點為之小病？
九成九小病都會好快好返
只不過香港人習慣睇醫生
其實睇醫生唔會加快好返，係食藥加休息先會好返
3個讚
我都唔知有幸定唔幸啦，都享用左nhs 服務
我覺得都算安排得快，用埋都nice嘅
問題係呢度d醫生唔開藥，買下化痰藥都要prescription，即係又要搵gp，但gp係唔會開藥，淨係叫你休息飲多d水
其實都好明顯個制度係有好大問題啦，咁都睇唔到
其實冇問題架喎
普通傷風感冒咳呢d，唔理佢但又好唔哂係會變大病
正常傷風感冒食藥只係舒緩症狀唔會快D好
係香港吓吓要快落抗生素食到個人溫溫敦敦
2個讚
如果請多啲香港人入 nhs 做應該會好啲，特別係gp receptionist 同聽電話
有啲好垃圾，連幫病人改返個名都唔肯。我落去講左幾次條友都話唔知，叫我去呢到個到。直至有次遇到個好心嘅
1個讚
但問題就咁唔理係唔會好
個人溫燉左成個月，想增強返抵抗力都唔得，然後又惹返俾家人，惹來惹去，無限循環
其實只要遇到個肯做嘢嘅，肯 refer同安排就容易好多
呢到啲人乜都唔想做，就算加人工比佢地一樣係唔做
要改用維他命？食療(燉橙/燉洋蔥果d)？
但都要個病好返先
香港人慣咗食藥，其實食得多對身體唔好。
如果想小病快d 好，增強抵抗力仲好。
多休息、多飲水、食多d 生果係老生常談，但真係work。
我中Covid 嗰排發燒喺屋企好攰，迫不得已要出門口（唔使強制，條街亦無人）吸啖新鮮空氣，其實真係好醒神。
3個讚
我啱啱表達得唔好，我話制度係公平，意思係一齊冇得救或者一齊有得救，唔係指制度冇問題
已經有幾單老人係急症室等到 c左，又有細路唔舒服，被掟去e間個間醫院，之後求其開d藥，結果返屋企 c左。所以未必關年齡事
奇怪係冇人需要問責又冇人交待，唔入去睇 local group d news bbc 都冇講
1個讚
我前排腸胃炎疴到冇返工都冇去睇，心諗book 得來 gp 兩三日後可能好返。
同事叫去 a&e, 心諗點一路疴一路等十個八個鍾，而且應該唔會死人，自己食止疴藥算，結果斷斷續續疴左一星期
識人尿道炎定膀胱炎都係自己買藥食
其實你有冇嘗試過book GP? 都未book你又知要等2/3日？
差唔多啦，我女細時都係無藥食，醫生叫佢飲多d 水，痾哂d 菌無事。
細女返香港又試過腸胃炎，睇醫生係有藥食，咪又係痾足一個禮拜。
唔 book 過點知要等兩三日？
非急病正常係要等兩三日㗎喎，我話佢冇特別慢呀
少人個啲區+ 勤力嘅 gp 可能可以第二日
即係睇左醫生又有藥食