建議試菜芯先， 同埋要有心理準備會好污糟同埋4大長老會有好多野講！
由得佢自由發揮就OK，有工人清潔既仲爽
但慢慢4大長老見佢食得好， 佢地就會好放心，仲好落力買野俾個孫食！ 我個仔5.5 mths 開始BLW, 頭1個月係最難挨， 食到周圍都係，4大長老又俾說話我聽， 搞到我老公都有d 動搖！
但到而家9個月， 我雪櫃放滿大蝦/ 三文魚etc 全部都係4大長老買。 因為佢地發現個孫自己食野好好！
所以爸爸媽媽真係要有共識， 堅持堅持再堅持
- 建議要學習急救，了解gagging同choking的分別，我地唔希望用到，不過要兩手準備，要識得點處理，大人同枱其實都會睇得好實，但gagging係blw必經過程，如果大家人唔鎮定/唔知點處理，可能會事倍功半，冷靜係最緊要
2.媽媽/主要照顧者要有強大心臟，要睇實但都要相信bb做得到，要好放手，多鼓勵bb
3.要非常有耐性，就算食到頭髮全部都係，地下有勁多食物，都唔心急唔可以話bb/打斷佢，其實佢唔係唔乖，因為玩同掉都係必經過程
4.唔能夠有比較心，每個小朋友都獨一無二，有自己嘅進度，有人可以6個月已經開始，7-8個月已經食得好好，有人可能8個月先開始，11個月都未代到一餐，係好平常的，按自己bb進度去調教
4.要做足準備，如果同長輩同住更加要清楚blw個理念，好處，方便解釋，因為其實都好需要同住家人配合的
一般解建議6個月先開始，腸臟比較成熟
需要bb靠自己坐得直個人，會避免哽親
手可以拎到野放入口，吞吐反射消失代表佢已準備好
每樣食物最好試三日，再加新食物。每次只試一種新食物，當有敏感都知道咩係致敏源。有敏感要停止食個種食物先，過多一兩星期先再試少少咁，情況嚴重當然要即時送院
最初期唔建議俾太多種類食物，因為太多種類反而有機會唔集中，到佢越食越好個時可以開始考慮點一餐做到營養均衡
一歲前，奶仍然係主食，blw都仍然要餵奶，所以唔會唔夠營養
留意食物個形狀大小，會幫助減少哽親機會
加固開始要開始學習飲水，幫助消化同排便
一般8個月可代到一餐，9個月可用餐具~其實個個都唔同，blw其中一樣係希望bb食得開心，從而愛上食物，享受同家人一齊食野，無論進度係點，早開始定遲開始都冇問題，到佢3歲個時，其實佢幾時開始加固/代到一餐，都已經唔太重要
Happy blw~
3個讚
我中午BLW，夜晚食粥仔、飯麵，因為阿仔唔鍾意俾人全餵食。
點解要分開兩餐唔同就係因為我返左工就俾99湊，啲食材全部我自己要準備曬。
而且99勁怕整到啲FINGER FOOD唔夠軟。
99又唔生性，又怕BB梗親，又怕佢唔食成日餵，又怕整污糟。
結果而家隻仔揀飲擇食，唔鍾意嘅唔會主動食，仲有完全潔癖。
好彩佢自己本身好奇心重，都會玩下啲食物、餐具。
20m先算真係用到隻羹食曬碗飯。
但啲一舊舊嘅食物都係鍾意用手拿。
而家22m開始要有調味先肯食，特別係菜同肉。
我都係！！一食晒鐘意食既野就扭計 行左三個月 而家九個月
犬兒已經煉成神功
2個讚
佢中意食漢堡呀
非常鍾意
好叻仔呀
1個讚
@Fr4h 我都打算行BLW（仔仔而家3個半月），有冇咩特別要注意？
注意安全！一定要學識喺佢啃親嘅時候幫佢急救。
唔好諗食乜好，要諗點先食到。
唔好有壓力，唔好有期望。
每個人嘅進展都唔同，要相信BB。
我個仔頭玩頭4個月，都係將所有食物黎玩同掉落地，甚至掉我都試過，過程最困難嘅地方係明知佢會掉會玩，但都keep住準備食物俾佢。
玩到11個月大到嗰陣，佢突然間身體好似開始需要食物咁，冇再掉落地，而係好認真咁食曬佢
諗起都想喊。
你必須要有覺悟自己將會經歷一場漫長嘅惡夢，但惡夢之後會有你意想不到嘅回報。
1個讚