咁又唔駛停,俾少D囉
樓主, 我諗你已經盡孝, 如果經歷咗長期精神虐待, 就離開唔愛錫自己嘅人… 好好幫自己人生重回正軌…
好多野 邊有得揀 唯有接受現實 唔好太強求
愈問點解愈執著
最後受苦都係自己
唔會問點解啦,已經過咗呢個階段
不過學你話齋要接受現實,但接受得嚟,我應該繼續忍,還是算了吧?我清楚知道應該算數,奈何當環境變遷,變得我成為主要照顧佢嘅人,我係咪仲可以企硬呢
到自立階段可以離開,人生苦短及時行樂做自己喜歡的事情
人總有惻隱之心, 何況係自己親人。理性知道應該揀令自己開心, 但自己既責任感不停令自己有內疚感覺…
我有親人都面對同樣處境, 佢解釋我聽任何為佢阿媽做既野, 都係出於做善事既心態… 如果換著一個唔識既婆婆, 你會覺得可以伸出援手既, 就做啦。如果有啲野, 幫左你會覺得唔忿氣, 就算吧。但記著唔好奢望對方會感激, 唔好諗住會得到對方讚賞
樓主,人善被人欺,對惡人千祈唔好心軟…
如果自己都忍受唔到,一走了之啦,呢啲惡人你死咗佢都唔會可憐你(sorry語氣重咗,因我屋企都有一件,我對佢係無感情)
唯一會阻止我嘅人係我老公,我話移民丟低佢哋,佢問我你不怕後悔嗎?後來佢終於慢慢認識我父母,開始理解我嘅諗法,佢自己亦開始疏遠我父母。真心愛你嘅親人會明白點解你要咁做,唔會阻止你,阻止你嘅人對你嘅愛可能有限。
樓主,保重!
你改變唔到人、只能改變自己免受傷害、無論點做、做得幾好、都會有人有意見、隨心吧
我都開始明白、相愛但係相處唔到、唔止講愛情、其實親情都係、只係有啲父母好難接受有毛有翼就識飛係好事
樓主, 我都係咁長大(拍拍肩, 抱抱)
所以我搬走咗,。有時都會返去住下一兩日
(搬走咗, 我媽都係會成日打黎, 叫我返去住, 搬返屋企)
但自己搬咗出黎, 起碼無咗個種精神壓力, 唔使成日比佢煩, 不孝? 我諗陪咗佢咁多年, 我都盡晒孝啦
孝又好, 唔孝又好, 呢刻我自己舒服
(唔係開唔開心, 而係, 壓力來源無咗, 個人就自然舒服咗)
(不過今早我發咗個夢, 夢入面我約咗人要出去, 我媽用個身擋住我唔比我出, 問我要比幾錢我, 我先留低, 之後我叫救命呀, 醒咗(我諗係我同朋友傾佢老公嘅家事, 引發起啲壓力))
每個重男輕女嘅阿媽, 你唔好諗住佢會改
想改變嘅話, 改變你自己先, 少見面, 少出聲係最好令自己舒服嘅方法
要d咩照顧?請人照顧可以嗎?個心成日屈住屈住會屈出病。父母唔錫自己,更加要對自己好d,因為到自己需要援手嗰陣佢哋唔會理你。
呢句好真
宅響度又話宅響度啫
講真,唔係日對夜對先算係孝順嘅
我屋企都係咁,唔係習慣但家人除咗講血緣,其實都要睇緣份,望返轉頭,細個阿媽唔錫我,除咗竉男輕女,全部都係我錯之外,自己一直都因為佢偏心,唔同階段做咗好多反叛嘢,細個影相專登唔笑,行街專登行慢啲,成日黑面,大個之後不停駁嘴,連我都覺得自己唔得人鍾意
家庭責任盡力做啦,填表申請呢樣果樣,安排呢樣果樣,比家用,屋企維修咁,盡量盡自己責任囉,又好難話佢錫多啲嗰個一定要做多啲嘅,做自己認為啱嘅野,隨遇而安啦⋯⋯
搬出去住就大條道理可以唔比家用,
過時過節俾一千幾百就算拉。
重男輕女冇問題,但唔好有乜搵個女。
有本事重個男就唔該有病有痛要錢搵個男
記住:重男輕女唔會變,唔好以為你對佢好會有日重視你,佢重視你只係因為幫到佢個寶貝仔
唔好理佢,為自己打算
個男一樣話個媽偏心㗎
我經常發夢大嗌嗌醒自己,就係夢見同佢嘈交
請人幫唔到,你講得啱,我要人幫佢係唔會理我