我哋上年個女喺小學中先，唔隔離佢，自己同細女一定中硬，困佢自己喺房我真係做唔出。
多謝分享
多謝分享， 太好啦
請問你隔離時， 係一個人係房定點？
我老公而家佢全屋走
唔使太擔心，我中咗瞓一日冇事，只係好攰，鼻水都冇
祝福你哋
1個讚
如果係我小朋友中， 我都會陪住佢， 照顧佢， 因為佢唔識照顧自己， 如果咁樣惹到我， 我完全會接受。
1個讚
多謝
咁啱嘅，媽咪一定會咁諗
1個讚
錦就唔自律了。我真係自己係房，垃圾袋放係房入面裝我d垃圾，老公把飯送食物放係門外通知我開門拎。d藥呀，探熱，檢測包等預先拎曬入房。總之盡量唔會出房門口，仲不時用漂白水清潔間房。
但其他家人係我房外係自由活動，唔帶罩，係得我帶。
1個讚
擔心中招後遺症不如擔心打咗針後果d後遺症仲好。
我上月中咗，重感冒燒到40度，無針
大仔高燒39度2日，無任何感冒病徵，無針
細仔5日後先陽，高燒39度2日，都係無任何病徵，無針
老婆燒5日，感冒病徵，無針
最辛苦就係小朋友仲精神過大人，但大人病到死死吓。
仲有就係果時仲要隔離14日，細仔由係親密接觸者，到確診，足足留係屋企19日。成個月學費白交。
2個讚
你處理得好好
係呀，所以我同小朋友都係無針
我想問下你d 小朋友無任何感冒病徵，淨係發燒， 咁佢其實有無表現唔舒服？ 定係其實好生猛？
一齊中，互相照顧係比一個人面對好
2個讚
我女無打
我有2個朋友個仔都無打
5日內陰
早訓
飲水，食藥，基本上生猛到不得了
食得訓得
係頭一兩日較攰，之後就無野
最緊要訓教休息維他命c益生菌
避得去邊？一家人
我中過2次，仍然健康快樂
我中2次都被我2個仔嫌棄，直頭覺得我拖累佢地正常生活 令佢地要隔離 埋怨憤言
雖然佢地仲細唔明白親情，但我2次都真係好傷心。就算我父母願意照顧我但我都知道佢地好驚，anyway1家6口都麻木了… 一屋3層，每天一齊食飯，雖然6個有4個但全都響不同時期中過晒，所以我唔覺得同住係必然走唔甩
睇返轉頭，當然果時大眾都對呢個病好驚又怕，所以。。。唉。。。算啦，而家。。。其實都3年啦仲唔化嗎？
最近到我爸80歲都中埋，連大仔都中左，
分別響佢地差唔多好返晒時，仍然2條線 （好弱好弱既T 線）我地都有同屋食飯（佢地響open kitchen 食，我地響dining room食）so far 未中過既都無中
Take it easy 中左都無咩大不了
2個讚
可能你老公會照顧你。但係我家中， 如果一齊中， 只有我做照顧人個角色， 要照顧自己之餘要照顧小朋友， 仲要照顧埋老公，佢唔識照顧人， 咁多年黎， 如果我病，都係自己照顧自己仲要病住做家務同照顧小朋友
呢樣真，我2個小朋友（無針）係中招頭兩日有燒有嘔，到第三日一退燒就生龍活虎，好似咩都無發生過咁，難為我同爸爸病到暈陀陀仲要應付佢
人人都唔同
我爸打左4針 four hing 80歲， 只係頭1日發燒，然後日日都精神奕奕，食飯仲多過平日，仲響房做連運動，7日轉陰，好返連咳都無聲
我媽，3針four hing, 70歲，訓左1日，然後每日正常響房打機上網，只係一直低燒，5日轉陰，事後睇政府中醫跟返d咳，健康快樂
我仔，3針 復必泰，完成正常人1個，唔覺得佢有病，但今日第7日未轉陰
我，2針復必泰，中過2次
第1次完全唔知，當時時勢亂，檢測13日後先收到sms話我中左，笑左
第2次中左，發燒，喉嚨痛，咳，流鼻水，但就係平常感冒一樣，無特別，我仲可以WFH…好返睇左中醫2次，收晒咳同氣管敏感
唉，除咗高燒，仲食得玩得，生猛到互搶玩具，最後比佢地看電視同打機，等大人可以休息吓。
1個讚
我先中，但早幾日已唔妥睇醫生仲話好輕微感冒，下午先驗到兩條，預左家人會中，第2日老公中，我同佢打左3針，就病左3日，狂訓，兩仔隔一日中，小學，冇針，發燒一晚，冇咳冇事，佢地最開心放假打機睇電視，我兩公婆咳耐d。第4，5日已一條線出關。
我兩個小朋友中，有發燒同好攰，平時明明唔訓晏覺，個兩日自己走去訓覺
只係兩日就冇事喇，發燒不停39度唔識退燒，我都係幫佢地沖涼同食退燒藥，唔好著咁厚衫等佢哋自己好
同埋預佢地冇咩胃口囉，由佢，自己放寬心，佢想食就食，想訓就訓
我老公中個時我都寧願佢留係屋企自己照顧，佢中個時我地冇分房訓，但有帶口罩，分開食飯，我同兩個小朋友都冇中，係後來過左一段時間，我大個個小朋友中左，然後就惹到我哋
後遺症我諗係好返後有一排好易咳啦，喉嚨痕，但而家都冇野喇
所以放鬆啲，我都係唯一照顧者，明白你嘅擔心，不過其實都係咁過，如果真係中左就做少啲家務，盡量俾自己早訓，我個時冇得抖，唯有同小朋友一齊早訓，我自己都用左6-7日先好哂
1個讚