我唔知可以講咩，因為自己野都未搞掂。
我會祝福你同你小朋友，抱抱
明白好傷心好痛，想喊係情況允許就喊啦，唔好收埋同壓抑。最最最重要，照顧好自己，愛自己，take good care. 真心
話說，我事情發生後，呢幾日就係喊同療傷，認真去睇療癒，靜心冥想，有d幫助，如果你想知，就搵我私底下傾。
想問，你無打算同你先生傾，同話佢知？點解你會想等小朋友大d先？
點解又係咁？男人到底咩構造？從一而終對男人真係做唔到既咩？如果唔得，咁不如唔好結婚。一直玩咪得囉，咩果d要傳宗接代既思想？就係因為咁你要咁做，咁不如你搵個女人生，生之前傾掂數。係咪因為極少數女人會咁做，你地d男人就可以咁做，然後走左去move on佢自己既人生。
點解要d女人，mostly, suffer呢d經歷。
純呻
已經問過佢想點，佢一係答你話事、你喜歡、唔知、你話有就有、或者唔答，話好攰唔想傾，我知佢逃避緊，唔想做衰人，既然佢都唔再愛我，我哋再一齊都冇意思。小朋友今年升小，佢將要面對好多轉變，如果呢個時侯離婚，我怕影響小朋友成長，寧願等小朋友再大啲，我諗升小二或小三先離婚會好啲，始終佢係小朋友爸爸，我唔想小朋友無咗父愛下成長。
係，我知道我忽略左佢。
但點解男人唔可以理解，果個係大家既小朋友。
我曾經相信同佢可以終老，佢係我初戀，係過去嘅20年佢一直陪我走過低谷人生，估唔到40歲先第一失戀
抱抱
真的，升小小朋友壓力大，媽媽也有壓力。好好照顧自己，先可以照顧小朋友。辛苦了，加油
到時，可以既話，同小朋友好好溝通，同佢講發生咩事，剛剛慬性既年紀，一定會對佢有影響，盡可能輔導佢多d，睇下相關既參考下點做。
多謝你，希望你哋可以解決到，唔需要行到離婚呢一步。
1個讚
Er 因為d 19大男人覺得湊仔係女人要做既事，佢負責搵錢就夠，「你d 女人掛住湊仔就唔理我，唔識分輕重莊閒」。
其實死不認輸大男人既軀殼之下通常都有一個能力平平既弱者，好多男人係需要依靠女人去建立存在感既
2個讚
我都唔會忍受到, 依家男女平等, 唔會啞忍
因為你無比到呢個感覺佢。
覺得佢做得唔夠好，Reject 得佢參與太多，佢覺得自己做咩都俾人話或者唔做唔出聲仲好，久而久之佢覺得自己係呢個家庭可有可無。
回想返當初拍拖第一個月，當時有冇諗過第時結咗婚生咗小朋友嘅生活會係點？理論上應該係覺得小朋友係愛情上嘅點綴，而唔係本末倒置。勿忘初心。
其實你老公開到出口話想返返拍拖嗰陣咁，好老實呢段婚姻仲有得救，睇你之後處理嘅方法。就算而家講個男人點樣唔啱都好，都無補於事。唔係話佢冇錯，而係出現問題嘅原因的而且確係因為佢冇咗家庭嘅歸屬感，咁就應該係呢個方面去處理。
2個讚
仲愛佢、唔想離婚就扮唔知
你一出聲主動權就落咗去佢到，比機會佢諗清楚佢仲愛唔愛你，比機會佢提出離婚
如果你ok離婚就傾，唔ok就忍，見步行步
傾就博佢仲care你同小朋友，可以救番段婚姻，不過以你地之前鬧交嘅情況嚟睇，我覺得傾完會離婚機會好高
你老公話想返番拍拖嗰時，你竟然話冇可能，我就覺得你唔會追得番你老公。講真，而家係佢冇咁愛你，所以你要追番佢。你罵佢或者講道理係適得其反。
你自己都諗清楚呢個男人值唔值得，你都可以提出離婚
2個讚