遲啲可以分享下長開 heat 嘅電費，等大家唔使咁擔心。
我聽過好幾個香港人為慳錢唔敢開 heat，有個話生凍瘡，有個話隻手指會冬到紫色
其實已經冇乜好野食，衫褲鞋襪都冇買少買。既然係咁，不如用啲錢交電費，唔好虐待自己，而且係一家人用到
8個讚
我都係咁話，雖然都有盡慳，但都慳唔到幾多所以都係兩公婆返工揾多啲錢仲實際
3個讚
官方建議係set 18度，溫度低人體會容易感染疾病，到時候都係辛苦自己，同埋開暖氣都會令間屋無咁易發霉，我諗無論租客或者業主都想間屋保持得好啲
3個讚
我見本地人都係分享自己開幾多個鍾 heat, 每日電費係幾多。咁樣會實際啲
等於係香港，林超英話自己間屋好涼，n 年冇開冷氣。除非冇錢交冷氣電費，否則有幾多香港人做到？
英國冬天好冬，政府今年比 energy咁加法又真係好有問題。對勤力返工嘅低收入人士係懲罰
1個讚
我都聽過話生凍瘡，搞出病來何必，仲要香港人凍吾慣，所以都要開暖氣㗎啦，唔好開咁長時間囉
2個讚
主要係放工放學開，同埋真係需要長開嘅時間都係兩至三個月。香港開冷氣都要長開半年。
重有另一個方法可以暖啲，就係打便爐。
開住爐食 1.5 hours 左右, 成間屋 ( 非開放式 )都暖哂, 人又熱。outdoor -2C 都好，indoor 3,4個鍾都唔使開 heat。
食埋辣醬，直程要去雪櫃揾汽水飲
但我唔肯定compare 開 3,4個鍾 heat 同開1.5 hours 左右打便爐電費係差幾多
真心香港人冬唔慣，以前去玩另計
開 heat, 細路都舒服啲
1個讚
應使則使囉，我屋企唔開heat其實唔凍，但都唔係暖。
瞓覺我有逼細路開少少暖氣呀，怕乾所以開大部放濕機。起碼我可以唔使成晚去睇佢地有無踢被，佢地有開窗，床又喺窗邊，露個肚腩出嚟吹親第日真係會肚仔痛架。
1個讚
outdoor -X C, indoor 唔冬，其實已經好保暖。
但同真係暖係兩回事，特別全日冇乜太陽個啲日子
啲細路又好似唔鍾意著衫咁，-1/2C 重只著一件薄長䄂走來走去，一係就呢入被唔肯出黎
其實部radiator 不是到某個溫度就自己著的嗎？除非關了 heat
另 plumber 提醒過不要關掉電熱板，頂多較最細，否則好易壞
較呢個
應該okay？
我係自己 set，如果 set到永遠低過室內 temp, 就唔會自己開。
1個讚
你通常set幾多度？
如果唔想佢開，我會 set 10C
開就 set 23 - 25C, 去到18C / 19C 就熄返佢
呢幾日負度，我入黑長開到差不多瞓，但暖左就較 20C。覺得有啲野發住熱，舒服啲
有諗過夜晚set 18C, 咁朝早可以早啲自己開定
但又怕佢太早半夜開
1個讚
咁有d人話屋內長期衡溫19度咪要全日開暖爐？
好呀！不過我屋企應該係用gas… 我自己都會比較一下用多咗幾多
1個讚
我見到呀，不過仲有一句，係老人或長期病患者
其實18度就真係"熱"咗d，我坐定定唔覺得寒，14-15就好
如果 heat set 19C, indoor 19C heat 應該係自動熄或者唔再發熱直至 indoor 跌低過 19C又再自動開返？
我試過set 19度，部機會長run因為而家室內溫度一定keep住低過19度，所以佢不停heat up
我暫時重係食 buffet, 開盡都係交£20 (扣埋gov allowace), 冇得分享。
睇單11月有開半個月乾衣同間中一早起身瞓覺前各開一個鍾 heat 就電煤£70左右 ( 未扣政府 allowance)
係呀，佢話關掉某個 radiator 好似跑車踩住油但唔俾去，會好易傷左個engine, 所以最小都要開雪花
此外，boiler 的thermostat 不要放廚房最熱或全屋最凍的地方（如我有個偏廳向西，真係特別凍過人），否則會唔準而令室內氣溫過熱過凍