睇晒，明白點解樓主咁既心態。
你走左，你d 朋友應該開心晒
連朋友生小朋友都恭喜唔落，應該好妒忌，
因為真正嘅朋友應該唔會係咁，
樓主你又驕傲又自負，
眼入邊容不下朋友煮一個烏冬，
連分享自己移民嘅嘢都唔講得，
你做人都幾辛苦。
放生人哋放過自己啦
6個讚
個種優越感係唔使禁入黎 係topic都見到大大隻字 ‘外國過得幾好’
冇人可以100%預測未來
移民只是一個個人選擇，好處壞處係因人而異
但你已經default將自己的選擇放係絕對正確，人地的決定是絕對錯誤。你自己都無將雙方放係同一水平，時時都要比較住自己處境比對方高，人哋點會鍾意同你交流
呢個post其實同移民無關，移民只係一個契機俾你表露左自己另一面
「我唔會俾我啲仔女咁慘囉」
坦白講，真係朋友嘅無可能會咁樣諗人哋，你諗清楚你究竟有冇真係當人哋係朋友先好話人
15個讚
依類頂多叫做acquaintance，算不上係朋友
吹水依加野，何必認真
你只係覺得自己比人好，所以咁樣諗啫
事實上大把留係香港既人係既得利益者，例如：有車有樓有舖，係香港唔休做，加上已經拎住外國護照，去邊都得
你覺得同依group人唔岩玩，當然可以換人
不過小心其他人一樣會咁樣睇你
樓主啲語氣咁似蚊姐嘅
（係蚊姐唔係蚊媽）
1個讚
樓主啲語氣似果位2x歲亞太, 自稱老公搵錢好叻, 話要買3層樓, 姑奶好妒忌佢果位, 雖然人物角色唔同左
7個讚
係呀、係佢地角道睇、好過係英國的香港小孩將來冇機會做高層、一世被外國人騎住。但朋友還朋友、真正朋友唔係講呢d 的。係大家互相尊重、尤其一齊有過深經歷的好朋友。不過之前好傾便叫好友。
1個讚
我都覺，個post好印象深刻，完全表露咩叫自卑到極緻變自大。
2個讚
我覺得唔關移唔移民事，真心朋友嘅相處係你會為朋友覺得開心而開心，朋友整個烏冬，未必夠你整嘅好食，但對佢嚟講係突破左自己，佢覺得開心，所以作為朋友凳佢開心。朋友生b，佢覺得做媽媽係喜悅，你作為朋友凳佢開心。
4個讚
咁你係經常將兩個地比較放係心度。小朋友出世真誠地講一句恭喜好難咩？朋友煮野食又要諗人平時唔煮開，我呢度多野食賣。咁你諗野都好奇怪喎
4個讚
無時無刻都要覺得自己高人一等
2個讚
頭先有人突然like我一個舊post, 移民後要改外國姓，cls, 原來開嗰個post嘅樓主就係呢個post樓主
No wonder樓主有咁強烈優越感
4個讚
每個家庭都有自己難處, 你諗得出呢句, 你又估你當佢地係朋友?
1個讚
我突然醒覺呢啲係咪叫「奶奶心態」、我以前公司都有個老海鮮、睇唔起身邊大部分女人的行為、唔煮飯又講一餐、煮嚟煮去又係果啲又講一餐、人地兩公婆交低小朋友比長老湊去個旅行又講一餐……
跟住有個男人同事又係咁、話自己啲朋友點點點、但佢自己一家又唔係特別好。
讚人唔使錢，讚下鼓勵下推動力煮
做人圓滑啲簡單啲
大家開心
我一向唔煮飯，
我啲朋友見我下廚，煮pat 野出嚟，
大家都會輕鬆笑下，
唔通要大廚級先可以share.
朋友係交心，
我都走左，依然同香港朋友好好，
交流無問題。
5個讚
呵呵，咁驚人歧視，因為佢先係最歧視香港人嗰個
諗起有啲香港人好賤格，自己走咗就成日踩香港點衰，好似香港越差就代表佢走得越啱咁，大概樓主都係呢啲人
仲要喺其他post係咁話黃色經濟圈玩完，仲話鄙視留緊喺香港交稅嘅人喎，自己就大條道理喺外國食黑心月餅
如果佢係bno走嘅，真心想叫佢食屎啦，無香港人做佢同路人呀！呢啲人比藍屍更仆街
21個讚
朋友, 係要互相支持。不論對方做咩選擇, 都真心相信佢一定經過深思熟慮, 支持佢。佢唔開心呻, 做佢樹窿, 安慰佢。佢有咩開心野想 share, 會比佢更開心。朋友之間既比較應該係良性競爭, 見到佢行前左, 鞭策自己一齊進步 
如果有一個人, 自己覺得佢既選擇係"錯", 佢煮飯不及自己, share 黎都嘥氣, 佢連啲仔女都保護唔到, 累左啲仔女成世, 唔配做人父母… 咁, 呢個一定唔係自己既朋友 
如果永遠覺得自己既選擇/睇法先啱, 其他都係"錯", 容納唔到別人既不同, 咁不如揾返同自己有一樣睇法既人做朋友, 咁樣大家都會開心啲 
4個讚
係喎~
咁得閒整叉燒
不屑朋友炒烏冬整豬扒都post 出黎
又唔諗下點樣自己整月餅?
講得好
真正既朋友應該係尊重對方選擇先係
對方懷胎十月生左BB 點都應該恭喜下呀?
連人地煮乜野食出黎share 心裡都要不屑
呢d 根本唔係朋友law
6個讚
