罷工一年
各有各食仲開心
開心就冇問題,而家個問題係唔理煮嗰個人嘅感受,唔care原來有熱辣辣嘅食物等緊佢(當然佢鍾意食凍左嘅飯、人哋食剩左嘅餸就另計啦)。一係講明自己煮自己食,唔好阻住人哋開飯,而唔係咁嘅態度。
真係要搬出黎先會明,或者結婚之後就會明
好討厭咁樣,嘢食煮出嚟即食先好味.成日都嬲到想車晒去垃圾桶
我知道佢有嘢做,所以已經同佢講定幾時開飯. 我亦都明白有時候想做埋手未先.
將心比己, 我自己做嘢嘅時候,都係咁.
所以唯有嘅折衷方法,盡量減少煮飯, 無謂唔開心.
如果有嘢做,都可以體諒.我屋企嗰三仔爺只係睇電視同埋打機 不過近幾次屌過鑊勁嘅就好少少
佢就真係做嘢。開始做嘢就會冇睇時間,我可以理解,但係一樣會谷氣。咁就不如出去食。
夫妻最緊要有心去理解對方感受,咁先長久谷氣就出去食啦,大家放假先煮飯仔。
我屋企真係會好睇重一齊食嘢嘅時間,呀女已經受教,唔齊人佢會問點解,再了解下成件事係點。
一家人食飯凝聚力就算餐餐同一碟餸,幸福快樂
我嘅諗法同你一模一樣。我無論點都會返屋企一齊食飯。
大人更加冇得勉強
真係唔係人人鐘意成日食住家飯,又有啲人覺得係屋企想幾時食就幾時食。有啲又鍾意望住電視機食飯
300% 認同
煮到咁受委屈,各有各食
煮個個覺得偉大,煮乜都要食,煮飯睇心情,就自己方便
各有各食咪唔駛大家辛苦
望住電視都仲好d
起碼大家一齊食飯都係睇緊同一部電視
都可以討論下電視, 仲叫做有少少互動
我屋企直情係有人一路食一路碌手機添
係拎碗飯坐開對住部電視食。
有,打機,碌手機。唔比嘅話,佢一樣可以 5mins食完飯走去玩.
teenager 好難控制,干脆一路食一路睇佢玩乜鬼
講開呢樣野
有時如果食果個人自己刻意改變本來果碟餸既味道
我都會覺得有d 唔高興
eg 試過整壽喜燒, 味道係偏甜既, 就算出去買既枝裝醬汁都係甜少少
然後有人嫌個醬汁係甜既根本送唔到飯
自己拎豉油呀辣椒撈飯食
我覺得好無癮
呢啲全部有發生
加鼓油,茄汁,沙律醬,冷麵汁。。。
我心諗咁唔使調味啦
係呀,當一齊食飯係一件辛苦嘅事,就唔好一齊食飯啦,何苦呢,有一個家庭成員覺得一齊食係咁苦嘅話,一齊食都冇意思啦,成件事down grade曬,變左下欄嘢,得返委屈同勞嘈。
媽咪煮飯比我食,我會問佢攰唔攰、辛唔辛苦,佢話自己好享受,我哋會多謝佢嘅付出,一開飯自動埋位,個個食得好滋味。
老公煮嘢比我哋食,我又係好開心,會講多謝,佢又會好開心。
呀女煮嘢就更加啦,大家會好雀躍,好支持。
我好睇重家人之間嘅關係,我希望下一代都識得珍惜大家可以一齊相處嘅時間。其實我煮嘅嘢普普通通,但屋企人又會食得好滋味,我唔覺得煮嘢特別偉大,有能力煮係件美事。講到底,煮咩食咩只係表面嘢,個凝聚力先係重點。
係呀,都會有Lee個情況,我接受到,即係表示嗰碟嘢唔係好啱大家口味,我會諗佢哋唔想浪費唯有用自己方法令佢易d入口我唔係大廚,食曬唔嘥嘢已經好好