呢個唔駛問啦
1個讚
其實都好咖, 我都ENJOY 親子遊
1個讚
我同老公有聯名戶口，佢每月儲5000,我就儲2500。老公自己另外都有儲錢(佢儲黎for提早還自己既樓)，我就無另外再儲，想洗就洗，洗剩就儲。
咁我覺得我老公都真係好自律既，同我老公人工高過我。樓都貴過我。
其實我覺得我老公話我掛住玩係真，我想玩多過儲錢 
我心態仲未改到，同我又覺得宜家咁都生活到，當然多啲錢就一定好啲。
仲有一個trigger point係我用自己錢同媽去旅行(我同媽都係AA), 然後我媽問我老公有冇俾錢我去旅行，我老公有俾二千我既，係諗住都會幫下佢買嘢咁),我媽就話二千咁小 
我本身都覺得自己去，自己出錢無野，但我媽咁講完我就小小唔開心，老公就話等佢儲錢啦，黎緊再plan佢同我去旅行(potentially第五個trip)，佢俾哂。
係個陣佢先發現我有四個trip(我有同佢講所有旅行，佢自己唔記得), 但個四個trip我無要佢請啊，但佢就嬲咗了。仲話我去咁多，唔請我。
sorry 講到有啲亂。不過如果好奸咁計，係2022年1個trip, 2023年3個trip.
我都係咁諗，之前疫情無得去，之後如果生b應該都無得成日去。
我宜家諗住再試吓水溫，如果佢真係好唔想我去，我就cut一個trip啦，因為得一個未book。
同我哋每次嘈都係大家各持己見，佢嬲，我就喊(因為覺得委屈)，但過左差唔多24小時，大家下左氣又sweet返，但無解決之前既問題。
你媽都幾港女
，咁你自己本身都覺得自己旅行自己俾錢，點解要為阿媽講呢句而唔開心？
7個讚
換機票但去玩點都要食嘢搭車，又會買嘢，呢啲都係錢
1年4個算多呀
同埋要成件事咁睇，如果你平日好慳，又有儲開錢，你都只係用儲多咗嘅嚟去旅行，咁當然ok。但你如果無乜儲錢，即使你只係自己揾自己洗，我覺得都唔太好。雖然話經濟獨立，但好多嘢要大家一齊plan 一齊儲先成事
減一個你都仲有3個，如果1個都唔減，感覺好不合作
4個讚
我覺得我啊媽都係想知我老公對我好唔好 
因為我媽講完，我又諗，係喎，老公都唔tum下我咁，無俾人照顧嘅感覺。當下好似覺得無面，啊媽會覺得老公唔錫我咁。
但公道啲講，平時我老公都有對我好。
我覺得呢個數目目好少，given that 你話你老公高過你…咁兩個加埋起碼十萬一個月。未有小朋友前月儲呢個數，我覺得真係要再儲多啲…雖然你地話有兩層樓要供，但應該租客都供左好大部分？anyways 只係我個人意見。
1個讚
感覺上你就各自各，你老公會為大家諗
你媽好唔得，就算你老公一毫子都無比我覺得都無問題
兩公婆係無可能完全獨立，只係睇去到邊個位。如果其中一個無咗份工，另一個都要幫佢頂，所以另一半價值觀同洗錢模式好重要。你係咪新婚燕爾？如果係，趁早講好大家點計劃將來，每月儲幾多，儲幾耐達到咩目標，咁你之後點洗就可以靈活啲
4個讚
個老婆已經要同奶奶住，唔係更需要抖氣咩
1個讚
我老公有另外自己儲，佢另外儲好似都兩萬一個月。但佢係諗住用黎提早還款。所以唔關我事。
其實我哋加埋人工係多，但我哋供樓都多架。我自己就都算儲得小。
我諗佢會覺得呢個做法唔係幾好
2500唔算多，但當然都要睇吓你本身人工幾多，同開支幾大
順吓佢意咪再儲多啲囉
3個讚
不如我掉轉問
如果無呢個肺炎
呢三年仲可以"如常"三個月飛一次
你估你地仲會唔會一齊?
如果無理解錯
你老公本身都熱愛工作好少旅行?
其實唔會唔關你事，到你結咗婚十年八載，慢慢就會知雖然你揾你洗，但去到某啲位都係大家互相分擔，佢快啲還晒啲錢，將來你哋可以用嘅又多咗
如果佢儲成2萬幾，你儲2500，咁又真係相差大咗少少
4個讚
但有少少挑撥離間嘅感覺，通常呢啲係啲偽姊妹先會問。
其實跟隨返自己原本感覺就得啦，始終同你老公相處嗰個係你，無謂為其他人一兩句就咁樣。
4個讚
其實係價值觀問題，唔係你地是但一個唔啱。
每個人肯花錢時間喺唔同地方，有啲人鍾意用喺食到，有啲人捨得買靚衫，有啲人可能用嚟搭的士。你捨得用係去旅行，對佢嚟講應該係其他嘢，所以佢會覺得你太多。
3個讚
佢就係話我結咗婚只係諗自己去玩，佢話佢為左我地將來好啲有好努力，話我唔好只係靠哂佢，然後我就同佢講，我理想結婚係好似鄭伊健同蒙嘉惠咁，兩個一齊去玩 
但我都應𠄘左話會儲多啲，但儲自己戶口囉，講真我地都洗小左，就係諗住儲多啲之後搬出去。
你係咪結婚無耐
你自己知佢錫你就夠，無人會做到100分，所以無謂拎d做得唔好嘅出嚟數，咁樣對你老公唔公平。你都話啦，佢平日對你好㗎嘛
1個讚