我冇工作，重心主要係照顧個仔，其實我地每天都有做愛，佢都係不夠？還是依家對我已經沒有愛情呢？
我唔可以代佢作答，但我只睇事實就會覺得係佢本人道德觀念低，係你地每日有做愛既情況下都去邪骨。佢有可能都係愛你但佢最愛都係自己，所以明知會傷害個家佢都照做。
如果我係你，一定盡量將錢放係自己度，例如樓係咪寫你名？銀行錢放大部分係你度。確定就算離開，自己都係有經濟能力，呢個係第一重要，原唔原諒都已經係後話。
再好現實咁講，你覺得自己承受到離婚嗎？你既外型有冇keep？我有朋友離婚一樣搵到其他愛情，都有再婚。我唔知你想要既生活係邊一種。
1個讚
全部錢一直都係我度，佢Ｄ銀行卡都係我度，佢身上每個月得紅日2000至3000我主動俾佢，點知換來甘既出軌， 畀我知道之後， 佢就話以後紅日唔使畀佢。
離婚既話，我都係要睇佢跟住落嚟嘅日子點做囉，再出軌一定離婚。
咁你呢段日子都可以focus多啲係自己身上，唔好不停諗住跌入唔開心既漩渦。
我明白，好多謝你俾意見我｡
不妨睇下心理學研究先。我十幾年前主修心理學，好記得愛情心理學讀過男女對出軌定義係大有分別：女人睇任何婚外性行為都算出軌，男人睇要雙方有情感上的交流（好似拍拖咁）+性行為先算出軌。因此，我明白到老公對自己一切如常，但在外面有性行為是不等如不愛自己。性對男人實在太誘惑了⋯
雖然有左呢個認識，但當結婚不久後知道老公有婚外性行為時（原因係我老公對我一切都坦白，包括呢個經驗，當男人處於個引誘環境就算點記得個老婆都唔會走得開的了⋯），我都係同大家一樣傷心到傻左，接受唔到。不過我好分得開老公係愛我的，所以只要求佢唔可以再咁做⋯件事都發生左幾年了，呢幾年老公對我一樣冇變，繼續一齊，連仔都生埋。
我想強調信任的重要（雖然唔係個個男人都信得過），所以我冇特登check老公電話、行蹤等，而我地錢銀完全獨立（因為我都有做野）。如果你仍然信任老公，到時比返少少錢佢。一個男人如果少少私己都冇，生活處處受限制，驚佢又會有另類的不滿禍及關係⋯
多謝你的分享
我會比小小私己錢佢，我吾會甘自私。
Exactly
And don’t be too nice and sweet to him.
男人同女人好唔同，令一個出軌女人返轉頭嘅方法係男人溫柔地reassure 有幾愛女人，會原諒 etc
男人調轉，佢哋鍾意 challenge，game
攤完牌氹幾句就原諒，佢唔會珍惜，好快有下次。too easy for him.everything’s expected.
First step 一定係佢offer 嘅嘢照做，不過你攞完d錢最好唔好react得感動在乎。
可唔可以攞佢錢自己去個旅行散心先？
再去扮靚醫美facial 買袋嗰d
總之就係做d同平時嘅你唔同嘅嘢，唔再知慳識儉嘅C9，而係當自己係佢小三/ 回到未嫁時咁扮靚happy約friend遲返
佢先會真係諗你到底諗緊咩，點補鑊無下次
至於擔心唔夠錢洗，who cares
佢自己諗方法 part time etc 死掂佢
4個讚
唔建議再生。千萬唔好再生。
3個讚
而家呢刻佢講咩都得，但之後keep唔keep到係另一回事，有冇決心改過唔係淨係睇呢一刻，可能要1年？幾年？十幾年？甚至老左到死果刻先會知，放長雙眼睇清楚。
但既然佢比哂錢你，又話用gps，咪照接受呢d offer先。比返基本零用佢算。
2個讚
都11歲唔好生啦
所有野重新玩多次辛苦嘅一定係女人
3個讚
男人鍾意新鮮，同一副body，差唔多嘅體位，點都會悶嘅。如果佢之後都冇行差踏錯，有時女人都要變下，可能試下其他體位，試下其他地方（唔犯法果d），試下玩具，試下制服。
好多時男人出面有另1個都係因為新鮮感，未必真係愛出面果個，只係新鮮，有唔同嘅飯腳，唔同嘅話題，甚至可能出面果個（大陸婆好興嘅）嗲聲嗲氣。而“老婆”呢，咁多年可能已經變到講差唔多嘅野，可能講下個仔，冇乜其他新鮮d嘅話題。來來去去都係食果d野，煮果d野，亦未必會撒嬌，好多野已經變成習慣。
有d可能因為中年，但又唔係好接受，想睇下自己仲有冇魅力。我有個男性朋友都試過，佢係咁講，差唔多50歲，佢話想睇下自己仲有冇魅力，溝唔溝到d後生女
3個讚
但都要諗下佢所講既比哂錢樓主究竟係語言藝術定咩，例如聯名戶口其實仼何一方都係可以攞哂出嚟。每月人工俾樓主，咁樓主用幾多%係屋企上面先，如果人工減左屋企開支所剩無幾既，咁其實都係無錢落袋。對樓主係不利。
唔怪之得宜家啲人唔鍾意結婚，2023年仲用緊古代一套研究啲古老石山男人諗法。
女人都好鐘意新鮮啊，希望啲男人得閒就諗下點tum老婆，點賺多啲錢，唔係啲女人都好易俾出面啲男人又送車又送樓吸引到，啲女人其實心裏面都真係鐘意老公既，只不過係俾出面啲男人，有啲就小鮮肉，有啲就送禮吸引左姐，老公要好好學下啲新招啦。唔係帶綠帽就唔好啦。
煮埋野俾佢食，仲話黎黎去去食個啲，叫佢食蕉啦。利申唔煮飯。
女人真係keep住扮靚，愛自己好啲。
3個讚
樓主冇工作，應該唔會所剩無幾掛
待樓主再解答。
不過都要睇下樓主可唔可以確認係咪真係比哂佢，我老公公司只會銀行出糧，所以我可以登入佢戶口睇，亦都有糧單，所以我自己就可以肯定到。
所以呢d都係睇另一半點做，如果佢開聲話d飯餸悶就叫佢食自己啦。如果醒目嘅，緊係話辛苦哂老婆，再讚下個老婆。
認同你最尾，女人係要keep住扮靚，我都懶左
1個讚
多謝你俾意見我，我依家好亂，有Ｄ想自殺，但吾捨得個仔。
我老公依家識果個就係大陸婆黎香港做骨妺，我個腦好亂，已經吾識點處理了｡
