用家：等跨區巴士更加浪費時間
輕鐵唔會有班次多過 20 分鐘，但在相同時間去等巴士通常都係 20-30 分鐘一班
1個讚
其實宜家租樓平咗好多，一萬蚊樓下不是夢，我住緊呢度大型屋苑又有得養狗都係九千幾四百幾呎，係唯一無車位，如果你必要養車 村屋係比較適合。
利申 over十年獨居經驗，由100呎市區劏房住到宜家400呎大西北獨立單位。
最重要你要有少少儲蓄，以前d人話一個人租屋住最少要有6個月儲備先夠穩陣！
3個讚
巴士，睇APP都可以預時間。
輕鐵某啲站，可以兩三部單卡同爆，迫唔到上車。
樓主揸車，可能要試下返放工博愛迴旋處果種塞法，同埋揸下教育路，千色，睇下係咪接受到先。
嚟緊又通關，唔知星期六日大馬路仲會唔會好似行花市咁寸步難行。。。。（搬走左幾年，唔知呢家係點）
2個讚
西貢村屋出咗名貴，出市區嘅路，習慣性塞車，由其夏天嘅假期。
3個讚
明白的 我會睇近朋友附近既樓 順便問埋平車位 我朋友出入果度冇車都方便的
咁既話輕鐵好難預時間出門口喎 隨時仲要上唔到車 我目標係可以行到出西鐵站既樓
獨立車位咪好貴囉 你都好勁 愈搬愈大 車如果搞唔掂就唔養了 安定左落黎先算數
黨鐵 app 係有輕鐵班次睇到，樓上搬走咗好多年佢可能唔知
佢講果上唔到車的站，應該唔係村屋範圍的站，果 d 站多人到可能開咗黨鐵巴士輔助載客的，具體位置佢無講到，好難答返你
我自己嚟講，505/507 輕鐵係會迫唔到上列車，所以我通常搭 506 黨鐵巴士，元朗區要問返真實用家先得啦
1個讚
我朋友一個女仔租住龍珠島，都住左好多年
話日日對住個海好舒服，唔捨得搬
凡事有捨先有得
睇自己追求d 咩
3個讚
雖然唔係村屋, 但如果你鍾意親近下大自然環境, 又想有方便嘅生活配套(起碼唔駛日日煮飯), 屯門碼頭係一個幾好嘅選擇, 有商場超市配套, 同時樓下就係海濱同沙灘, 比多個選擇自己
3個讚
好的 如果太麻煩交通就算數了 放假去左睇樓先 始終我返工時間唔定 夜返都係有安全問題
1個讚
龍珠島好耐之前有介紹話 好平添呀 但仲遠d
多謝 又多個地點知道左 可以選擇 我鐘意住新界既原因都係呢d
，
隔涉但好舒服
不如大家講下出黎住既使費丫 雖然個個人使錢方式唔同 我都想知除左租金 水電煤 日用品 有咩錢係會使多左
其實唔係咁差，列車到站慢慢行入去嘅話其實一卡可以載到好多人。
我朝早返工夠早嘅話係會同學生一齊搭，一卡車僅僅夠裝到成個月台嘅人。
巴士其實仲慘，以前住市區，個個站等人拍八達通上車，停完站又停燈，會等到燥底。
1個讚
要睇你平時係咪呀媽幫你買多，一大堆洗頭水沖涼液、洗手液洗潔精、洗衣粉柔順劑、毛巾、牙膏、廁紙垃圾袋、個人衛生用品等全部都唔可以靠屋企人了。
傢俬都要買，煮食用具（一個煲煮麵同煲水）、床架枕頭床褥、衣櫃衣架熨斗、仲可能要多一張工作檯同一張櫈。新樓通常係會有埋洗衣機嘅，如果無又唔想買可以揾吓洗衫舖，都要大約 $50 一次。
通常租金係會包埋差餉地租同管理費嘅，問清楚唔好俾人呃
。
我住樓都會選擇返近西鐵好啦
我睇緊既有包傢俬 有d咩都冇 我本身張床同化妝台可以搬 但衣櫃唔得了 太大個
我想租有洗衣機的 煮野如果佢唔比 我諗住買個電磁爐簡單煮下野就算
一開始洗費應該幾大喎 咩都要買下 住落日用品應該唔會太貴吧？
可以揾吓帆布型衣櫃，無木嘅咁貴，再唔係就就咁買個掛衫嘅架，不過會比較佔用空間，但都係 $300-400 左右嘅。
通常會有廚房架，煮食爐都有（如果舊樓通常明火），入伙果陣租約有個位可以寫明有咩傢俬，目的係你退租果陣有根有據還齊返野俾業主
。
日用品其實好睇你用得幾快，同埋用咩牌子，可以趁呢一兩個月統計吓你用嘅速度（例如你屋企一枝洗水液用幾耐用完，再乘返人數）。有時見到超市 / HKTVMall 特價又可以買定先。
要留意洗衫嘅工序如果做足（洗 + 等乾 + 熨），其實係幾花時間，要有心理準備一個人住會忙，變相少咗時間用就真。
P.S. 啱啱諗起數漏咗上網費用，如果唔係成日留喺屋企嘅話，建議買 SoSIM 會好過裝寬頻，$88/3 個月我估係夠一個人用嘅，前提係屋企收到訊號。
3個讚