講起換衫, 我女又係咁… 除咗一隻裇就走去搞吓其他嘢, 除埋另一隻裇又再搞第二樣嘢… 淨係除件衫都可以將一個過程斬件幾廿份去做
我老公都係, 一定係遺傳…
你識笑都仲好丫. 我真係會火滾. 自己攞黎辛苦.
感同身受 
佢識得咁樣答你其實佢都好醒喎
你呢個方法都好好, 我都會試下!
我幫我果個換, 換換下可以瞓咗係地碌黎碌去…
因為我已經火左好多年，佢依家高小都仲係咁，俾佢激到咩火都熄，半放棄狀態。我以前都好似你咁，做功課同溫書，食飯激到差點中風。
依家我會話叫就叫左，你無做要欠交就你既事，其實佢呢種人係對事物優先次序同我哋唔同，佢認為緊要同鐘意既一定記得做，相反讀書，食飯，執好自己野，佢認為無關痛癢就遊雲咁。
要到高小先熄火我都仲有排挨 
日日都咁好火我覺得自己老咗好多 
我都明白好氣憤又氣餒
但佢哋就係咁，明知佢唔係蠢，只係懶，k3時有一次教功課，激到我堅心臟痛，又唔打得仔，我自己行開去廁所/房到發洩下，深呼吸。
為左自己，唔影響佢條命就盡量隻眼開，隻眼閉。上到小一食飯會快啲，返學時間長，肚餓嘛。