同意…
同埋講到樓就係全部咁…
佢哋係咪有個term : 低慾望
早排風雲谷講呢啲都係全球現象
1個讚
搵到以下有關日本低慾望現象：
年輕的購房者人數逐年下降，大部分年輕人對於買車、買樓、結婚幾乎沒有興趣，宅文化盛行，一日三餐從簡。不婚、不生、不買，是日本年輕人普遍的狀態。經濟無法發展，是因為很多男人寧願永遠宅在家裏。目前日本宅男人數超過了150萬人，佔日本男性總數的3%，我無欲無求，你奈我何？
2015年，NHK日本電視台曾經報道了一個逆天宅男，化名真樹，整整27年沒有出門，只依靠電視、報紙等，媒體報導時，他已經已經43歲，可以稱得上是日本的宅神。
真樹只是日本宅男的一個典型代表，互聯網的高速發展創造了愈來愈多的宅神。
躺平又未去到宅嘅
我冇話一定要買樓，亦冇話樓價係合理。只係反駁番你個句要不吃不喝20年先買到樓，想表達既係而家首置好低其實唔難上車，上唔到vs覺得唔合理唔想上車係2回事。
唔買樓鐘意租樓既冇乜所謂，有d人投資好叻或唔睇好樓市咪唔買，亦有d人鐘意好自由搬屋每次轉工都搬一搬唔洗困死。個人選擇，冇話一定要買樓。
只係，樓主開post 講到後生躺平有d到中年要同父母住，如果每月既心意式家用並唔足以支持自己既水電煤洗費，其實變相係父母要貼錢支持成世。
躺平都需要成本，只要唔好將成本轉移俾其他人就ok了。咁當然如果父母有能力咁樣養成世的話成件事好perfect ,我都想。
2個讚
十隻手指有長短，明知佢唔掂仲同佢爭咩？
睇屋企，如果要計條數，都唔知幾多家用先cover到
基本水電煤咁比幾千
計埋喺屋企食飯錢要再幾千
計埋個房嘅費用一定要過萬，因為父母會同你講如果我將你個房出租都收起碼$6000-8000啦（仲有地段問題）
到你比得起一二萬家用，父母同你計咁多年供書教學連海外碩士費用（post個事主），咁就要比過二萬了
到你比到over二萬家用，又會同你計老人家有病有痛養老支出等等
所以冇得計，就算搬出去父母要計較一樣有排計，你成家立室負擔重父母要你比過萬家用都好多（我喺香港就係）
事主索性躺平被老人家貼
我冇話認同，我只係唏噓啫
另外case（離題嘅）係父母同個女計到足，要佢比過萬接近二萬家用，但對個細仔就幾千已經cover到，呢啲重男輕女家庭另人搖頭嘆息
我諗起有堆宅男娶初音，仲要註冊，排期去擺酒，請親朋戚友飲，呢啲社會笑中有淚
其實發達社會就係會咁，當90%財富都掌握係1%人手中，再努力都好都係唔會有得上位，不如輕鬆過日子，反而發展中國家d後生仔會諗盡辦法上位，有危先有機
4個讚
再講下家用及躺平關係
我讀得書所以個重擔喺我度，有時諗都有啲唔公平，係咪當初讀書唔成反而好啲？躺平啲比少啲家用？但好彩我同屋企關係幾好，嬲下就冇事
我老公讀書唔得搵得少，奶奶偏心晒其他兄弟姊妹，我估最後留比我老公嘅錢都會好少，一定唔會平分，奶奶一定會話其他仔女比家用多所以分少比我老公都好合理。但我作為一個外人睇都好唔公平：佢哋細個時明顯奶奶培育其他多過培育我老公好多，對我老公係極度放養，掉比其他親戚湊大，我老公讀書唔叻搵錢唔多但都比好多家用，又顧家，係咪唔公平先？
將我兩公婆cases一對比，你就發現根本冇得咁計，我老公就好似我啲讀書唔叻嘅兄弟姊妹咁，而我就好似佢啲讀得書嘅兄弟姊妹咁
而且我敢講90%父母都唔會承認自己偏心，會覺得自己後生時對仔女嘅培育一樣
我有好多朋友不婚不生育
我成日都覺得呢D都係躺平既一種
3個讚
講起家用，各人跟自己能力比就ok
a. 揾 10萬比3萬
b. 揾1萬比3千
以後我作為父母，我唔會覺 b 比得少過 a.
希望 a都唔好認為 b 比得少過自己，對屋企貢獻少過自己
心理上，我覺得 b 比得多過 a，a 知道肯定覺得偏心
但最好都係唔好比仔女之間知道大家比幾多用揾幾多
講唔清
啲細路實計住自己 physically 比左幾多錢，陪左幾多時間
2個讚
其實家用呢D野…把尺好難去計
每個仔女嘅負擔, 有冇大花同, 有冇自己好好理財 etc
環保
不過我覺得長同居就不如結埋婚
1個讚
係呀，所以事主呢種躺平生活靠屋企支持幾多亦冇得計得足
就算佢五六萬一個月佢比二萬做家用，屋企一樣可以話佢有排都未比得返咁多年養育同供書教學嘅成本
我都係咁覺得，一萬比三千直情生性啦
佢一出身比返家用, 比足幾十年…都應該差不多啦
如果講成本, 不如唔好生啦
佢地成個社會都比唔到年輕人希望，好恐怖
諗起第二個post講生幾多個，真係最多一個唔洗煩，其實兄弟姊妹心入面一定有比較，到時分身家一定更多心病。睇過多錢同少錢既家庭一樣爭，睇爭既程度only
4個讚
係囉，明明係好發達同埋都民主嘅社會
不過佢嘅文化都幾令年輕人窒息