其實樓主呻完，
亦肯多左個角度睇件事咪幾好，
件事唔係就完咗嗎？佢之後都欣賞佢媽媽嘅付出，係一時chok住道氣呻下啫。
3個讚
係囉，我諗我地每個人都會有對兩老有意見嘅時候，有時真係會好忟，樓主上黎呻，我估都係因為唔想當面同呀媽起衝突但又有點谷氣想抒發下啫，而家樓主聽完大家意見又冇堅持自己啱晒，會轉念，已經唔錯啦。
相比起，我屋企人，我媽幫佢湊小朋友，佢冇感恩不特只，仲話佢係唔需要我媽幫手㗎，係我媽恨湊仆埋去㗎咋，又成日嫌我媽湊得唔好，呢啲就真心衰囉。
4個讚
咁都要嬲?你咁大個人呢D係你同你老公既責任…
希望你係真心知自己唔岩,唔係無人附和你先改口
喺責怪媽媽上面可能係下咗啖氣
但樓主自己啲安排本身都唔係方便緊自己阿媽同micromanage 得太勁。
人已移民，但仲話「隔咗排大家通電話，諗住順便傾下間屋點清，我自己搵咗間收傢俬。我媽閒談中講到，幾件大傢俬同洗衣機雪櫃已清咗送俾同事，只係淨返幾件，可以點點點做」
連收傢俬都要自己manage，但又隔咗排等人已經清咗一半嘢先傾? 係咁著緊點解唔係一早俾指示阿媽啲嘢會點處理? 人哋幫佢送埋自己朋友唔要嘅嘢俾其他人都唔高興。點解自己送剩同都冇用嘅嘢要care 送俾邊個? 佢阿媽搵人要咗而冇問佢係好正常，因為大多數人都唔會喺自己absent 的情況下micromanage 至呢個level。
俾我感覺佢所有嘢都拖又唔俾清晰指示，到人哋做咗先嚟話人做得唔啱心水。
頂，依家先留意到佢阿媽有同事，阿媽要返工仲要阿媽慢慢聽你知笛幫你搞。開初以為阿媽冇做嘢已經覺得好煩！
樓上有人講得啱，阿媽應該話自己唔識搞，叫佢自己返嚟/搵人搞。
1個讚
點解唔係未放樓前叫朋友搬走晒想要嘅野?
講真，你呢句講得好。雖然我本意係仲有大半個月時間先交樓。
同埋學識micromanage呢個字都係得著
我諗樓主係想人哋嚟睇樓嗰陣 唔好冇家俬 似返個屋企 應該會易賣啲
所以先唔咁早叫朋友拎
應承咗朋友又做唔到 係有啲煩嘅
不過而家香港賣樓好難 賣到 收到錢就已經好好
你媽咪都要做唔少嘢先賣到
俾買家上去度嘢呢啲 人情嚟
方便咗人哋 個交易順利啲 你嗰邊又冇蝕底姐
至於家俬就好小事啦 俾媽咪朋友咪俾媽咪朋友
反正你都用唔到啦
就算真係扔晒 都唔係好影響你啦
2個讚
我一睇到樓主呻，就即時打電話感謝被我委託賣樓的親人
雖有留鑰匙，但agent 成日打電話煩到親人，佢緊張我口價都有時攪到好勞氣。雖是至親，但佢真係無責任幫我，所以我從來都係用macromanagement ，以免增加佢的負擔！
7個讚
重複我講嗰句，好多人身在福中不知福。
我媽莫講話幫我，我照顧佢少啲心力都唔得，佢行動不便，平常車出車入去覆診各樣，我哋亦都因為要照顧年老父母而打消移民嘅念頭。
雖然無奈，但我都係好願意的 。
父母係我幼兒時期都係咁照顧我，我自己亦有小朋友，完完全全明白父母係幾咁犧牲晒自己嘅時間金錢，去愛護自己子女。
所以每次見到樓主呢類po我係好費解，有咩資格出po呻呢？
呢度已經係極溫和，試下上FB講，應該要del acc
1個讚
講真，去到「打咁多字上網呻」呢個層次，已經唔係「呻吓」咁小事
對我嚟講，「呻吓」真係純粹講完就算，轉頭就冇咗件事
長篇大論鉅細無遺由頭到尾打哂件事出嚟post上forum，對我嚟講呢啲叫「公審」
當然，人人把尺唔同，過得到自己就得啦
1個讚
幫人清場係好煩,我都幫老人家清過,所以樓主應該自己清好間屋先交俾呀媽賣樓,人地幫手做就唔好嫌唔岩心水
上面有個會員好似係第一個出聲話係樓主自己處理得唔好,佢都即刻話人咩料…
1個讚
好多人對情侶或者朋友特別寬容，佢地做少少嘢就會覺得對自己好。
但對父母既付出就覺得老馮，因為由細到大父母都係付出既一方，習慣性覺得應份。
4個讚
樓主係好幸運、咁佢都係上網呻下、佢媽又唔知、傷害性低好多