承你貴言
先搬開後離婚，
你老爺係屋主，
你的確係無權去趕佢哋走。
依家打算下星期一問下阿女學校個社工先，幫阿女申請入宿先再打算
公屋有你名，如果小朋友跟你，分戶機會先會大，亦好快會比到屋你住／你可以留喺原本間屋，佢地要搬走。但因為個個情況唔同，結果就會唔同喇。
你嘅資料令我有少少安心，多謝你
你可以打電話去附近嘅明愛綜合家庭服務中心約見社工，一個星期內可以見到社工，同社工講你嘅情況，一定可以幫到你，有啲暫時居所可以考慮下，你嘅情況有社工幫你應該容易啲，希望你早日解脫，重新生活。加油！
1個讚
加油啊！ 送上無限的 祝福！！ 
剛剛睇到，唔知你女屬邊類院舍，但閒閒哋都要等接近十年。你快d去申請左先
10年？
不過我女係自己學校寄宿，應該唔會排咁耐掛，any肥多謝你嘅資料
多謝你其實我真係谷埋谷埋好辛苦，搵唔到人呻，而家睇你哋回覆，我真係感動到喊
多謝你
等我查下我區間明愛響邊樹先
唔係區區都係明愛架
總之係服務自己區既綜合家庭服務中心就得，多數係社署轄下
有當值社工，直接行入去問就得
宿舍嗰度家庭中心社工佢地可以幫你排咗先
不過香港肢體傷殘宿舍係好少，真係十年起跳
綜援嗰啲就要去社會保障部搞
女女都可以申請傷殘金
1個讚
大家係同路人，又係女人，對住啲蝦我哋嘅人只有團結及圍爐
作惡嘅人一定有惡報
行落去，隧道會有盡頭，出到去就係光明
人生歷練都係經歷，你唔苦過，嚐甜就冇咁快樂
知道
多謝晒你
未post上嚟之前，我真係冇咩方向同諗法，而家你哋比咗咁多意見同資料，我真係好感激你哋
2個讚
樓上講嘅綜合家庭服務中心係好幫到手的，快去搵人幫你。
祝福你。
多謝你
1個讚
係，樓主情況真係考慮綜援好啲，綜援係應該俾有需要嘅人用。
唔好急住搵工，等攪掂晒屋／囡囡／離婚幾樣嘢之後，喺依段時間有綜援穩定住生活使費，到最後生活穩定下來，情緒平復才去諗工作啦。
去屋企附近睇睇有咩社福機構，同社工傾傾應該攪邊樣嘢先。
阿女學校有個阿媽，大陸落嚟，個仔有嚴重殘障，放响學校寄宿，久唔久先探佢，為咗綜援同其他保障，一直冇同個仔嘅爸爸結婚，佢都等咗幾年先有公屋，有屋之後再生多2個，但大仔佢就好小理。我覺得佢好衰，個大仔就咁放學校，但所有津貼呀傷殘金就自己袋
之前仲諗住我有能力，安排好阿女入宿就搵工，不過而家都要好好考慮下綜援
1個讚
立即去求助先，公屋申請分拆戶，殘疾人仕優先安排，配套都適合佢D。
都要同步搞離婚，女宿舍要入紙申請，都要等好多年。
個男人似係唔想負責任果D，斷左佢自己生活你才會有真正快樂。