佢覺得同個女仔有機會發展，想等下會唔會有多啲機會先決定。
小朋友幾大？如果連自己小朋友都可以放棄，咁
呢個伴侶應該都唔會可以行到一世。
3個讚
好抱歉，我都有同感…如果真係想修復同老婆之間關係，點會再想同其他人發展
3個讚
難，但係唔急
其實你已經處理得好好架啦
講多次呢句無乜用既野先：男人多數都係垃圾
約個時間見婚輔啦，唔係以唔離婚為目標，係以搵出婚姻問題既根源以決定大家去向為目標，有個專業人幫下你地會對大家都公平d
我覺得佢唔係個種有好強自省能力消化自己情緒既人，佢需要人幫佢了解下自己無啦啦咁樣其實係為左d 咩
大部份人都只係「知道」結婚同拍拖係兩回事
唔太多人可以實在地接受結左婚個份責任
2個讚
Um… 睇左樓主之前啲post，
如果想挽救關係，
睇下會否先放低自己，放番二人關係係首位。
另一半之前都有提過有咩想太太做，就盡做。
一段關係只靠責任，都辛苦大家。
有時生活就係互相氹下，唔一定要樣樣擺上面同枱。
無嘢搵嘢笑下，有嘢互相笑下包容下，咁就一世。
多謝你，我都有同自己講，我做得好好架啦。
下下一步，下一步睇下今日講完情況點樣，如果無改善，就可能要踢爆佢。好似樓上咁講，如果佢係借時間黎推搪既話。或者咁好似太天真，但至少係一個機會黎
係，我成日覺得佢唔識表達，淨係識表達憤怒，咩都表示嬲，發脾氣先。
睇你咁講，我都睇返啲舊post
感覺係自從BB出咗世之後，夫妻關係變咗質
如果老公講到出口話想去返拍拖咁，即係話其實佢已經頂唔順而家嘅所謂生活同埋同屋主咁
咁我估係因為照顧BB嗰陣，可能一開始你老公都有嘗試input ，但新手媽媽通常好緊張所以係咁 reject 佢
久而久之佢覺得你自己搞掂晒咪得囉，反正出聲幫手或者俾suggestion 你都會 ban？
佢係呢個屋企嘅存在感或者責任感變咗零，咁唔怪得知佢好似唔怕放棄個小朋友
1個讚
um…多謝你咁有心追po.
係呀，可能太多時間，心力掛住照顧小朋友，忽略左老公。
我有檢討自己，頭先傾計都有同佢講，我有做得唔好既地方，但太多身分既轉變，大家都需要學習。
我覺得姐，佢個人做事唔算太理性，佢而家似係一片空白跟住打下機篤下電話蒙頭大睡個種人多d.
睇左少少舊post, 唔知你地係咪來自兩個唔同既島，似乎有d 文化差異。
男人，就算係香港土生土長讀書不少，我幾個前度分別 84/85/88 年出世唔算老，都仲係有種渴望，自己老婆係會幫自己照顧個d 佢地自己都嫌煩既家人。
可能，你地搬出黎即使客觀黎講係正確決定，唔係你錯，佢心入面都有條刺，覺得係你唔稱職，「搞到佢負擔大左」，「搞到佢日常生活少左人照顧」，「搞到佢一家人面左左」。
我唔肯定，但當時係佢都想搬走，佢自己都覺得佢屋企人難頂，所以一齊決定搬出去。講左好耐，起初佢都唔搬架，係最後佢自己都開聲話搬。
佢有講過，搬左出黎屋企人都仲有哦佢，一部分壓力，事無大小都要佢處理。
係呀，有好大既文化差異
你睇佢地對話係做野識，除左曖昧仲有冇更多，比如佢哋有冇單獨出街食飯之類嘅話題
如果有，咁會唔會大佢話有朋友見到佢同女性朋友食飯，比你自爆睇左電話更好？呢啲情況我覺得你俾佢知你知道左係必要，而家錯不在你，點解反而驚佢惱羞成怒，講真佢係要搲爛塊面，邊個難睇好明顯
係，或者佢係經濟支柱，咁俾錢係咪就可以扮單身同人曖昧，分清楚先
講到眼紅紅，講真企圖出軌/已出軌男人嘅眼淚真係唔好信咁多
佢話佢想同你修補，咁佢應該要俾啲誠意丫，連斷左個曖昧對象都做唔到，咁你仲信佢啲眼紅紅
仲有佢講到冇小朋友就應該離婚，而家係責任多，真係好hurt
或者你有地方做得唔好，但都係為大家嘅小朋友，係咪就換黎老公扮單身去識女仔呢個結果，叫佢自己諗下講唔講得過去
你而家一定好難受，但你要自己諗下係原諒佢定離開佢，咁你有明確方向除左同佢傾都易啲，對你自己都係好
佢話想返翻去拍拖，其實我好認同做左父母真係不可逆轉嘅事實，點都返唔到去，佢咁講非常幼稚
不過佢未適應都係事實，我對「生左小朋友，男人係比女人慢啲，冇咁快投入到」呢啲說話好反感，但睇你講嘅內容都係想佢地斷，諗點樣唔好同佢硬碰，唔好揭穿佢，你比較偏向原諒佢多
扮單身識女都唔爆佢一鑊，所以你都係會就住佢架啦
如果係，由你地相處有問題到發現佢有奇怪，呢段時間你自己有冇嘗試作出大調整
如果未足夠你應該要再努力啲，你想要改變人係好難，唯有改變自己，然後先有可能影響到人哋
如果要攤牌，希望你保持冷靜，唔好喊，你一喊個溝通未必達到預期效果，或者咁講女人一喊，個男人就覺得我地不可溝通
同埋如果原諒，你之後都必須做到對呢件事隻字不提
2個讚
婚姻本來實屬不易，加埋文化差異，係會再難D，你夠成熟，會處理到既
我太黑白分明不甘示弱，好後生識左我前夫，俾佢「調教」到好聽話，學識同佢溝通，表面上work work 地，最後我既內心話我知我好委屈，我唔認為我要咁樣過一世，所以離婚係我選擇。
多謝你既肯定
我希望有足夠既智慧去讓我面對同處理
又唔見d 北歐鬼佬係咁……
可能故事既細節不盡相同，但直覺樓主個故事大崗係同好多亞洲巨嬰男配現代成熟女性既婚姻幾相似
唔知要幾多代華人先摵得甩
個男人會夠投入分擔湊仔同家務，做好男家溝通，個老婆自然有時間有空間分擔經濟同不至於湊仔就唔夠體貼老公
係，其實諗，咁係咪不如離婚好。
係架，我認同，佢做錯，點解我仲要顧佢面子。
係，所以我宜家係要諗自己想點。
多謝你長文回覆
人在異地+疫情+照顧咁細既小朋友，唔做ftm 都唔得，明白你既制肘
真呀！！所以我好反感人地咁講，生完小朋友之後同個女人「男人係咁架喇」「男人係冇咁投入」
我明白，婚姻係要遷就，但冇理由生完小朋友仲要湊埋個男人
只能講，既然生左，一定以家庭為單位，願意一齊去成長嘅婚姻先有運行
所以樓主都可以觀察下先生有冇呢個決心，如果唔係今次好返下次都會有問題
1個讚
重點啊
淨係返工搵錢返屋企乜都唔使處理，仲可以做埋土皇帝大大聲話我搵錢返黎好負責任，無論男人定女人做呢個角色都會覺得好爽
事實係而家社會一份糧唔夠養三代，男人搵錢都未必夠女人黎，以前個套亦不見得女人幸福。
大男人主義係阻礙埋男人自己成長
係呀，當下發現真係好無助。
上黎呢度，多謝大家既留言，暖心的說話。
真心的，因為一切並非必然。
我睇左一次咋，內容係問對方鍾意食咩，同送外賣比對方
係呀，如果無改善，就可能會踢爆佢。
咁突然既對話，佢無預期，咁都可以係假既？