唔係成家人嘅話應該唔可以入藉
係Melbourne住過幾年，現在移到英國南部，我會揀澳洲。
學校我唔清楚，但係英國冬天凍都唔係問題，但係大風同成日落雨唔易頂。
英國普遍辦事效率唔高，成日出錯，屋較細，好處係有悠久歷史同文化。
澳洲人無咁多繁文縟節，較隨性，屋價(除倫敦)及物價應該比英國貴。
3個讚
講天氣，人人話英國天氣差，但我覺得係同澳洲比差。
但英國天氣比香港真係好十倍，好天時，陽光靚但大風唔熱，落雨平均唔會太大雨，唔需要冷氣就好涼，凍起上嚟南部都唔係好凍。
話冬天天黑又凍嘅，講真，香港人一係睇電話，一係行商場，都唔做戶外活動，個天黑定凍對香港人有咩影響呀。
係西人鍾意戶外運動，先會覺得天氣重要。亞洲人都係打機上網，唔怕啦。對我嚟講，internet緊要過天氣好多。澳洲網絡超差，好難玩online game。
6個讚
澳洲文化實在唔夠英國嚟，所以英國乜我都會忍
澳洲係多元文化，學校好注重教學生尊重唔同嘅文化，所以每個人都有自己個文化承傳，唔洗特別遷就。當然大家都有一個共同嘅核心價值，亦要知道澳洲歷史，學校會唱國歌，但同時華人區新年會有舞獅，見過鋪頭開張有小朋友舞獅。我覺得係一個共融嘅社會。
天氣好好，年青人有好多戶外活動、水上活動，當然唔鍾意outdoor就冇辦法。
住屋算係咁，就算係好細嘅屋都有個backyard，BBQ好方便，如果冬天咪去返室內打邊爐食韓燒，勝在大把食材買。出街食都得，有d地區會做埋宵夜。
2個讚
澳洲地大物博,冬天冇咁凍我曾在澳洲住過大半年
我響度諗
一個社會上一代多歧視，因為果個年代少外地人
到我地小朋友這代，只要學校中多不同種族
當地白人自小就會適應接納
咁這一代長大後就會變得共融很多
5個讚
住過澳洲4年，英國住咗年半
文化背景的確英國濃厚好多
澳洲人直接啲(rude啲), 英國人含蓄啲(虛偽啲)
歧視肯定澳洲明顯好多，亦都同佢地性格較直接有關，英國可能都有但唔會做出面
居住環境天氣澳洲較好
整體物價英國較平(除了London)
而家冬天開始雨季、未最涷都開始難頂了、早天黑影響心情唔想出去、不過我同意你、有得上網最重要