我打算行stream A（會在安省落腳） ，現階段等緊個Student permit批。大概仲有半年就過去，有啲問題想請教下…
1）銀行戶口
有上網搵過，都見到唔少人係先兌換少少加紙（大概1-2萬加紙）以應付剛到步日常開支（我會一家3口去），其他就繼續係港紙，到兌換率好時/ 有需要時再兌加幣。
咁如果想咁做，我應該將啲錢放去邊個銀行方便啲？(平日用緊Citibank)
因為我有時去旅行，都可以開通海外提款，其實咁做係咪已經可以解決到我所需
2）租樓問題
有上網搵過下，想問下我應到步前幾時開始搵…有見佢地呢家租務都好渴市，現時見到既盤係咪好快就被租。我咁早睇黎好似冇咩用
3） 搬家當問題
大家有冇用過值得推介既搬運公司？
我到時會住condo 先
4）電話卡問題
大家會建議係香港買定電話卡過去頂住頂一兩星期先嗎？因一開始到步要申請好多野都需要用到加拿大電話號碼？其實有冇需要…？
感謝大家～
我的少少意見, 希望幫到你
1） 銀行戶口
我本身香港有HSBC戶口, 出發前在香港HSBC開左個HSBC 加拿大戶口, 好方便, 隨時可以由香港戶口過加紙去加拿大戶口, 不用收費, 但開依個戶口就收左我HK$800, 如果你香港HSBC用尊貴戶口的話, 好似連依HK$800開戶費都唔洗收。
1-2萬加紙, 以我經驗係絕對…. 唔夠
我黎到租屋, 好多業主都要你一次過俾一年租, 衰到有D係你唔肯既話, 睇都無得睇個單位… 你要考慮埋依方面既現金需要。
2） 租樓問題
如果到左先搵, 咁你打算最初住air bnb? Hotel?
我唸依家你至少要睇定你想住邊區? 大約咩價錢? 減少黎到搵既時間
3） 搬家當問題
我就咁兩個行李過黎, 寄運就真係答你唔到啊
4） 電話卡問題
都要既, 到達都要有data / 有電話先call到司機接你 XD
Thank you!!
因為入境個時有限到帶幾多現金，所以我都諗住開個戶口，到時個邊再禁加幣出黎～謝謝
租屋個度我打算租Scarborough 附近，因為近學校
我係安省都有親戚住，所以頭幾日可以係佢度住住先
多謝解答！
銀行：
可以用Citibank 將debit card 買野過數，一到步就開sin, 跟住開銀行戶口（要預約），我係香港開左hsbc one 黎到加拿大再開當地戶口，佢會睇你香港credit history 順便申請埋credit card, 另外我係黎加拿大前，係香港開定bmo 去到當地activate , 我係HK 巳將錢轉定入加拿大戶口，呢個你可自行決定。
租金：
租住Airbnb 黎到再搵租盤，隔山租屋有風險，你未睇過間屋如果一租租成年想甩身都難，如果有朋友睇定先都可以既，同埋而家租condo 要簽定一年期票，個租務市場太多人爭
電話卡：
係香港買張可以用加拿大data 先，可以先用住黎上網，跟住就可去開電話，呢度一登記開左就即用
搬家當，我見啲人話用七海
我無用唔清楚，你入下啲移民WhatsApp group telegram group 了解下，仲有Facebook group
請問有無人知Halton region如何? 我到步落腳會住North York,但為了學校諗緊搬去Oakville.
Hamilton? 好遠唔熟呢區