但睇字已經感到佢有幾開心
我的鄰居應該比較冷漠 或者因為我新搬來唔太認識，只收到隔籬屋比既好細張聖誕咭，我都即刻走去買返張咭回俾佢！去到送朱古力或者蛋糕係咪應該平時有交談往來嘅交情呢？
我買定咋，人地送嚟，我起碼有得回
不過我冇包花紙
我係主動同我傾兩句個的送朱古力
hi 同 bye 個啲送卡
上年有英國人鄰居主動送農曆新年卡，好彩我有利是封。否則買唔切回返比人
1個讚
話說我搬左黎呢度幾個月,臨入伙住之前,前後左右都攝左卡去佢地信箱(10張咁上下),結果有兩個回覆同一扎花,都覺得冷淡,因為舊居嗰邊送十張有十張回覆。
不過住左一排,佢地見到我都有打招呼,有d會主動同我地講野。
諗諗下聖誕都係一年一次,最後都買左朱古力比主動同我地講野既鄰居,佢地收到都開心架。順便傾兩句,起碼知佢地點稱呼都好。
我都派左十幾張，得1個回聖誕卡咋
應該要回都回左啦
1個讚
Well, 仲有聽日同正日,一日未到聖誕,都仲會有機會收到
其實唔回對我黎講無乜所謂,我只係想知佢地叫乜名,有時佢口講同真實串法同我想像中既唔同
我就係未知，加上我有面盲唔係好認到人
其實係英國如果唔係同佢哋熟就送禮，佢哋會覺得你太熱情會感覺odd, 佢哋本身同唔熟嘅人都唔會送禮，英國人其實係好低調，甚至好多時係表面嘅偽善，想同外來種族保持距離，反而如果唔係當地英國人係其他國籍就會接受其他種族多啲
所以我寫張卡咋
朱古力係回禮用
有些同感關於送禮感覺odd呢回事，上年住嗰度有位鄰居送聖誕咭俾我但我過咗聖誕先開信箱見到，當時諗過咗聖誕冇理由回聖誕咭俾人，我就去馬莎買咗盒朱古力俾佢，當我敲門送禮嘅時候feel到佢係odd嘅，佢係本地人, 本來想送埋比另一邊嘅本地人鄰居都打消念頭了
我都覺得有些 odd的，所以只限比平時有互相打招呼的鄰居。
不過最熟果個鄰居，會定期互相作客做左朋友，就係咁由 odd開始。
所以我也不否定太太的 over熱情，可能只係誰先走第一步來發展友誼，至於能否成為好朋友則要相處耐左先知。
2個讚
要啲時間，都係覺得老人家好啲
我覺得佢地都怕收厚禮 (心意 / 價錢 )，一般普通送啲3幾鎊朱古力算
或者平時炒餸炒多少少請佢地食算，唔會特登整野比佢地
講開聖誕卡，我中左伏。
因為小朋友寫得多，我就買左超市貨仔比佢地，竟然全部都係MIC!
唔寫都寫左，激死！
Er…我響card factory 見到慈善卡又平就買，我冇睇添
1個讚
今年算數，下年有時間再早啲睇定，交換情報。
1個讚
咁你今日再有冇收到聖誕卡呀，即係送出10幾張，得一張回，我一定會唔開心。我今日先收到早10日前送出比隔離鄰居回的聖誕卡，好開心。因為我以為我係咪得罪左佢唔回比我，我又諗多左。原來佢係今日一次過派俾鄰居
我今年冇派，反而香港人玩送嘢，我都要買返啲嘢比人
我分享下我的經驗
我哋前年住咗三個月，就第一年過聖誕節
鄰居一直都好好，會同我哋打招呼傾偈，每次都客氣話有咩需要就拍佢哋門
係平安夜，佢哋拍送咗兩大盒好靚好高水準又好好味嘅聖誕蛋糕
就咁目測覺得啲蛋糕好貴
我哋好驚唔知點回禮
後來我女就做咗餅個啲送俾佢哋，我就整咗啲日本小食請佢哋食，後來傾傾下，先知原來佢哋係開餅房
以後都唔敢整手作送俾佢哋
最驚喜係，佢哋係農曆新年，送咗張賀卡俾我哋，祝我哋Happy Chinese New Year，真係好開心
我哋搬走，今年都有送朱古力俾佢哋（其實係隔幾條街）
新居我so far收唔到卡或者禮物，不過我哋有送
感覺大家都係hi完就bye，好似好冷漠咁
1個讚