佢接受唔到佢d 朋友話留港同移民各有唔好，因為佢想朋友好羨慕佢，覺得佢好正呀。
點知d fd 都唔識做既當佢冇到繼續開心share日常生活，佢咪得唔到滿足感囉，唯有人地連煮烏冬都要諗到人地好可憐。
5個讚
又甘睇，你已經甘行左呢步，set好目標，比英國人知道我地係優越的，比心機加油！
3個讚
睇下追求其d乜囉，唔同年齡層/性格/行業都有唔同追求既。都識朋友香港撈得好店，去到外國人工cut half 都照去。香港賺錢多既壓力同樣大，做big 4既朋友成日自嘲揾錢唔夠醫藥費，年年body check 都重點望下肝有冇事。
1個讚
我又覺得好視乎際遇嘅
我做左十幾年某大大型中資公司, 佢地一路都當香港人係外國人. 就算可以做到中層嗰啲香港人, 本身都係大陸來, 佢地一開口講普通話已經唔係我地呢啲扮講普通話.
要知道而家好多金融機構都已經請晒海歸嗰班, 而在香港的公司已經變緊紅色資本(睇下恒指), 我就唔覺得香港人留港係有咩發展.
可能移民人士好難向上爬(呢個我唔知), 但係留港又唔知有幾多發展.
10個讚
其實移咗民 / 留低嘅人係咪"睇唔起"對方都唔重要
其他人有其他人嘅諗法, 我有我嘅生活
我嘅人生係為自己, 為屋企人而活
當然如果身邊有移咗民嘅所謂朋友"睇唔起"我 (好彩冇)
我會選擇疏遠佢
唔係因為我介意佢睇法
而係唔想同d咁嘅人做朋友, 而且人生苦短, 唔想浪費時間去應酬一d相處得唔舒服嘅"朋友"
4個讚
依邊又係租樓住，個邊又係租樓住，不過個邊大d 同有花園
之後就日日笑依邊既人做咩住間咁細同無花園既屋
港資主要用港人，大陸公司用香港人的都唔少，香港人對佢地來講係技術專家，有國際視野，但要管翻大陸人的佢地會用翻大陸人。
佢人生冇其他野值得自豪咩?
不過佢咁鍾意笑咪由得佢笑飽佢lor
當比佢開心下
到聽得多覺得佢煩就自然疏遠佢
2個讚
暫時我地呢d 3x歲up既已經上到某個位置，算事業半收成期，留港發展我覺得都還好。
但我地既下一代好難講了，淨係講pth點同大陸個班後代爭。我以前幫細路報pth朗誦比賽，大陸個班玩哂。
我之前係呢到講過香港未來pth係會愈黎愈重要，都有俾人話，但我覺得呢個係事實黎。香港咁多中資，d高層都佢地自己人黎。佢地既下一代又變成土生土長融入哂，真香港人既後代都唔係易。
6個讚
唔駛同情對方，可能對方也有不同的計劃，不便講出黎
不過，我自己都煩惱去異地生活對我們係咪好選擇
本來我想打同樣嘅嘢，諗諗下都唔想，驚有人覺得我睇低留喺香港嘅人，我完全無咁嘅心態。
我結婚得兩個人，唔介意屋細細，又唔使打掃得咁辛苦。兩公婆份工穩定福利好人工又唔差，搵到平機票就飛去玩下食餐好嘅，係好開心嘅。
但有小朋友就諗長遠d，自己家庭自己比較過留港好定移民好，無話點揀會可憐或完美。就算外國發揮唔到，起碼有返family time，人工少咗，就出去搵免費娛樂。同樣地，香港搵到錢咪帶小朋友去staycation 主題樂園。撇開政治嚟講，一家人搵到生活方式開心就得。
6個讚
我公司喺全球有幾百個branches, 唔洗等我地啲技術嫁. 我十幾年前入去佢地好尊重香港人嫁, 到而家我地已經係condom. 我地而家嗰幾百個香港人點解仲可以有份工, 係因為香港仲有外勞輸入的配額限制, 如果可以任意輸入外勞, 我地應該全部都會乞食.
如果我地外國啲branches 可以全部用大陸人, 佢地應該一個鬼佬都唔會請, 全部用晒自己人.
3個讚
本來係香港做醫生係好吃香，成績頂尖先入到，
但依家話引入就引入，而且寫疫苗證明都要拉。
所以會擔心將來小朋友大個左既社會環境，但
我身邊留港朋友相對我比較富裕，可能真係出
現咩更大轉變再送小朋友去外國都得，如果我要
咁早都得，但會好吃力。
2個讚
同意每個人都有選擇離開和留的理由, 自己開心就可以.
不過有細路就唔係咁講.
1個讚
好多年前就可能係、而家人哋仲需要你？
你好似仲未明點解今轉d人要走既？
1個讚
agree, 十幾年前就話要香港人同國際視野
而家佢哋都冇諗住同世界接軌
幾年前已講緊係外國人入去中國學中國嗰套
香港人而家係佢地眼中只係working level既員工
唔可能上到去做管理層
2個讚
身邊有朋友去外國人工得返1/3都照去
有一個可能得返1/4都照走
我見到好多大陸公司請好多香港人，有D野搬翻大陸佢地未必做到，唔係請大陸人就可以處理。
無乜明唔明，我自己都哭好耐，每個人有自己原因，對我來講要發揮比安穩更重要。
而家姐，到我地小朋友大時就唔係咁講，甚至過多幾年大陸人摸熟哂門路就唔同玩法。
就好似平時公司想轉人，都唔會一下子cut 哂舊個班，起碼等新人交接好哂先喇。