唯一係呢樣好囉
可能我敏感，感覺歧視得好緊要，我仲要識日文，冇咩唔會再去了
2個讚
明明豬仔都變箭豬，真係低智
1個讚
香港對韓國人仲有吸引力，因為香港電影拍攝得香港好靚，韓國搵唔到似維多利亞港夜景。
1個讚
有同感！香港仲好食。
但大阪、奈良有日本古典風味。
真係好鬼鍾意餵鹿。
3個讚
死啦, 我係唔係好奇怪 
我同老公同亞囡好喜歡去新加坡 喜歡地方乾淨、喜歡食物、喜歡聖淘沙、喜歡地方綠化、喜歡新加坡機場, 等等等等。疫情前, 一有平機票, 我地都會去
當然, 如果講買野, 一定係日本、韓國啦 
1個讚
後生時去日本我都係SHOPPING, 但近年只會SPARE一日左右去SHOP, 其他時間我係揀風景區, 靚旅館一泊二食自駕周圍去, 我覺得呢D先係日本遊精髓
4個讚
一個悶到嘔既地方，但我竟然去咗3次。一次business trip ，2 次跟老公家族去探親。冇shopping 冇風景，只有個環球影城，空中花園，食來食去胡椒蟹，海南雞。而家62走左，99老退化，應該唔使再去。 
2個讚
16 年去過一次, 個時阿B 得18 個月, 係幾baby friendly 既一個城市, 但又真係無咩好玩, 個環球影城細到, 一日都玩完…hahaha…除咗係去聖淘沙住, 又真係唔會想去第2 次
1個讚
我疫情前，一年2度日本遊。每次10-14日。每次都有驚喜。
不過我好慢遊，鍾意行橫街窄巷。
4個讚
我都慢, 有時4點就返到旅館, 浸下溫泉等食夜晚果餐會席料理, 真係一洗煩囂
2個讚
日本溫泉真係好正。
諗起都想去。
2個讚
咁日本有嘅香港都有，睇你俾唔俾得起，日本食野係平好多同質素高，香港要食質素高就天價
2個讚
呢個真係第度冇，係講求環境服務食物嘅最高境界
2個讚
可能我唔識日文感覺唔到
、講起接觸過既新加坡人俾我感覺佢哋麻麻地香港人
以前就當對手
而家就贏到開巷
2個讚
19 幾年跟團一定悶，一落機搭幾粒中車，好似隔離徬如隔世
1個讚
京都喎！一樣
1個讚
我知無日韓泰吸引，不過即管寫下三日兩夜行程表比大家參考下。
酒店我通常推介朋友住City Hall 近MRT.
如果鐘意跑步
朝早由City Hall 步行去Clake Quay 大約十分鐘左右，海皮跑一圈好靚好舒服。朝早既太陽唔熱而且好好風。
中午可以去Bugis 既Haji lane 食蝦面，呢間蝦面湯底濃，個五香都好好食，S$6.5一碗試得過。
Haji lane 近年打咭熱點，因為壁畫好靚好有氣氛，夜晚酒吧臨立有live band環境一流。
有興趣可以行去隔離Abab Street, 中東人聚集地或者前面馬拉博物館，不過未去過。
下午去National Gallery, 不論建築定展品，絕對值得一看。古蹟保育新加圾一直做得好優秀，新舊建築融合世界級。
之後再去Sands ， Art Science museum
，行下名店，間Apple Store design 好靚，圓拱型玻璃幕牆。係海邊行下順便睇下Light show.
有小朋友可以試下坐船仔遊河，坐船去Clake Quay
Or river valley 食晚餐，好多人愛食文東記海南雞或者黃阿細肉骨茶。
如果仲有力氣，可以老巴刹食串燒。
第二日可以去動物園或者Sentosa, 亦可以去science museum Kidstop 玩，中幼童去Kidstop 好適合.
亦可以去Wild wild wet 水上樂園，少人啲同平過香港。不過唔係好大，玩半日就夠。
戶外活動可以試下由East coast park 踩單車，由East coast park 租車踩去 singapore flyer.還車 不過一定要四點後，四點後踩唔熱好舒服因為好好風，全程只係四十分鐘。
East Coast park 有細海灘，唔靚不過吹下海風玩下沙都可以，我地假期時會去露營。另外east coast park 有大滑梯，可以以小朋友玩下。
再去溫室睇下花同Garden by the bay.
Durian 愛好者，夜晚可以去Gelang 食榴槤，附近亦有米之蓮田雞粥，因為位處紅燈區，大量老雞出沒，有小朋友就唔好去。
第三日，可以走，上機前去Jewel 行個圈，jewel 頂層有個兒童樂園，做得靚，當然非常遊客feel, 但空中繩網小朋友好like.
玩完可以返香港。
8個讚
之前係亡國都有寫過行程（del哂了），我真係覺得星架坡好多野啱小朋友玩。
我住Clake Quay，夜晚河邊食蟹坐船仔酒吧chill下，正到暈，酒吧區係一大個區，仲有個彈你上天嘅遊戲玩。
淨係聖淘沙動物園環球影城水上樂園，已經玩到唔想玩，到行程尾屋企人要求唔好再玩，好攰
4個讚
我冇跟過團，想試下 
1個讚
快閃玩幾日，同幼童出行擔心頭暈身慶中途會睇醫生，至少溝通到安心啲，部分醫生講廣東話。
以前同小朋友第一次出行係去星洲，成功後再挑戰日韓泰歐。
2個讚