其實上面仲有好多家長講到其他徵狀出嚟嘅，呢兩點只係其中一個徵狀～
我仔好早講野，歲半已經講到中英詞彙，不過七歲老師發現有問題去check, 亞氏保加，而家叫ASD.
而家已經高中，朋友亦有好多，智能資優，但由於自閉症有啲方面佢無法理解其他人想法或者表情，同人相處都係有問題，同時好敏感包括聲音敏感，所以人多佢一定帶headphone個人先冷靜到。
每年開學頭兩星期老師就會發現，每次都係交比心理學家同老師傾，年年都係咁
好在佢無影響人，只係有時上堂問野離題兼唔識停，所以學校好包容。
1個讚
經過多年經歷，對於我來講叫自閉又好，叫過動又好乜都無所謂，總之行為有影響到生活就處理，無就唔理佢。同時，理解佢既行為減少衝突。
例如親朋食飯我仔長期帶headphone , 會話我唔識教仔，個仔唔尊重人之類，但事實係多人環境佢會極度不安，情緒好差。呢啲比人話無家教既說話我就吞晒佢啦。
對大部分人嚟講，解釋佢係有自閉譜系，係無人明，所以無謂多講。
A仔媽媽最重要練成強大心理質素，自己睇多啲資料，無導師比媽媽更了解小朋友，而即使係A 仔，每個都係獨特，用不同方法去引導。
11個讚
我下年2月預產期，驚細b第時有可能有呢啲病，買保險會唔會保呢？
有懷疑可以同學校溝通，幼稚園老師，駐校社工可以畀意見。
協康會有快速評估4千幾，排期2個月左右好快就有得做。
喺度問不如搵專業人士尋求意見。
我仔最近都做咗，有懷疑就唔好慳喇，服務都要排期，輕症等到校服務同政府詳細評估，都差不多半至1年，早d做早d排。
自閉症重症一早發現到，正常未返學就意識到要去做評估。
至於返學後先察覺嘅輕症的話，其實唔係咩大問題，參加1年密集訓練大部分都會好大進步的。就算唔特別搞，喺屋企人加油學習引導小朋友都會有效。
自閉症光譜好闊嘅，人人情況唔同，問人係好難會有答案。
最後，其實光譜入面大部分正常智力都會長大成人（例如我嘅家人朋友都已經3x歲），走自己嘅路，不用擔心。
6個讚
保險好似無
每個做父母都希望小朋友健康聰明伶俐，但世事難料，即使擇時辰開刀都難保一生風調雨順。
擔心得幾多？
而且有又如何？只要找到相處方式，一樣開心快活，只不過同其他人唔同，但一樣愉快。
2個讚
Elon Mask 自己都承認係亞氏保加， 即 ASD一種。
到時有懷疑咪去機構評估,都未出世唔駛驚住嘅
自閉症譜系好闊，社交障礙、專注力不足、高智力障礙等等，發現得愈早做行為治療愈有效，輕微自閉症經過治療後，好多可以完全正常學習生活，但如果唔理佢可能會愈來愈嚴重
父母睇自己仔女通常有盲點，輕微自閉症冇咁易察覺到
有啲輕症小朋友對某啲事物好堅捋，例如玩遊戲時完全唔理遊戲規則，玩uno係要好堅持同一數字/顏色疊埋一疊，父母可能只覺得佢搞搞震好煩未必alert到
見過有個嚴重自閉，佢睇地圖對街道名可以過目不忘，只係呢方面記憶力好驚人，但唔可以正常學硩
樓主搵專業人士做評估。就算真係係，黃金期介入幫助好大。
我囡囡歲半唔講嘢，無眼神接觸。私家醫生話似係叫我快啲搵評估。健康院反而話我over react ，最後我囡去私家評估係。由未夠兩歲開始我安排訓練，收工就係同佢做家居訓練同搵辦法幫佢cope with d anxiety 。佢下個月就4歲，雖然同同齡小朋友有少少距離，但起碼佢本人好有想自己進步既心。同埋好信任我同我一齊explore 世界。
3個讚
唔明，點樣整合埋就跌watt? 有冇例子分享下？
其實保險fd教落做呢類檢查前要去買危疾先, 否則中咗就好難買, 上10lixx睇下就知
我最近聽到一個音樂人訪問，佢講佢成長嘅過程，我聽完就覺得其實個人好有A仔特質。不過啲主持人係咁讚佢好叻仔。聽完我就諗其實自閉症聽落好驚，但其實家長有好培育方法，再加埋人生際遇，其實都係可以同其他普通人一樣
即使有或無自閉症，每一個人都係獨特，即使資優亦有不同能力，我見過twice exceptional 即自閉加資優，語言資優自學加父母栽培，高中已學懂中英德法，西班牙及拉丁文，學習能力上成績好好。
但一個人成功與否講求際遇，及最重要懂得與人相處，靈活變通，A仔呢種能力好弱，所以好多時係高分低能。
不過假如將來選擇做研究，少與人交際工作，亦未嘗不可。
史上亦有不少高分低能又事業成功既人，跌唔跌watt 睇你點睇。
2個讚
可能只係speech delay…可以先試下言語治療?
可唔可以分享下呢方面？想問下係咩anxiety 同咩方法，謝謝
俾唔到太多例子你，我小朋友搵 OT 做咗個評估，佢 post 係 OT1 在政府工作的話佢收入係總薪級表第25至33A點，咁有經驗都搵唔到原因點解我小朋友會有呢個情況，仲話搵咗好多行家傾過開過會咁，都無人知點解會咁，最後經論係感統問題
佢情況就係書寫好慢，但大部份細分的評估都係超出同齡小朋友半個至一個SD，正常範圍同多過一個SD的都有 d
再簡單 d 咁講，ASD 患者的能力就像一個簡單的程式碼，只要輸入數據就有指定的輸出
同一道理正常人的能力就像 AI 的程式碼，輸入數據之後就有不同的輸出，而且當中存在 bias，相反 ASD 患者對住 bias 會變得無所適從
1個讚
所以好多人對 A 仔有的誤會，正正係呢兩點，佢哋唔係無朋友，唔係唔識或唔會講嘢
相反我覺得 ASD 患者會更近 approach ASD 患者，因而成為朋友，我自己中學果時已經識落唔少有 ASD 的同學，唔單單係同性，仲有異性，結果 ASD 對界線有 d 模糊的情況，我同我小朋友都有一樣經歷，外面 d 人睇我哋同異性係男女朋友咁，實際上係無關係的，基本上係一 d 聯絡都無的朋友
我懷疑有唔少上晒報紙果 d 倫常慘案，當中的父母最少有其中一方係 ASD 患者嚟，真係會攪唔掂 d 關係 ga