我之前想買5 bedroom detach, 我老公都話鄰居見到我地返工廠但住靚區大屋實覺得怪。最後我地買左3 bedroom semi 就算，留多啲錢傍身
2個讚
香港人有錢、無錢都係會請工人、去日本、出街食飯。
好少見到真係成份糧要交租或供樓，有但少。
3個讚
非常同意
係有錢無錢都一定要去旅行
1個讚
其實都唔算誤差，我識有d人真係有錢得好誇張，而共通點就係佢哋父母甚至祖父母嗰代已經係有錢人，咁去英國嗰批就大部分起碼最少攞咗幾百萬過嚟都係好普遍嘅事
2個讚
我反而擔心啲英國人當香港人係烏克蘭難民
特別好多新一代英國人只知香港係中國一個地方。
有 1x歲小朋友問我香港係米係日本
其實英國人覺得香港人好有錢係好事，否則佢哋會覺得香港人好窮過嚟搶資源，攞福利又唔工作，我有時都要喺fb 留言同英國人澄清
3個讚
係，不過又唔使好有錢，只需要知道我地有比足錢同冇福利可搶就得
土豪唔使做，周圍買名牌。
咁多香港人去工廠做同要返工，啲本地人應該唔會覺得香港人好有錢的
如果人到中年，專業人士，連根拔嘅話，賣咗層樓，幾百萬應該有。
我話嘅誤差係：係香港嘅中産生活，係報導入面變咗 millionaire lifestyle
3個讚
香港人草根對上露出來個節草都可以有呢種生活了，再高啲個節，就可以一年去多兩次短旅行或者一次長旅行
香港人去旅行都食買玩，而非窮遊
去完外國住，更加覺得香港好多有錢人。
4個讚
香港人有錢主要因為炒樓賺到錢，外國d樓就真係用嚟住，唔係用嚟買賣賺錢
後生個代好多冇樓，冇幾層樓都成日去旅行，有工人
香港人工高，稅低。
老個代有幾層樓反而未必成日去旅行，使錢
3個讚
我識嘅白種人，無論係喺美國，定係喺歐洲，佢哋嘅生活方式都係：今朝有酒今朝醉, 儲錢為將來, 努力搵錢唔係佢哋杯茶。
可能佢哋嘅社會福利及保障一直都優於亞洲，所以冇需要。
3個讚
移民多數都係幾類人
1 賣樓後半退休生活: 計過數夠錢先半退休
2 專業人士有技能去外國生活
3 香港爭扎緊 係香港睇唔到𥌓光 去外國試一試
頭兩種外人睇都係有錢/中產，最尾一種咪唔有錢
不過香港本身就多有錢人，去一轉賣樓現場或者睇下啲名牌鋪幾多人排隊都要買就知。我唔覺得好多香港人去外國係做工廠。
1個讚
鄰居點會知你哋做工廠？我都唔知鄰居做乜。其實駛乜理人點睇，鍾意邊間屋咪買邊間
3個讚
google篇新聞 佢話 Often cash-rich, career-minded and well-educated, Hong Kongers have made a bee-line for the north west, settling in large numbers particularly in places like Trafford, attracted by its high-performing schools, and Stockport.
我覺得都有反映現實
2個讚
就算唔講炒樓，你睇返香港專業人士人工:
醫生，律師，醫護，老師，行行都高人工過外國，仲要稅低。其實啲錢真係好洗。
唔洗真係富豪，大把老一輩有樓，個仔女做專業人士，老一輩俾首期，都已經有好既生活啦。
但外國比較少呢啲老一輩幫下一代，讀書個陣見啲外國人讀大學已經自己搵錢交學費。
呢兩年去英國嘅香港人，如果要工作，白領同藍領邊樣多，我唔敢講。但香港人返工廠都唔等於冇錢開飯
如果full pay左樓，做工廠其實幾好，冇壓力準時收工，6至2時間好好使又湊到仔
3個讚
都係sterotype, 唔會無錢開飯，但對比其他，外人咪覺得比較無錢。
同意呀，所以我成日都話香港儲錢易過英國好多，人工高稅低，按揭又借得多，要上車其實唔難，係呢邊反而難