可能有啲食材容易啲造型，小朋友接受程度高就可以成日煮呢啲
喺你張相見到仲要有一格放M&M真係唔知咩玩法
同你一樣
問心我好佩服啲媽咪咁好心機
但啲post點睇都係炫耀多，就覺得有啲無謂
尋日仲見到有個腸仔壽司
其實揀自帶飯盒唔係想健康啲咩
2個讚
炫耀唔緊要
但最起碼要俾人感覺好食先呀?
睇落只係為左整色整水又無咩餸好食
(定係食開吉野家? 覺得有三文魚碎蟹籽碎撈飯就係正野? 但印象中人地好似無一大堆紫菜? 而且人地三文魚碎好似鋪滿晒, 但我都三年無食過吉野家)
我都唔明點解要擺糖果朱古力, 見過有個係擺白兔糖添, 小朋友會為d 中間既糖果食晒成個飯盒? 
2個讚
我好無聊地搵左你地講果個fb group 睇下
入面都有d 比較理性既人表達意見
可惜樓下又俾d 某d 要整靚靚便當既媽媽話
又係果d: 點解你又唔post 下健康便當之類、媽媽一早起身煮飯好辛苦、整完愛心便當出post仲要俾人話唔健康好唔開心等既回應
搞到管理員封帖
2個讚
無言
我本身入group想參考吓如果每日預備唔同飯盒，有咩idea,睇嚟都quit得group喇
1個讚
都唔緊要既
睇下參考下都無妨
我都係打算做CD ROM
2個讚
我睇親都覺得d 嘢唔好食，得個靚字。
D 嘢全部乾爭爭咁，凍火腿送飯？
1個讚
佢哋已經迷失曬
有啲走火入魔
上年見過有人好似曬日本手信咁、post十幾二十個卡通食物盒、再加好靚一堆簽下紙兜、但果個人好似得一個小朋友、我睇到哇哇聲。
日日搞一大輪, 已經唔知自己係想小朋友食好啲多啲、定係想曬
我比老公睇個page ,佢話有自唔在攞苦嚟辛,又唔係有益….想小朋友開心、比包薯片佢帶返學實最開心
1個讚
又未至於完全冇參考價值嘅
拎下煮餸idea係唔錯
唔好跟風就得
1個讚
我唔會整但鍾意睇
健唔健康唔係我要關心啦、佢都未必日日咁整
1個讚
咪係~有八成都係飯團+ 車厘茄+ 一堆膠簽+ 其他配菜
見到都覺得乾爭爭唔好食
好有同感~
我都覺得宜家好似因為兩日活力之亂
個個都要為左拼面子
幫小朋友準備晒命款飯盒
十居其九既人會話小朋友食完呢兩日愛心飯盒就唔話想食活力
我都好想知d 媽媽堅持到幾耐
全職主婦十點半煮飯十一點半送飯都仲可以，
要返工嘅再砌公仔飯盒真係好無謂。
我就係朝朝五點幾起身煮飯煮餸，入水樽、洗屋企杯、6:30要入飯壺，再去整早餐，我已經係煲飯、淥菜、焗雞翼或炒飯，都好攰㗎。
出門口set定下午煲好飯放工再煮餸。
我嗰個中學生，但唔可以出去食，佢好耐之前已話啲飯難食，所以上個月已開始帶飯。
真係唔駛整太靚，跟本無人會睇，一開飯就撈亂曬。
仲有成日用火鍋食材唔飽肚，整啲肉碎、雞扒好過啦
3個讚
你好犀利
要番工仲朝朝起身準備午餐同早餐, 放工番黎又煮過 
俾我應該會夜晚果餐準備埋第二日飯盒
第二日起身翻熱就算 (當然葉菜類唔適合第二朝再次加熱)
主菜，無咗佢哋d 提子、車厘茄無咁靚
1個讚
我晚上啲飯係朝早八點放入電飯煲，下午三點煲好，晚上七點食，呢啲飯再留到第二日下午，我接受唔到仲有啲菜，雪完再叮會太淋
呢個先係重點
何必為post張相比班唔識嘅人睇，日日自製困境
我都係自己煮飯比小朋友帶
間唔中會送下飯
總之有菜有肉
佢食得晒就得
最多會同佢傾下想食乜、整到盡量整
3個讚
哈~岩岩見到呢個, 諗起你頭先講"凍火腿送飯"
我諗起唔知邊度睇過話啲日本媽媽其實好怕呢種整靚飯盒文化
但個個都咁做變左唔整唔得
1個讚
不過如果因為咁
少咗人幫趁飯商我覺得係好事嚟
1個讚
哇，呢餐夠我午飯食。
小息食飯呢個真係。。。會唔會飽死？
1個讚
我覺得惡頂中的惡頂係陳茵媺d生日蛋糕
【廚神媽咪】賀囡囡4歲生日 陳茵媺3日整6個蛋糕
2020-05-01 14:10
陳茵媺（Aimee）與老公陳豪及孻女陳凱婷（Camilla）都是4月生日，Aimee除了自己生日，今個月都忙於為老公和囡囡炮製生日蛋糕。
4月27日4歲生日的Camilla，孻女孻心肝，Aimee特製了一個公主蛋糕為Camilla慶祝。兩日後，Aimee再次分享Camilla吹生日蠟燭的片段。影片中可見，Camilla攬著毛公仔望著眼前的生日蛋糕，等媽媽唱完唱生日歌，便用力吹熄蠟燭，非常可愛！隨後，畫面變成Aimee製作蛋糕的過程，她還透露為了寶貝女，在3日裏製作了6個蛋糕，但只是其中一個爛了，不少網民都留言大讚Aimee厲害，是「廚神媽咪」！
