我覺得佢出post個用意好有問題. 如果佢係話大家可以買黎試下， 如果覺得吾好飲係可以refund。 但現在佢係諗住就算你覺得好飲都攞去refund.
1個讚
我尋晚都有碌過，佢女speech delay, 都要搵間outstanding嘅nursery比佢，比老師投訴，比同學蝦（佢話），然後佢去投訴返學校，最後轉校開埋人哋學校名，話自己2017年開始有抑鬱症，單親生個女出嚟，但文字上其實我睇唔到而家個老公係咪女嘅生父定後父，兩母女自己過英國，因為窮所以要四圍格價，攞free嘢，睇到我最O咀係佢喺Lego Shop分咗幾日去攞咗7份free gift（全部一樣），但佢有嘢做嘅，係神秘顧客，影完相寫完report要交，其實佢英文應該唔算太差，點解唔花啲心力喺照顧女嘅情況上面？又再退一步諗，知道女speech delay(喺香港已經知），係咪需要過嚟前做更多research睇下適唔適合小朋友，搵學校唔係一定要搵outstanding，金錢都係大問題，小朋友睇住媽媽有樣學樣，樣樣攞到盡，對佢係最唔好嘅身教
我第一個comment未碌哂都有啲同情佢，到我睇哂之後就浮咗一句 ’可憐人必有可恨之處‘
3個讚
單親身勢可憐唔代表佢可以用呢個角色去當人地水魚囉…
人地refund 唔係咁樣比佢用架
2個讚
又唔覺得佢窮，起碼文字上唔覺，只係貪小便宜，同有精神病卦。
1個讚
同意，仲要教人點做，睇到反晒眼
佢幾個post都話自己窮，又或者係人物設定嚟
悲劇主角就可以多D包容
1個讚
佢係錯，但起碼唔係殺人放火，fb都唔駛係咁鬧，鬧全家，又msg 佢鬧佢，佢有精神病，萬一睇唔開，同個囡自殺，咁咪做成另一個慘劇
1個讚
以佢背景係好值得同情，不過…
香港人幾時變到咁涼薄，定還是一直咁涼薄，公開貪小便宜啫，真係有必要圍插佢咩
1個讚
唔關涼薄嘅事，佢肯知道自己問題響邊，就唔會咁啦
自己立心不良做騙子在先
3個讚
同理心唔係個個都有，所以有時上網真係唔需要分享太多，特別係個人資料，佢係有分享嘅自由，但唔可能要求其他人因為佢background而俾多啲體諒
利申先：我都唔認同要圍插㗎
4個讚
分享下：我有個舊同事間中就請下病假或返返下工出咗去，其他同事成日圍埋話佢扮病扮身體有事，直至佢有次自殺不遂，先知原來早前佢老公跳樓自殺走咗，佢一個人帶住個仔好大壓力，患了抑鬱症
係咪騙子只有佢自己知
3個讚
網上世界，講野不負責任既佔絕大多數，唔限香港人。
事主放公開文，都係想有回應。
唔好同佢地認真了。
2個讚
係咪即係小紅書寫來港攞著數心得
3個讚
你呢單同refund 果單係2回事啦
你見唔到死撐話冇問題，包裝有個free = 免費啫
2個讚
小紅書拎著數可能又有暖心故事
妳真係好了解佢地， 每次佢地有咩野人行為， 特別係外地， 出新聞後， 第二日又會有一個感人故事推返d野人行為， 意途改變局面
所以話好怕香港人響外地做埋啲老土嘢
1個讚
仲記得佢有個post 話特登淘左部機整雞蛋仔俾佢女食
如果真係窮到無錢開飯
我諗會寧願買少部機食多幾餐飯