欣賞佢呀 一個人好獨立 我都擔心自己搞唔搞得掂
1個讚
樓主，我只係鼓勵你做自己喜歡做嘅事，你research下睇下有冇安全同適合你，總會有適合嘅。我唔知道邊句有指責你嘅意思
我唔知道只講身邊有人咁做叫做靠害，要自己100%試過先得，否則就係不負責任
有人可以自己定咁嘅規矩喎
如果你覺得我係錯，歡迎你report我，叫admin delete我
咁就set 個 priority list
可能我會賣車，搵份好d嘅工，做好 career planning 去 support 我長遠搬出嚟住嘅開支
租就夾租，市區，等等
到環境好d工作好d，先養返車或者考慮高級村屋養寵物
慢慢黎:)
1個讚
係咪誤會左
唔好嘈交啦 我明白呢到個個都好有心解答問題的 全部意見我都有睇
3個讚
而家負擔大 冇咩錢儲呀 要放棄養車好痛苦
終於感受到經濟壓力呢回事
可能到時會感受到獨居既美好 寧願唔要車呢
好處 不外乎都係空間較多 好接近大自然
鐘意行山 呼吸新鮮空氣就會覺得好舒服
咁大部分時間都係寧靜嘅 不過都想分享多啲衰嘢等你有個expectation
仲有衰嘢架！
10, 基本上所有車位都係露天，唔好買靚車喇。曬到殘。電車都未必得，車位唔一定近屋 可以充電。
11, 同上，如遇著8號風球 好多人會搵室內停車場泊好部車。空曠地方，冧樹 冧山泥 冧落部車度無仇報
12, 天台對落果層聽落好chill, 但係會春天特別濕，夏天特別熱，冬天特別凍。因為起樓時一般都唔會做好隔熱 / insulation.
13, 村屋位置一般比較唔方便，會好自然乜都買定。以防“哎吔 屋企無奶添”。又無得俾你“落樓下食早餐先”。 food熊貓 & 袋鼠又未必有coverage. 所以自己下廚機會會大增，唔鐘意下廚的話又要諗下
第一次自己一個租樓嚟講，實在係一個比較大嘅挑戰。
不過你換來嘅係一個好舒服嘅私人空間，一個舒適嘅life style.
我明呀，所以當唔可以兩個夢想一齊擁有嘅時候，就要取捨咁先唔會搞到自己好大壓力
如果你暫時頂得順屋企，鍾意養車多啲，咁就趁呢幾年快啲儲錢先
同埋真係諗吓長遠嘅工作計劃
1個讚
其實市區都有村屋
1個讚
煮野食呢樣對我好大挑戰 基本上我係外賣搞掂 搬左就要慳d 唔煮唔得
如果我租樓既話 車位可唔可以租平車場架？ 還是村民先有資格呢？我見有d平到幾佰都有
我細個時候跟屋企人返過碧桂園玩 好舒服 我幾鐘意大自然 而家好多年唔會再返了
以前點嘈都唔會叫我走 而家已經係極限了 每鬧一次 我既勇氣就大多一d 儲夠勇氣而家就走
份工要發圍都有難道 好似咩都已經去到盡頭咁
有睇 好貴呢
首先想鼓勵吓你，一個人搬出去住係好辛苦，有咩事都無人照顧。
反而要提提嘅係，搬出去要用好多錢，如果你人工唔夠，即係搬嘅過程有出錯就會一舖清袋返唔到轉頭。唔好計太盡
我未租過村屋（亦唔敢），如果大西北嘅話唔怕細有好多開放式單位，要平租唔難，仲要係新樓，近市中心 d 交通、民生野亦唔差。
我寧願揀一個新起嘅私樓，保安好 d，比較大機會揾到業主正正式式打釐印（呢點超重要），有野要維修機會都少咗。
如果真係想住村屋嘅話，有樣唔知你識唔識（我唔識
）嘅係踩單車，真係要賣車嘅話，短程轉地鐵 / 出市中心唔使錢，可以慳到唔少。
放工順手買埋外賣食都得嘅
但週末如果唔出街 三餐就要自己搞喇
車位
我諗各處鄉村各處例啦 有啲屋可能本身連車位
無連車位果啲 就同村公所租
化悲憤為動力揾工
唔好浪費青春
你嘅時間係你嘅本錢，去投資落會令你有前途有回報嘅工作同公司
如果夾硬喺一間冇出頭同機遇嘅地方工作，捱多幾年你嘅競爭力就會下降，跳唔番出去。
Sorry 離晒題
不過都係嗰句，將啲困難一步步慢慢解決
感覺上你應該處理咗你嘅工作先
你哋B有B睇法，但唔好屈A要100%肯定，要全部自身經歷先講得，講其他朋友經歷都唔得，好似個forum係佢咁
又話咩有咩事會後悔，assume到一定有事要A唔安樂咁
大家各有各講嘛
以上唔係話你咁做，係回應你個言論
1個讚
冇嘈交，係有人發癲隊我話我靠害，又話要100%規定喎
我條氣係唔順呀，不過我真心答你嘅
1個讚
我識有d朋友自己住過搬返屋企又有 繼續獨屋又有 搬返屋企原就同你講既一樣 太多錢要使
你意思開放式新樓 是咪要同人share廁所廚房果種? 同埋呢 而家咪好興 旅舍咁既 服務式 我都有諗過 係唔慣同人share 野咁
村屋我睇過資料都係話唔係個個業主咁好 包維修 同正式釐印
踩單車我識 住村好多人都要踩
但原來短程轉地鐵 / 出市中心唔使錢？呢樣我就唔知了
唉，去到呢啲位真係要走，關係只會愈來愈差，既然佢哋都開到聲咁咪走囉
你去搵agent叫朋友陪睇下樓先，都係個句，有好住又安全嘅村屋嘅，雖然我唔係‘’100%肯定‘’
都好多，但就未必咁自由自在，我好怕share嘢，不過環境一定好過劏房
明啦 村公所都要本身係村民先租得 住左樓就冇資格租了