點解要"um"住良心?
即係其實你覺得不屑?
咁既野唔應該分享?
如果對方係煮食BB班
其實可能搞好耐先煮到一碟炒烏冬出黎
18個讚
咁中國嘅小朋友都好幸福 尤其中產嗰啲 仲有得入黨 將來分分鐘做國企高層 有名有利嗰隻
所以我咪話 呢句係好得罪㗎
但係係真心嗰句
已經唔講出口
1個讚
我覺得就算身處香港
同理念唔同嘅人都愈行愈遠、直情唔想見
例如大家都有common fd移民、喺香港嘅朋友A會話遲啲咪又回流
又話自己成日同小朋友睇電視、大台介紹大灣區都好好
有次喺商場撞到、咁大家小朋友都係咁大個、一齊食嘢啦、隔離枱父母同自己小朋友講英文、朋友A個女又會話講英文扮晒嘢、我話香港國際城市、講英文好普遍、同我哋講廣東話一樣。
我覺得唔係樓主移唔移民既問題，係佢d 朋友唔想同佢傾計
我都曾經有個朋友係咁，本身想share 開心嘢，佢會一句咁小事有咩值得開心，勁冷水，幾次之後我就對佢冇哂分享慾之後佢揾我我都係hea 答佢算
18個讚
唔講政見，
畢業後大家步伐唔同，有人結婚生仔，有人未，有人做緊女強人沖刺，已經可以同以前好朋友感情淡左，漸行漸遠唔出奇（當然一定有唔少人keep 到友情），樓主只係focus 係移民度
3個讚
其實你係到講完，都可以唔駛回
2個讚
啱就傾，唔啱咪睇咗算， 甚至可以唔睇。
人生苦短，無謂浪費精神。
7個讚
其實留喺香港好多人都好似你咁㗎
唔係話你唔可以自豪
但係人哋客氣答你一句 你就唔滿足
但係你sd完公仔麵相
咁我之後咪要小心啲 唔好喺你面前貼煮嘢食相
我親身經歷係
自從有另一個移民朋友貼其他煮嘢食相
佢就以後唔貼 都唔覆 最多禮貌like
其實講煮嘢食都唔係最大問題
講買樓先見到啲bitterness
唔好提價錢唔好影屋企
如果唔係佢哋真係會唔開心
1個讚
要keep到、真係要雙方都有智慧先得
2個讚
呢個世界唔係非黑即白，人哋無同你傾呢啲唔等同佢接受所有，我有家人都有好朋友係呢兩年內生bb,我唔會批評佢哋咁做啱唔啱，唔會估佢哋有冇為小朋友諗後路，畢竟每個人對自己人生同下一代都會有唔同寄望，我亦都唔覺得教養嘅問題會喺移民後一天都光曬，養大小朋友不嬲都多外來因素影響到，與其擔心人哋係咪盡責嘅父母，不如用心照顧自己嗰啲就算
炒烏冬呢part我好認同其他人回覆，唔重複講了
16個讚
睇你咁多嘅回覆，好似問題係你度多啲。
26個讚
我冇自豪，我亦唔覺得好多海外/留港自豪。
睇來係你地幾個朋友之間出問題，咁就唔好拉落移民度，好多海外手足中槍
1個讚
你其實係咪想講你d 朋友玻璃心唔抵得你？淨係呢個post 都feel 到你個種移左民既優越感。
既然你覺得d fd 咁玻璃，咁咪唔好同佢地玩囉。又要話人又要人地同你玩呢個行為其實好R fd，唔需要咁。
23個讚
全部經歷過！
話人遲早回流呢句真係好bitter
我聽嗰啲 好多係見我生活得幾好 所以話 「你唔會姐 佢咪遲早回流」
我唔知點答佢 因為我其實都係廢嘅
普通大學畢業做文職 要cert唔算真係專業嗰隻
咁我都做到啦 人哋起碼夠膽出去 出面又唔係難
有堆咁嘅人 真係特別忌英文
一聽到人哋識英文就會話人扮嘢
佢羨慕又好 冇反應又好
無啦啦create咗個咁awkward嘅moment
在場就要我花effort去處理
真，其實仲有好多移左民既同留港既玩得好地地，會鬧交既根本係本身friendship 都出現左問題。
4個讚
你個世界太細了。
5個讚
我啲朋友冇講啲咩
因為我都唔講啲咩 特登避開
廢事得罪佢哋
只不過你哋唔係我朋友 又冇禮貌 所以我唔怕得罪你哋
好多移咗民嘅家長 甚至準備一兩年內移民嘅家長
口嗰句就話「唔走唔得」
心嗰句係「接受唔到小朋友要留喺香港」
我知對於留港嘅人嚟講 係好難聽㗎
上面都有回覆話 香港好過第三世界好多
但係我哋身處喺更好嘅地方 仲要係客觀地好
咁我咪廢事香港嘅朋友唔開心 所以唔出聲
2個讚
回流都拎左居留權丫、下一代多個選擇
我就冇咁同朋友咁講嘅
甚至都特登搵啲不幸中之大幸搭幾句
譬如話出生率低 易搵學校
但係人哋係呃梗自己 唔係呀 好多人生bb呀 香港欣欣向榮呀
咁我唔會同佢拗 但都唔想同佢講
我都經歷過，中學糖痴豆，畢業後冇咁close（幸好都係同色），19年之後同以前冇咁熟嘅朋友反而仲熟左，即使已各散東西、大家背景唔同，我唔知算唔算智慧，我地成日自嘲，我地呢啲真係生死之膠
1個讚