又唔一定，睇個人肯唔肯做
我黎左一年大半，除買車買屋裝修，都叫冇使 savings
唔駛再交租已經好好多
講緊有啲人份糧係唔夠比生活開支，仲要係一家人果啲
好多香港人睇落係咁，未必係真，否則已經生活唔到
面個層同底個層又唔到，認真就輸
1個讚
可能佢full pay左層樓呢，冇左交租就輕鬆好多，又或者佢仲keep住香港份工出緊香港份糧，其實都唔少人係咁，唔止係IT行業
燒積蓄都有個期限，你朋友小朋友都小學？其實可以返part time, 或者等到5-6年班自己返學放學就可以兩個都返full time, 可能佢地已經計好左條數。
我就係知佢條數係點先咁講
租樓，一養三
之前就係話加租，我叫佢不如搬啦
佢太座好似未太融入生活咁
當然返到PT 會好啲
我明佢呀，我有親戚黎到都係咁，其實經濟係有壓力架，但佢就成日覺得未ready搵工，未適應生活咁。
我睇法係，搵到份工，有工返有水吹有糧出，就會慢慢適應生活架喇…
勸唔聽啊，我諗到經濟壓力再大啲嘅時候，佢就踏得出呢一步。
2個讚
我都識d太太應該可以搵work from home既工， 但完全吾想搵同又吾出去識朋友， 又吾學車
1個讚
去到呢一步就辛苦了
- 人哋人工少一半，可能都仍然係好多，夠普通生活。
- 英國養小朋友平過香港。一來學費食物平，二來好多工可以wfh，好多工可以返半日，三來壓力細。你要讀私學去補習就貴，但he養小朋友ok嘅，本地人窮起上嚟， 小朋友無飯食都得。
- 有啲人有被動收入又唔話你知
- 有人積蓄真係好多
- 真係窮嘅會雙職。英國多托兒服務，雙職無咁辛苦。有朋友兩公婆返酒店工shift，夾到每人shift錯開湊仔
2個讚
可能佢錢夠多唔話你知，唔洗搵工
我成日都覺得未 ready, 但我一直有返工
經常覺得應該要抖下，但又唔抖
有人唔肯拎起，有人唔肯放低
心態其實一樣
唔係話貴到離地咩？
佢係開到口話窄窄地嘅
真係多就應該買左樓
一星期£300，自己湊返好過，除非人工超高
咁應該揾返有 breakfast club, afternoon club 個啲學校。但生太多都唔化算
我聽有香港人收£250一星期，湊兩個
咁佢有冇後悔？有冇覺得生活唔到？
可能佢咬緊積蓄，捱完5年返香港呢
有平有貴。運動興趣班平過香港私人機構150蚊一小時，但貴過香港ymca咁。但佢哋無論技術同愛心質素都超高，求其一個興趣班都教得好好。
上門托兒貴
私人湊？呢邊做baby sitter都有Ｄ要求唔係係人都做得