好多 x 登仔都係咁講嫁
嗰邊好多人都口賤 
我個陣5、6wk 陀唔穩流啡
私家醫生寫逐個星期寫俾我
同埋試過流鮮血入咗急症
所以政府醫院俾咗個期我去檢查
我知自己請咗差不多就快3個星期，我都唔好意思，所以叫醫生唔好再寫假，私家產檢都揀晒自己放假嘅日子去
因為我子宮結構異常，所以我除咗睇私家都有睇埋政府，但政府產檢係平日，同上司請假產檢，十次有八次都叫我改期，連去飲糖水同打百日咳、照結構都叫我改，我話做產檢有週數限制，醫生話冇得改，佢就話我巴閉
到要打百日咳，佢又話自己陀個陣冇li d針打，又話你細個如果打過都有抗體，仲使乜打….如果唔知自己細個有冇打，叫我搵番張針卡睇吓，再唔係問我媽我細個有冇打過
有次要搞商場show，我知撞咗產檢，而我又知其實佢本身會分兩更人當值，我喺佢編人手之前，已經問佢拎半日假，同佢講我產檢完，會即時返嚟幫手，佢黑面仲要講到唔夠人，但又俾我知佢批咗兩個冇大肚嘅同事拎假
我問過其他曾經大肚同事，上司從來冇叫佢哋產檢改期
我都已經唔係請全日，盡量配合呀頭嘅工作安排….個陣我真係喊咗出嚟，點解要咁樣刁難我
仲有陀到第八個月，要我企街站，但佢安排咗幾個冇病冇痛嘅同事留守公司，完全唔明白佢咩用意
呀頭仲要話我好驚你呀，你咪跌親
總之成個孕期都不停有說話聽
喺外國呢啲僱主肯定會被告
講自己正面嘅例子。
我以前間公司好照顧大肚婆，亦有好多大肚婆，放完產假仲可以wfh，喺公司又可以泵奶。
1個讚
我都好幸運，兩胎係不同公司做，兩胎待遇都好好。
第一胎，我本身分工要飛同去開會，當年未有zoom.
一知有左阿姐巳經同客講唔比我飛，不過我身體ok, 我選擇飛到七個月。
第二胎份工又係要飛去開會，飛到四個月老闆唔比我飛，就算我要求都唔比
咁我老細一知我有左都叫我唔好做勞動野
但唔知點解總覺得佢係驚我出事佢要孭鑊多過係真正關心我安危嘅感覺
總之好假
我好好彩，我上司自己都係兩個小朋友既爸爸
我啱啱有咗時同上司講，佢都好關心我，叫我唔好操勞，有咩需要就出聲，仲問我搵咗陪月未
我都有，入新公司前已有左，老闆照俾有薪產假我
3個讚
我份工係體力勞動，啱啱有咗上司都問下有無舒服，講講下就話，少少事就陀唔穩，生得出來都未必正常
同事真係可以好mean
呢句好痴線……
我試過放假，佢要我自己搵人逐樣逐樣duty頂返佢
然後放完返嚟要「還」，總之成個月拉勻要做番晒咁多
呢個人係自己有小朋友嘅
不過佢係男人，唔care
都有又係聽到話唔舒服又話「有冇咁虛弱呀」嗰啲
表面上話喺度做咗咁多年好睇重我
其實升職加薪永無我份
淨係俾晒啲要走嚟走去嘅辛苦job俾我
啲舒服又易上位嘅job俾晒另外兩個男同事
仲話佢哋唔會放假，所以「好啲」
流啡放左一星期病假, 然後再番工, 坐完十個鐘(只係間吾中企吓行吓)… 放工好攰, 行吾到, 子宮墜落去咁。 但十二週都未到! 訓床休息半小時又好番d, 無墜既感覺。要番工都吾知點挨夠四十週。。。
再拎假休息得唔得
First trimester 小心啲好
吾知道私家醫院俾假紙嚴吾嚴。。。 
我聽講有d 人流啡入院都係一日假
其實係睇醫生
我都試過入院都係得一日
又試過有個醫生肯寫一個星期
係呢 見你個post都新 你都係頭三個月?
咁你依家有無請假? 懷孕心情真係好重要。
由於我份工都係流產高危行業, 所以我都有點兒擔心。 但老細都好supportive, 叫我好好安胎。 不過始終都要醫生紙先有paid leave, paid leave 又有限日數。
我諗唔好理有冇pay喇
唔舒服就SL 啦
可能因為我唔算易有
所以我都好小心
今日都sick leave 緊
2nd & 3rd trimester 會好啲嘅，應該
1個讚
有冇得轉做light duty呀?
我每次照都好驚突然無左胎心, SL 上網睇太多, 跟住就好多憂慮, 1/3 過得好漫長