係好多。
啱去 city centre 都見 5,6個。本地人已經話呢區少，邊區 city centre好多
如果一間 supermarket 一日只有一車食物，我對捐出來嘅野夠全國窮人食用好有保留
我有同事話英國嘅窮人係政府製造出來，可能因為咁諗，所以佢地好冷漠。生活耐左，又理解佢地講乜。
不過見到始終唔舒服，有錢盡量幫下人，雖則自己都冇錢
同埋見得多，使自己錢買左 luxury嘢，會唔安樂。以前係香港真係未試過買完野有呢種感覺
2個讚
朱門酒肉臭
路有凍死骨
全世界都有，只差在比例
2個讚
呢個情況我都有，但我就自私點，係諗自己賺錢情況低咗好多，唔應該再亂fing錢
而我買嘅亦唔係咩luxury，只係買啲非必需品，例如買件tiramisu，買盒雪糕，都覺得唔係主糧，都唔好嘥幾磅買
我可能慳家過咗頭，但都好嘅，後生太大洗而家簡樸晒
連我老公頂我唔順，佢話冇細路，慳埋唔知比邊個，叫我唔洗慳到咁過份
2個讚
比係香港買嘅，一啲都唔luxury. 我而家嘅luxury已經用左 local 人 standard
其實用£10去飲杯咖啡，食個牛角包。不如比左£10餐廳門口個 homeless, 跟住用£4買杯珍珠奶茶比自己，咁樣更加舒服
1個讚
我喺呢邊只幫襯小店，同你一樣通常一杯咖啡加一件三文治，£8內
盡量比少少錢homeless叫做幫下忙
1個讚
有試過天寒地凍，響KFC 門口有個homeless
我地去左老麥買左杯啡同99p特價雞包比佢咋，雞包應該人人都啱食啦掛
錢就真係唔會比啦
1個讚
每次去supermarket就捐一樣野食。
如果 homeless睇落正常，唔似吸毒，就盡量比少少錢。一鎊半鎊
其實係香港時捐十零廿蚊都好平常
我諗我好長一段時間都做唔到咁一句全世界都一樣或者朱門酒肉臭咁冷漠。亦都唔想變成咁
講全世界一樣，同自己幫佢地冇沖突架
我地邊有資格做朱門呀，幫到少少就幫少少囉
做到都冇問題，可能咁先係真正融入。我見好多本地人都係咁
我見好多本地人聖誕節都有捐玩具，去慈善店捐錢，又未至於好冷漠嘅
咁當然有人會捐，又有啲人唔捐咁囉
我又唔覺d人好冷漠，可能區區唔同，因為返本地教會，佢地周不時都有捐玩具捐食飯捐衫之類，而教會自己又受緊人捐獻。我老公做英國慈善機構，佢話有唔少人會捐遺產。但當地朋友真係話唔好捐錢俾乞衣嗰啲，因為99%都係吸毒者，捐俾佢其實係買毒品，再加埋英國都有慈善團體其實搵笨的
其實全世界都有，即係d錢係咪真係落左去受眾度。
我都好認同無得話一家大細話要走就走，無錢真係點走呀大佬？黎到生活唔到，又捱唔到其實都幾不負責任，講真，如果唔係住近市中心，我強烈建議點都要考左個車牌先好過黎。買唔買車一回事，但至少多個選擇先。有車就好多工都可以做，至少做倉都可以揸車去先，呢度車費爆貴
3個讚
考車牌呢件事其實有啲尷尬嘅
呢期走嘅人好多都急，而同時間香港考牌又因為疫情停咗，所以就有批人卡住咗響度
2個讚
好明，我老公2021年都因為疫情被delay考車，好彩趕到走之前考到，如果唔係頂唔順，但其實真係強烈建議因為無車牌好多野都好kick
所以都回應返樓主嗰句，真係要有計劃，我明好心急想走但走唔到個心態，有時都無得話一句要走就走，錢真係好大因素
2個讚
錢真係可以解決好多嘢
人在異地，開源唔易，就節流架啦
會唔會佢其實唔係真係咁窮、我對有啲香港人講窮既定義有啲保留有啲就仲係咩工都揀唔落做、有啲覺得少左出街食、無咁多消費節目、去超市買嘢要睇價格價已經覺自己窮左、我聽到都俾唔到反應
我唔想再捐錢、由細捐到大、連讀書都有啲咩愛心麵包培養到覺得幫到人好開心、以前都知行政費貴但都仲有啲作為、真係傷透心
比起錢、我覺得捐食物更實際
2個讚
有樓賣應該唔算窮啦，同埋個爸爸係香港都算專業人士，應該揸住唔少來，而且2個仔咁大2公婆都可以工作，佢個問題唔係錢可以解決，係計劃得唔好，同冇了解清楚家人嘅狀況
2個讚
以我知佢人工同租金咁計，條數計唔到囉
當然未有工就真係用錢保守啲
咁已經係生活質素下降左啦，係窮先會咁
諗起就火滾，都吾知有幾多落到去d災民