， 係真係會辛苦同困身。
3個讚
我諗人民不滿上街應該會有
但同外國打杖就，諗唔到邊個國家會派士兵飛機同船來打佢，佢又會派士兵飛機同船去打邊個？
最恐慌要走個幾年都過左，冇走嘅已經冇迫切性。
如果單純為仔女讀好學校，不如留港揾錢送佢地去 boarding school
啲細路大咗，可以留係個邊做野結婚入藉
3個讚
我覺得會打
正路應該唔打, 一打台灣一定俾全世界圍打
但白卡一路以來做咁多反常理嘅嘢
正如俄烏都冇人諗過打咁耐
而家普京all in連學生都要徵招入伍
啱啱今日又話國企唔俾用big4
進一步decoupling
契哥契弟兩個窮到窿唔知可以點攪
但無論打唔打香港經濟一定死硬
2個讚
台灣舊年九合一之後會打嘅機會細左好多，而家水緊，諗下點撲水重要d
至於走唔走，覺得迫切要走嘅2年咁長時間已經走左，留到而家即係冇乜迫切性，走唔走都無所謂
落閘就到2026年應該都唔會，全世界搶人係趨勢，因為全球先進國家出生率低迷左好多年，惡果開始浮現，要解決只有搶其他國家嘅人，但有可能條件上會有微調，可能用計分，篩選d國家想要嘅人instead of咩人都俾佢來
3個讚
同意，報紙係重點報到差嘅野，等人留意，
新聞係報道呢d。
香港新聞夠有斬人案，有無覺得出街唔安全？
我覺得就算英國話要落閘，佢地都會預告，邊日係截止日期，唔會即時截申請
如果要等到佢落閘先移民都唔係好care自由民主啫，唔需要移
6個讚
係架，諗左咁多都唔走，真正擔心嘅，早就走左啦。
3個讚
係嘅，冇價值判斷，有人覺得自由民主值得以犧牲一大堆嘢去爭取，有人就覺得豐衣足食重要啲
為仔女都好多方面，有啲想佢安全，有啲想佢英國讀書，有啲想佢多個國籍
有啲港媽癲到買一大堆GCSE試題比個Year 8嘅細路做，仲fb好威咁講，我見全部留言都係pm，癲晒咁
諗清楚移民原因先
1個讚
正如股市咁
有人覺得自己可以高沽低揸賺盡
事實上要操作極難
一個消息就可以將所有野反轉
冇機會俾你走貨
所以last min先走既自己衡量風險, 要預咗有機會走唔到
所以我好積極考慮會唔會提早走
呢個都係我既擔心，謝謝你明白我處境，係唔容易，但又想佢地快d去適應
我一家3口黎到，無錢買樓，租樓住，黎到慳住洗，生活過得好開心，另一半仲話覺得遲左黎。
我覺得心態影響一切，如果太擔心錢嗰方面，黎到都唔會開心，因為呢到一定唔會有香港揾咁多
6個讚
佢地仲咁細
唔會唔適應
係大人唔適應多d
呢到好多大人講小朋友快d過黎會適應得好d
其實並唔係
好少人好似我咁奉勸人哋唔好咁早過
真係要諗清楚
3個讚