的確是價值觀問題，和旅行次數無關。趁住新婚，好好地溝通一下，不要讓小問題發展成心結。
我和老公都鍾意旅行，役情前每年去10次8次，復活節聖誕節長假去個長程的，其它爭取每一個紅日或自製連假就飛個短程。屋企財政亦會一齊計算好。
如果我和老公在花錢的價值觀不一樣，必定不可能一年去咁多次旅行。
1個讚
兩個都冇乜問題，睇下你想唔想磨合
1個讚
睇你都唔憂米 屋企又有錢 仲可以咁多假去旅行 仲諗咩 梗係去 人生苦短
我覺得樓主好幸福，呢個時勢竟然係煩惱緊去幾多次旅行好。。。
3個讚
我都會擔心錢嫁，但我比較樂天，我老公就未雨綢繆啲。
我都係覺得人生苦短所以想及時行樂，但我都理解我老公諗咩既，咁要儲錢一定係係道德高地上面 
我只係調整緊自己心態
周圍氣氛煩移民怕失業
我都明白，因為我有外國護照，我同老公之後都有諗過移民，但工作暫時唔可以移住。
我老公都係覺得我哋宜家應該儲多啲未雨綢繆。
搵到錢唔玩唔遹帶埋落棺材?
你地樓又買左, 你既收入又一定夠養小朋友,咁唔玩儲埋咁多錢仲乜?
佢係唔底得你有得去旅行佢無得去姐
我就係都有啲你咁既心態，所以想玩。但有小朋友我都覺得會唔夠，雖然我無好想要。講真宜家供樓開支各俾各都大，再加上我老公好堅持越快供完越好 
如果之後仲要搬出去就比宜家更大開支。
所以都係返返去價值觀問題。
係囉 有呢啲happy problem 真幸福 其實係咪曬緊命？
2個讚
Thats not a happy problem, 嘈既時候係喊哂。當然我都唔明只係多一個小一個旅行，但我老公好堅持，差唔多講到想離婚。
即係表面上係嘈旅行，但都引申左其他問題，例如其他人講既價值觀。
但下左度氣，我哋大家都無再提過，所以問題無解決。我當然係可以退一步既，但我唔想今次退左有下一次分歧。
講開就講多啲，之前其實已經嘈過一次，個陣無人同我去旅行，我話要自己去，我老公都係嘈到話我自己去就要離婚 我都諗唔明佢點解小小野都反應咁大。
我都知自己去會危險啲，但我都唔係細啦，後尾我先搵到我媽陪我去。
同埋我著裙又要我打底。
其實分歧係一定會有
生左BB 後仲可能更多
只係要學識點一齊面對
問心
如果今次去少一次旅行你會唔會覺得有唔gur 既感覺?
甚至覺得自己係為家庭犧牲左一次去玩既機會?
除左旅行
仲有無試過因為其他野嗌交
會觸發老公話想離婚咁?
我都會有小小唔gur架如果心情唔好個陣，但心情好個陣就會識自己調節，知道唔去就可以儲多啲錢。
同埋唔止旅行，有時做家務個啲，我未結婚之前咩都唔洗做，我又會諗結咗婚又要做(雖然只係做小小，老公都會做)，又係自己心入面調節。
我都知生b又係一個麻煩所以先唔想生住。
除咗旅行就暫時都無講過想離婚，但我哋係拍左一年就結婚，所以當時可能有衝動成分啦，搞到好易一諗就話離婚(我覺得係有想激我/大我多啲，因為拍拖個陣又係嘈交就話分手，但之後又緊張我去咗邊)，但我都感覺係愛大家既，只係有時呢啲柴米油鹽都煩，我哋本身屋企provide到俾我哋，所以我哋獨立個體黎睇，其他人就會覺得我哋已經好好。但如果我哋要分拆，自己兩個做一個家庭，咁我哋就會有負擔咁樣。
你理性上都明白只係一時意氣啫
呢個諗法都好正常
正如樓上都有朋友講
結左婚後係以"我地"做單位
同做女時一定唔同
感覺你老公都會為左頭家諗得好長遠
可能希望你都會appreciate 佢既effort
亦都希望你有同一個目標
可能係咁佢一聽到你自己一個/ 自己搵阿媽或朋友一齊外遊
就會覺得得佢一人為頭家努力
而你自己去享樂既感覺?
你都講得好有道理，我都係每日調整自己已經做左人老婆既心理 我覺得上黎講下都幾好，可以比我理性咁分析下。
再加上我身邊勁多魔鬼，我朋友又想同我去旅行，我都想去呀但唔得，唔係又俾人炸型，仲要唔想同人講係老公唔想我去
然後我媽又得閒講啲快啲搬出去住啦，邊同時做到咁多樣
1個讚
哈~~~
咁你同佢講
我同你去少一個旅行可以加快搬出去既進程 
1個讚
咁我又唔想去小一個
每日都係天使同魔鬼交戰 
一年一次已經好開心
2個讚