要注意自己情緒
人地衰無理由自己受
人唔可以太過感性
有時都要學識苦中作樂
1個讚
一矢中的。
我有無理解錯，佢係果邊食美心？咁佢有乜資格可憐人哋？仲有大家唔駛勸佢唔好委屈自己而離開呢班「朋友」。佢一定唔會離開佢哋圈子，離開左仲點覺得自己高人一等呢？會好空虛㗎 
2個讚
很大程度上佢地只係想justify 自己既決定
講到底，依d 都係觀點與角度既問題
如人飲水，冷暖自知
開心唔開心，值得唔值得，自己知咪得囉
何必要時時刻刻證明自己活得比你好
你呢句問題問得好中point，我覺得樓主同認同佢既人係真係咁諗，所以人地同佢share開心事時，心裏係覺得你地咁慘有乜值得開心。因為事事有種我真係可憐你呀既心態，就會透露出優越感。
健康既友誼我覺得係對等先會細水長流，與其長期要假面做人，不如放生自己又放生朋友，冇人想同真實諗法咁黑暗面既人做朋友。
4個讚
吓？留港就唔使搵錢？搵到錢要交稅都係留港者嘅錯？
2個讚
你呢篇直頭要貼堂啦
3個讚
如果你係真心講呢度有咩好 小朋友幾開心 誠意推介朋友早D過黎 或者早D計劃吓
我諗點都傾到計
如果你心諗你D小朋友就慘啦 我D小朋友好彩過到黎
咁仲想點樣同你傾??
唔好諗你無講出口 人地就唔會知 好多時只要一句半句就會"出賣"左你自己既諗法
可唔可以對住朋友時 唔好成日諗朋友有幾慘?? 香港有幾灰??
朋友住香港 如果佢係"正常"人 唔通唔知香港淪落到咩地步? 你會清楚得過佢?
佢咁講 都係想呻吓 希望有人一齊鬧下個是非顛倒既所謂社會 唔係想你可憐佢 更唔係想得到一句(我心裡面果句都未講):“唔走咪抵你囉 邊個叫你唔走”
同你提過 將你既不滿既情緒 指向政權 而唔係發洩喺你朋友身上(點解仲留香港 點解仲交稅 點解仲可以食得咁開心 #@$!#$!#…)
咁你想同佢地講咩都可以
5個讚
我都仍覺得 你唔係想撩事鬧非 唔係粉紅
係諗野直D 講嘢又唔會修飾果D人 唔係有惡意
(你係藍既都費鬼事彩你)
不過你去到外地 都仲要食黑心月餅(唔食真係唔得?! 有原因??) 又真係不能原諒
唔好理咁做有無成效 有D野 如有做開 係需要堅持的 除非你有更好既打算
你既堅持 或許係某D"艱苦中"的人 賴以生存或堅持下去的理由 不要少看這一點點
會走嘅人 就梗係可以講邊間學校好 點樣揀乜乜乜
唔係我話佢灰 係佢話我聽有幾灰
譬如啲仔女嘅打波相 可能抱怨下要早起身咁 咁媽咪朋友係講呢啲㗎啦
點知原來香港唔打針冇得打波
佢就話我知 個仔反叛期又冇得做運動
咁我都冇solution㗎 咪一齊唉
對，根本兩邊日子都唔易過，一齊鬧爆個政府都非常好
1個讚
嗰陣公司樓下成個商場都係美心集團啲餐廳 我都唔食 因為嗰陣真係有用 傷到佢哋營業率 或者佢哋會跪
而家唔知為乜
冇成效 又照做 咁係為咗啲咩
月餅點會自己食 點都會拎啲俾人
拎得嘅都有返咁上下年紀
都係氹下人開心
唔通買中國嘢咩
1個讚
骨氣呀，我有的，你有冇？
12個讚
月餅唔食唔會死嘅，為乜？就係黃絲引以為傲嘅理念同理想，你冇嘅嘢
2個讚
我諗其中一個問題就係呢樣
留港嘅朋友可能就係好似你咁諗 兩邊都唔易過
但係我真係過得幾好
以前做唔到嘅嘢 而家終於做到 尤其小朋友嘅嘢
呢啲都係大家都可以有嘅嘢
咁唔想打針 個solution同留港mutually exclusive
我咪陪佢唉囉
其實大家都知可以點解決
我知道你個意圖不壞，你唔係搞事，我亦真心恭喜你過得好
咁就陪你朋友一齊唉一齊少個政府啦，但唔好每一個位都諗佢哋可憐，一來冇用，二來佢哋唔係每個位都可憐嘅，等如你唔係每個位都幸福一樣，只係你選擇咁樣睇事情而已
3個讚
留港人確實唔慘
- 幾多高薪厚職, 有工人，唔似移民 L 間間超級市場格價咁 cheap
- 仔女大送去外國寄宿學校，使鬼好似班窮L 走去掙政府學校
- 大把野食，食左使鬼話你知？使鬼食美心咁難食
- 出糧又去日本玩, 大魚大肉
係要係香港揾錢交稅比阿爺，好合理。阿爺用啲錢打班香港人唔關自己事喎
遲啲樓市 gogogo, 班賣樓走黃人唔好喊
2個讚
你哋開心，有冇諗過獄中嘅人開唔開心？
你走得甩係幾多條人命、幾多人無咗自由換返嚟？
你仲講移民係咪唔食得月餅，好多人食乜都無得食！
仲撐自己買黑心月餅真係把幾火。
17個讚
一個有高尚情操嘅人，唔會只focus on人哋幾慘自己有幾好，人哋有乜好消息都覺得冇用，因為留港=可憐，呢啲人冇同理心，亦冇做人基本修為
移民好當然係，但要搞到香港咁自己先有5+1，完全係另類難民，點講都係離開自己個家，究竟可以有幾好？我唔知，因為我唔覺得。我寧願犧牲自己幸福都想換返以前嘅香港比大家
我一早將自己縛上香港命運度，無論英國日子有幾順心，都係個人嘅事，但香港日子苦，我點都唔會開心到，因為係集體受難，係共同體
香港係好可憐，但真正有情操嘅人唔會因為physically離開而覺得可憐嘅只係留低嘅人唔係自己，我覺得我喺英國一樣可憐，因為我分割唔到同香港嘅朋友嘅感情，包括識嘅同唔識嘅
你自己離開咗就以為海闊天空，其實你都一樣可憐！
6個讚
其實樓主是很幸運,佢覺得過得好即表示無香港牽絆。
有唔少家庭幾兄弟姊妹又有年老父母，可能其中一人要選擇留下照顧不能或不願離港父母，去成就可以走的兄弟姊妹。如果自己走左留下親手足同父母在香港係咪咁輕鬆說得出留港兄弟姊妹很可憐？
因為只是朋友，所以可以好直白覺得人地揀唔走對不起下一代。但如果是有成就你走自願留港的兄弟姊妹及他們的小孩，會唔會說得出他們很可憐很港豬？或者要留港親兄弟姊妹不能有孩子，在港父母不應抱孫？
無意批判，只係感懷身世。我很希望成就了我與妹妹及兩個外甥的弟弟一家及父母在香港一切安好。也希望香港能早日離開黎明前既黑暗。我不會去想留港有多可憐，只想他們每天過得好，縱有苦但大部分時間是甜。
我覺得Chibimaruko意見分享很到位，希望你盡快放下已離開包袱，我地走左既好好照顧自己，好好保重，六年後健健康康與香港或故人重聚，才不枉一班年輕人及成全左我地很多家庭的留港長者及照顧者。
18個讚
我禽晚喺呢度打到3am，其實眼濕濕咁瞓，百感交集。我諗起過去幾年喺香港嘅日子，日子一啲都唔好過，移民過嚟係平靜安穩，但唔知係咪我冇仔女冇寄託，我都係好多嘢諗，諗過去，諗將來。諗到童年日子，細個時嘅香港係點？父母係點同我哋講以香港為家？細個有咩夢想？等等
今日同舊同事傾偈，佢話工作乜氣氛乜士氣都冇，舊人走晒，高層都係等退休mode hea做。佢都想走，好痛苦，我哋互勉，我覺得我哋兩個都好可憐，我成晚到而家都仲feel到佢個情緒
我冇仔女，我都好相信入籍後我會返香港，我想像唔到喺呢度老去，喺香港最worst會入獄？我都唔知。猶太人當年倖存到美國，好多終生唔再返歐洲，我好明白，個傷痛太厲害，我慶幸我未到呢個 level ，我唔會唔返去。如果我有cancer (我係高危)我估我會即刻返香港過埋剩餘日子，睇住維港死
我好想同留喺香港嘅人講：好多移英人冇放低你哋，冇忘記你哋，我係真心每晚諗住香港，發夢都只會發喺香港，你哋並不孤單 
我以你哋為榮
10個讚