我認同你諗法
未夠班真係一個事實
你都只係指出佢哋唱歌走音跳舞甩bit
其他人搵Twins比較真係好無謂，因為係人都知道twins 係英皇捧出來啲垃圾偶像組合
但如果collar 嘅定位係全民造星冠軍組合係賣實力嘅，咁對佢哋有要求，攞新人獎冠軍嘅台上Performance都真係唔應該走晒音
可以講話同情佢哋嘅遭遇，亦都可以承認佢哋唔夠時間練習，又或者可以話佢哋第一次表演未夠經驗係需要多啲時間
但唔可以因為咁就盲撐，唔俾人話佢哋未夠standard
6個讚
我都係非Collar fans，但對跳舞好有要求
(做得跳唱組合，唔跳得真係唔合格，至少阿Jer和Ian都進步好多，Mirror真係齊咗)，Collar真心跳得(除咗Candy和Ivy…)，琴晚成隊算跳得好好，我覺得起碼係香港最好嘅女團。
9個讚
係囉，我估唔到佢哋要用twins來比較
我覺得表現又未至於係好好，不過絕對唔算差囉，call my name首歌本身難聽，點唱都係難聽㗎喇好老實…但係OFF/ON 真係幾好睇，唱功係有待改進，但係成個表演叫做合格啦
4個讚
琴晚我都有朋友講，話覺得佢有情緒問題，無情緒病嘅話就係attention seeker，話可能娛樂圈幻得幻失…不過，最基本都唔好咁肥啦，咁肥始終唔健康。
1個讚
因為佢本身都真係好唔健康，佢瘦係因為佢完全唔食嘢咁樣，花姐都有講過佢啲減肥方法係超變態，係幾日唔食嘢嗰隻
佢一有情緒問題，就應該會好放縱自己食嘢，本身一路唔食嘢嘅人突然間爆食，就會即刻漲得好快，於是見到自己肥咗，照鏡嘅時候又會冇咗自信覺得唔開心，又會走去食嘢，一個循環咁
我開頭都冇留意佢㗎…係有一次喺chill club聽到佢唱鬼滅首“炎” 嗰下簡直係驚為天人！跟住先開始搵佢啲歌聽
1個讚
我係由幾年前睇叱咤仲喺度鬧個電視邊個係姜濤邊個係陳蕾，
之後先發現自己嘅無知開始不停Google 睇live performance
之後係睇 chill club 翻唱 Dear Fiona 深深打動咗我
2個讚
我都好認同你咁講，如果情況係真，真係一個惡性循環希望佢解決到，呢啲要自己才幫到自己。
之前睇過佢話唔鍾意做gym，Ian嗰時開gym，有叫佢做，但佢覺得打籃球就係運動，腳傷無得打籃球係原因，但都要健康飲食+運動，再唔係就生酮。
1個讚
因為你 get 錯的意思，我意思係新人唔
使唔使咁 harsh 如果佢地幽道左十年都
仲係咁就抵鬥，始終實戰經驗小不能要
求佢地百分百唔會出錯。
佢地講咩？
每次出事後團訪，大家都話佢好硬頸，唔開心又收埋自己，message 都唔覆。同佢細個無朋友，俾人笑有關，所以佢有情緒病都唔出奇。外間亦對佢太多關注，鐘意唔鐘意佢嘅對佢嚟講都係壓力。喺呢一行想長久，真係要識得自己搵出口，但我覺得佢出鏡中鏡嘅時候，情緒上已經比之前有進步。
雪雪有啲勞氣咁話唔知姜唱乜，跟住Jan有啲似驚佢亂講野俾人鬧，似㩒住雪雪唔好再發表，Jan之後話基本上姜係嗌咗幾句，就好似同人拜年咁，同埋話姜肥咗之類，你可以搵來聽下，因我唔見咗條link share唔到俾你…始終每個人觀感都可以好唔同，但我和睇到嘅comment，都係覺得係話緊姜唔知搞乜，同埋覺得雪雪意見幾中肯，唔係盲粉之類。
2個讚
佢係幾似有情緒病，同埋做明星好似都好容易有情緒問題(不過其實香港人或現代人都易有…
)。
琴晚睇吒咜得獎感言，大部分都有話自己試過好迷失之類，比較深刻係Jay Fung等咗11年去紅館開show，要focus on自己鍾意做嘅野，唔好理人點諗，我相信佢都經歷過唔少問題，同埋泳兒(本身我麻麻地佢)，佢努力咗17年先首次拎到叱咜獎嘅肯定。所以更加希望姜佢要幫到自己排解，演出機會要好好珍惜，先至配得有咁多人去支持，佢琴晚演出係交唔到功課…
2個讚
我就去到最後先睇到電視，見到唱我最喜愛歌曲時有段時間背台唱。唔知背左台幾耐，但佢都幾特別，個個恨上既台佢比個背人睇。
總有盲目嘅fans唔肯接受自己偶像仲有改善空間
4個讚
KT真係得返姜糖諗下點樣糾正佢，令佢正視返自己目前能力嘅問題。一係就訓練多d提升自己技術，一係就揀返自己handle到嘅歌唱。
我哋呢d算不上粉嘅好感路人講就會俾人話係中傷，唔識得欣賞
蒙著嘴個年我真係由唔識佢慢慢睇訪問學習欣賞佢，同事講起都仲會講解兩句，但之後就真係幫唔落口
2個讚
嘩咩事呀你？一入來第一個回應就舉哂中指咁唔得㗎喎
1個讚
睇得出…
最近係咪覺得個人越來越精神？
我都勁怕聽Jeremy唱歌，好銀耳，但叱吒佢真係爭番啖氣，我唔係fans都好開心佢有做足準備上個台，直情睇到眼濕濕。
AK 其實都算五音不全，佢唱歌都係好恐怖但依家跟到無走音啱番節奏，睇得出有努力改進！ 希望有一日我會覺得係好聽（我個人係鍾意佢架！好型！好有義氣！）
我都唔係要求佢地個個都係唱得，但至少團歌唔好咁難聽！咁多時間都唔練好歌，真心講唔通！尤其有啲本身機會已經少，無咩時間曬落去。
勁希望佢地好似Smap,個個人都可以有自己方向，大家都搵到食
4個讚