如果一齊中左就無辦法， 但如果可以避免我都唔想小朋友病， 正如上面有人講， 就算平時普通傷風感冒都盡量唔想惹到小朋友架
其實爸爸未必係咁樣諗，正常人病咗都會有啲徬徨唔開心唔知點算，都想自己終身伴侶會關心吓自己，唔想入隔離營，點解反而老婆要覺得唔開心。
如果呢個時候個老婆淨係緊張會唔會去隔離營同會唔會傳染俾小朋友其實真係有啲冷漠。
如果掉返轉，我老公咁樣對我，就算我幾愛自己小朋友我都會覺得好唔開心
其實好多夫妻都成日忽略一樣嘢，小朋友係大家相愛嘅結晶品，一個健康家庭嘅重心永遠都係對方嘅伴侶，同大家嘅愛。將個重心擺喺個小朋友到而忽略咗對方，咁樣唔係對小朋友好同健康。
3個讚
好彩唔嚴重
咁小朋友日日有返學，日日都見咁多人， 我又唔覺得會好乾淨， 但只係唔想明知有風險時，都唔避下者
無錯，平日都要做多d 運動
係， 人人症狀唔同， 謝分享你既經驗， 希望你小朋友身體健康
如果我地屋企小朋友中先， 我反而無咁擔心， 因為我唔怕俾佢惹到我。
咁係咪無發燒？ 希望你地一家做d 好番， 身體健康
自己病仲要照顧小朋友真係好辛苦， 加油， 希望你地一家快d 好番， 身體健康
最L 自私仆街咪你祖國囉，整d 咁嘅病毒出嚟累人累物。
如果你講緊我， 我諗我老公係咁諗， 因為我老公咁多年黎， 佢都係一個唔識照顧人既人， 咁多年黎， 我病時，佢完全無照顧過我， 我仲要病住照顧小朋友同做家務， 完全唔會諗住幫輕我去照顧下小朋友
我可以話俾你聽， 我唔怕入隔離營， 如果中個個係我，我上面都有講過， 我會選擇自己入營， 因為我唔想傳染俾我愛既伴侶同小朋友， 我想佢地身體健康， 我諗每個人對愛既睇法都唔同。
如果好似你咁講， 如果我不幸俾我老公傳染左， 我係咪應該覺得唔開心， 覺得佢唔諗下我， 覺得佢好冷漠？ 要覺得佢其實唔關心我？要我病住仲要照顧佢同小朋友， 同做家務？我需要咁樣諗野嗎？
重心係伴侶身上係o岩， 但係一個家庭由決定要小朋友個一刻， 其實都要知道，事實與幻想永遠都係唔同， 事實一定會將一定程度既注意力分散左去小朋友度， 呢個係大家對 要小朋友呢一個決定 要負嘅責任， 咁先係一對負責任既父母， 如果生完個小朋友， 只日日淨係諗住點樣同伴侶拍拖， 將小朋友交俾人照顧， 咁樣係有責任感既父母嗎？ 唔通我要日日諗住點解老公唔好似以前拍拖咁成日陪住我？ 唔通我要諗點解佢要成日用左d 心思去左個小朋友度？唔再幾重心放係我度？ 我諗成熟既人都會諗到， 小朋友其實好快大， 佢地大個左，你想理佢， 佢都未必俾你去理， 到時你要伴侶既注意力就會全部返番哂你度啦。
其實發生緊，我前排感冒仲辛苦過Covid. 醫生就係話過往兩年長帶口罩，中間無感冒身體少產生抗體，所以會咁。而家寧可長期唔帶口罩，小病是福。
如果想真係對方永遠中心係自己度， 就當初就唔應該決定要小朋友啦， 咁注意力就唔會分散左， 而且人生有唔同 階段， 唔通伴侶既父母老左要人幫手照顧，咁可能當時注意力都會放左去父母度， 咁樣又對成個家庭又唔健康？
希望你快d 好番，身體健康
就係個個睇法、角度都唔同，所以大家反應都唔同。其實入唔入，都無分對與錯，亦係佢嘅自由選擇。
1個讚
岩呀 , 你岩呀
係呀， 所以我上面都有講， 就算我擔心， 我老公最後都係無入到營， 而且我都有照顧佢。
我係佢覆呢個之前， 已經係樓上係另一個post 講左
但我係唔明點解佢會覺得佢清楚我老公，多過我清楚我老公囉
睇得出你夫妻生活不如意
兩樣嘢啦，同樓上comment一樣，你自己熱愛隔離營，唔代表人人都想去
老公唔想去隔離營，點解要唔開心
第二係呢個世界唔係淨係1同0。點解家庭嘅重心喺伴侶度就等於掉低小朋友唔照顧小朋友？
父母互相關心同關愛，先可以教識小朋友點樣去愛同尊重自己嘅父母。父母嘅婚姻健康，先可以俾到小朋友安全感。
我自己就係生於一個咁樣嘅家庭，到我而家有小朋友，我同老公都仲係會互相欣賞體諒對方，小朋友都係我哋親力親為照顧。
我之前講嘅所有嘢，主要都係強調返夫妻先係一個家庭嘅關鍵，成日都有好多怨婦為好小事喺度指責自己個老公，日積月累到要離婚，小朋友都已經長大要離開自己，望返轉頭其實都係自己造成。
你啱聽就聽，唔啱聽你咪繼續囉。
1個讚
你其實好得意， 你點解成日好似將自己覺得既野套係人地身上？仲覺得自己了解人地多過人地自身清楚自己家庭？
我同我老公關係好好， 呢幾日佢仲好多謝我照顧佢
你有無睇清楚熱愛隔離營個個唔係我， 人地 comment 個個亦唔係我， 你睇清楚先啦， 唔該， 你講野話人之前睇清楚先啦， 唔該
我要講既野我係上面已經講左， 唔想再重複太多，父母嘅婚姻健康，俾到小朋友安全感， 呢個一定係， 但對父母對小朋友既關注，都係小朋友安全感嘅重要來源。
我識我老公時，佢已經係一個唔識照顧人嘅人， 呢個我一早就知道， 所以我從來無埋怨過佢，因為我嫁佢個一刻我已經知道佢係咁， 而且佢有我值得欣賞既優點， 但我唔需要話俾你知
其實係你自己講到佢咁不堪，唔係我主動估。
至於樓上comment ，我係講緊人人對隔離營都有唔同睇法，唔想入隔離營信唔過隔離營，唔代表冇諗過自己老婆仔女
我再重申我嘅重點係唔好第一件事就考慮
小朋友而忽略夫妻關係同互相體諒尊重。你就不停拉埋其他嘢講話掛住拍拖掉低小朋友又話照顧長輩點樣夫妻關係行先。
所以是但啦，我哋都溝通唔到。你鍾意點就點，我唔覆喇。
可能你覺得佢不堪， 但我唔覺得， 而且我係上面已經講左佢有我值得欣賞既優點， 我兩公婆既野，我欣賞佢咪得囉， 關你咩事？
因為我同你諗法唔同， 所以我嘗試理解你講嘅野， 同你嘅諗法， 所以試下套你嘅諗法入d 事例度囉。
呢樣我同意
愛小朋友但要更愛伴侶呢個真既，因為無佢就無細果個，無論係爸爸定媽媽都係
要平衡
1個讚
係呀， 如果你講緊成個人生，同長遠緊係o岩同無錯啦
但而家係討論緊一件事， 係老公病左， 媽媽擔心惹到小朋友呢件事， 佢咁樣就覺得係重心去左小朋友度， 咁我就唔認同囉